اول پِطرُس 2:17 - کتاب مقدس به زبان مازندرانی - گویش شرقی

¹⁷ همه ره حِرمت بییِلین، بِرارونِ مِحَبَّت هاکانین، خِدا تَرس بوئین و پادشاه ره اِحترام بییِلین.

گیله ماز

¹⁷ همه رِه حُرمَت بَنین، اَداشانِ مُحبت هَکُنید، خُدا تَرس هَبین و پادشاه رِه اِحتِرام بَنین.

کتاب مقدس به زبان مازندرانی - گویش غربی

¹⁷ هَمه رِه حِرمَت بِلین، بِرارِنِ مِحبت هاکِنین، خِداترس ووئین و پادشاهِ اِحتِرام بِلین.

اول پِطرُس 2:17 Iomraidhean Croise

اِنجیلِ مَتّی 22:21

وِشون جِواب هِدانه: «قیصرِ شِنه.» عیسی بااوته: «پَس قیصرِ مالِ قیصَرِ هادین و خِدائه مالِ خِدا ره هادین.»

اِنجیلِ یوحنا 13:35

اَگه هَمدییه ره مِحَبَّت هاکانین، تِمومِ مَردِم اینِ جِم فَهمِنِنه که شِما مِ شاگردِنی.»

رومی ایشون 12:10

بِرارِ واری، هَمدییه ره دوس دارین. اِحترام بییِشتِنِ دِله، هَمدییهِ جِم پیش دَکِفین.

رومی ایشون 13:7

هر کسِ حَقِّ وه ره هادین: اگه مالیاتِ، مالیات هادین، اگه خَراجِ، خَراج هادین، اگه اِحترامِ، اِحترام بییِلین، و اگه حِرمَتِ، حِرمَت بییِلین.

دوّمین نامه قرنتیانِ وَسین 7:1

پَس ای عزیزون، اِسا که اِما این وعده‌ها ره دارمی، بِئین شه ره هر جسم و روحِ ناپاکیِ جِم پاک هاکانیم و خِدائه تَرسِ هِمراه، مِقَدّس بییَنِ کامل هاکانیم.

اِفِسُسیان 5:21

مَسیحِ حِرمتِ خاطِری، هَمدییهِ جِم اِطاعت هاکانین.

فیلیپیان 2:3

هیچ کاری ره خودخواهی و چِش و هم چِشیِ سَر نَکِنین، بلکه فروتنیِ هِمراه بَقیه ره شه جِم بِهتَر بَدونین.

اول تیموتائوس 6:1

تِمومِ اونایی که نوکریِ یوغ بِن دَرِنه، وِنه شه اربابونِ کاملاً اِحترام بییِلین تا خِدائه اسم و اَمه تعلیمِ علیه بَدِ چی نارِن.

نامِه مَسیحینی عبرانی نِژادی سِه 13:1

بِرارونه مِحَبَّت شِمه میون برقِرار بوئه.

اول پِطرُس 1:22

اِسا که حَییقَتِ اِطاعت هاکاردِن هِمراه، شه جانها ره پاک هاکاردینی تا بی‌ریائه بِرارونه مِحَبَّت دارین، هَمدییه ره خالص و پاکِ دِلِ هِمراه دوس دارین.

اول پِطرُس 2:13

خِداوندِ خاطِری، هر صاحب مَنصبِ جِم که آدِمونِ میون تَعیین بَییه، اِطاعت هاکانین، خوانه پادشاه بوئه که همه ئه جِم سَرترِ،

اول پِطرُس 5:5

همین طی شِما هم ای جوونون، مشایخِ جِم اِطاعت هاکانین. شِما همه شه رفتارِ دِله هَمدییهِ هِمراه فروتنی ره دَپوشین، چوون، «خِدا مغرورونِ روب رو اِیست کانده، ولی فروتنونِ فِیض دِنه»