اول پِطرُس 2:19 - کتاب مقدس به زبان مازندرانی - گویش شرقی

¹⁹ چوون یِتا کاریِ که فیضِ جِم پِرِ که اونی که خِدا ره چِش دارنه، وَختی که ناحقِّ رَنج بَکِشه، بی اِنصافی ره تِحَمُّل هاکانه.

گیله ماز

¹⁹ چون خَجیرِ کار اینه، کسیکه خُدا رِه چِش داره، وختی که به ناحَق رَنج بَکِشِه، بی انصافی رِه تَحمُل هَکونه.

کتاب مقدس به زبان مازندرانی - گویش غربی

¹⁹ چون یَتِه کاریه گه فیضی جا پِرِ، گه اونیگه خِدارِه چِش دارنِه، وختی گه ناحَقِ رَنج بَکِشِه، بی انصافی رِه تَحمِل هاکِنِه.

اول پِطرُس 2:19 Iomraidhean Croise

لوقا 6:32

«اَگه فِقَط اونایی که شِما ره مِحَبَّت کاندِنه ره مِحَبَّت هاکانین، شِمه وِسه چه خیری دارنه؟ حَتَّی گِناهکارون هم اونایی ره که وِشونِ دوس دارنِنه ره مِحَبَّت کاندنه.

اِنجیلِ یوحنا 15:21

ولی مِ اسمِ خاطریِ که تِمومِ این کارا ره شِمه هِمراه کاندِنه، چوون اونی که مِ ره بَفرِسیه ره نِشناسِنِنه.

اعمال رَسولان 11:23

وَختی برنابا اونجه بَرِسیه و خِدائه فیضِ بَدیئه، خِشال بَییه و همه ره تَشویق هاکارده تا تِموم دلِ هِمراه خِداوندِ وِفادار بوئِن،

رومی ایشون 13:5

پَس آدِم وِنه نا فِقَط خِدائه غَضِبِ وِسه، بلکه وجدانِ وِسه هم مطیع بوئه.

اوّلین نامِه قُرنتیانی سِه 15:10

ولی اونی که اَلان ویندِنی هَسِمه خِدائه فیضِ خاطِریِ، و وه فِیض مِ وِسه بی‌فایده نَییه. برعکس، مِن، تِمومِ وِشونِ جِم، سَخت‌تِر کار هاکاردِمه، ولی نا مِن، بلکه خِدائه فیضِ خاطِریِ که مِ هِمراه دَره.

دوّمین نامه قرنتیانِ وَسین 1:12

چوون که اَمه اِفتخار، اَمه وجدانِ که گِواهی دِنه که این دِنیائه دِله راستی و صاف و صادقیِ هِمراه که خِدائه جِم هَسه رِفتار هاکاردیمی. نا آدِمیِ حِکمتِ هِمراه، بلکه خِدائه فیضِ هِمراه رِفتار هاکاردیمی، عَلی اَلخصوص شِمه هِمراه.

دوّمین نامه قرنتیانِ وَسین 8:1

ای بِرارون، خوامبی شِما ره اون فیضی جِم که خِدا مقدونیهِ مَنطقهِ کلیساها ره هِدا، باخَوِر هاکانیم.

دوم تیموتائوس 1:12

همینِ وِسه این طی عِذاب کَشِمبه، ولی عار نِدارمه، چوون دومبه کیِ ایمون بیاردِمه و قانع بَیمه که وه تونده اونچی که مِ ره بِسپارِسه بَییه ره تا اون روز محافظت هاکانه.

نامِه مَسیحینی عبرانی نِژادی سِه 10:2

وگرنه مگه وِشونِ قِروونیِ پیشکَش هاکاردِن قطع نَبونِسه؟ چوون اونایی که پَرَسِش کاندِنه اَت کَش پاک بونِسِنه و دییه شه ره گِناهکار نَدونِسِنه.

اول پِطرُس 2:20

چوون شِمه وِسه چه فایده ای دارنه وَختی که شِما گِناه کاندینی و تنبیه بونِنی و تِحَمّل کاندینی؟ ولی اگه خواری هاکانین و وه عَوِض رَنج بَوینین و تِحَمّل هاکانین، این کار یِتا کاریِ که خِدائه نَظِر فیضِ جِم پِرِ.

اول پِطرُس 4:15

ولی اگه شِمه جِم یه نَفِر عِذاب کَشِنه، نَکِنه که قتل، دِزّی، شِرارت یا فضولیِ خاطِری بوئه.