اول پِطرُس 2:20 - کتاب مقدس به زبان مازندرانی - گویش شرقی

²⁰ چوون شِمه وِسه چه فایده ای دارنه وَختی که شِما گِناه کاندینی و تنبیه بونِنی و تِحَمّل کاندینی؟ ولی اگه خواری هاکانین و وه عَوِض رَنج بَوینین و تِحَمّل هاکانین، این کار یِتا کاریِ که خِدائه نَظِر فیضِ جِم پِرِ.

گیله ماز

²⁰ چون شیمی وَسین چه فایده ای داره وختی که شُما گُناه کانید و تنبیه بونید و تَحمُل کانید؟ ولی اَگه خوبی هَکُنید و اونه عَوض رنج بَینین و تحمل هَکُنید، این کار ایتا کاری یِه که خُدایِ نظر خُجیرِ.

کتاب مقدس به زبان مازندرانی - گویش غربی

²⁰ چون شِمِنِه چی فایده ای دارنِه وختی گه شِما گِناه کِنِنی و تنبیه وونِنی و تَحمِل کِنِنی؟ ولی اگه خِبی هاکِنین و وی عَوض رنج بَوینین و تَحمِل هاکِنین، هَین کار یَتِه کاریِه گه خِدایی نظر فیضی جا پِرِ.

اول پِطرُس 2:20 Iomraidhean Croise

اِنجیلِ مَتّی 26:67

بعد عیسیِ دیمِ سَر خیلّیک دَشِندینه و وه ره بَزونه. بعضیا وه ره چَک زوونه و

اِنجیلِ مَتّی 5:47

اَگه فِقَط شه رَفِقونِ سِلام هاکانین، بَقیهِ جِم چه کارِ ویشتِری اِنجام هِدانی؟ مَگه حَتّی بی دینون هم این كارِ نَکاندِنه؟

مَرقُس 14:65

اون وَخت بعضیا عیسیِ دیمِ سَر خِلّیک دم هِدانه؛ وِشون وه چشا ره دَوِسِنه و هَمون طی که وه ره زونه، گاتِنه: «پیشگویی هاکان!» نگهوونون هَم وه ره بییتِنه و بَزونه.

لوقا 6:32

«اَگه فِقَط اونایی که شِما ره مِحَبَّت کاندِنه ره مِحَبَّت هاکانین، شِمه وِسه چه خیری دارنه؟ حَتَّی گِناهکارون هم اونایی ره که وِشونِ دوس دارنِنه ره مِحَبَّت کاندنه.

اوّلین نامِه قُرنتیانی سِه 4:11

اِما تا اَلانِم وِشنا و تِشنامی، و فقیرونِ لِواسِ دَپوشیمی. کُتِک بَخوردیمی و آواره‌ بَیمی.

غَلاطیان 4:18

خوارِ که غیرت دارین، به‌شرطی که خوارِ نیّتِ هِمراه بوئه و هَمش دَووه، نا فِقَط مووقه ای که مِن شِمه هِمراه دَرِمبه.

اِفِسُسیان 5:10

تَقِلّا هاکانین بِفَهمین که چی خِداوندِ راضی کانده.

فیلیپیان 4:18

شِمه کُمِک ها مِ دَس بَرِسیه و شه احتیاجِ جِم ویشتر دارمه. اِسا که شِمه کُمِک اِپافْرودیتوسِ طریق که مِ وِسه بَفرِسینه ره، بَییتِمه، همه چیِ جِم فِراوون دارمه. شِمه هَدیه، خِشبو عطر و قابلِ قبولِ قِروونی ای هَسه که خِدا ره راضی کانده.

اول پِطرُس 2:19

چوون یِتا کاریِ که فیضِ جِم پِرِ که اونی که خِدا ره چِش دارنه، وَختی که ناحقِّ رَنج بَکِشه، بی اِنصافی ره تِحَمُّل هاکانه.

اول پِطرُس 3:14

ولی اگه حَتّی صالح بییَنِ وِسه عِذاب بَکِشینی، بَرکَت گِرنِنی! «اونچیِ جِم که وِشون تَرسِنِنه، شِما نَتِرسین و دِلواپس نَبوئین.»

اول پِطرُس 3:17

چوون اگه خِدا بِخوائه، بهترِ که خوارِ کارِ وِسه عِذاب بَکِشین، تا بَدِ کارِ وِسه.