اول پِطرُس 1:25 - کتاب مقدس به زبان مازندرانی - گویش شرقی

²⁵ ولی خِداوندِ کِلام تا اَبد به جا موندِنه.» و این کِلام، اون خوارِ خَوِرِ خِشِ که شِما ره اِعلام بَییه.

گیله ماز

²⁵ وَلی خُداوندِ کلام تا اَبد بِجا ماندِنه.» و این کلام، اون خُجیرِ خَبَرِ خوش که شِمِره اعلام هَبا.

کتاب مقدس به زبان مازندرانی - گویش غربی

²⁵ ولی خِداوندی کلام تا اَبَد بِجا مونِّه.» و هَین کلام، هون خِبِ خَوَرِخِشِ گه شِمارِ اعلام بَوِه.

اول پِطرُس 1:25 Iomraidhean Croise

اِنجیلِ مَتّی 5:18

چوون حَییقَتِن شِما ره گامبه تا آسِمون و زِمین شه جائه سَر دَرِنه، هیچ حَرف یا یِتا نِختِه توراتِ جِم از بین نَشونه، تا اینکه تِمومِ اون اِنجام بَووه.

لوقا 16:17

با این وجود، آسِمون و زِمین از بین بُورِ آسونترِ تا اینکه توراتِ جِم یِتا نِخطه دَکِفه!

اِنجیلِ یوحنا 1:1

از اَوِّل کِلام دَییه و کِلام خِدائه هِمرا دَییه و کِلام، خِدا بییه؛

اِنجیلِ یوحنا 1:14

و کِلام، آدِم بَییه و اَمه میون مَنزل هاکارده. و اِما وه جِلالِ بَدیمی، جِلالی شایسه اون یِتا ریکا که پییِرِ طَرِفِ جِم بییَمو، که فِیض و حَییقتِ جِم پِرِ.

اوّلین نامِه قُرنتیانی سِه 2:2

چوون تَصمیم بَییته بیمه شِمه میون هیچی ره نَدونِم اِلّا عیسی مَسیح، اون هم مصلوب بَییه عیسی.

اِفِسُسیان 2:17

وه بییَمو و صِلحِ و سِلامتیِ خَوِرِ خِشِ شِما ره که دور بینی و اونایی که نزیک بینه ره، اِعلام هاکارده،

اِفِسُسیان 3:8

هر چَن که مِن تِمومِ مِقَدَّسینِ میون همهِ جِم کَمتَرینِمه، این فِیض مِ ره هِدا بَییه تا مَسیحِ بی حدّ و حِسابِ گَنج ها ره غیرِیَهودیونِ اِعلام هاکانِم،

تیتوس 1:3

و خوار مووقه، اون وَعده دیار بَییه، اون کلامِ دِله که اونِ اِعلام اَمه نِجات​دهنده خِدائه حِکمِ هِمراه مِ ره بِسپارِسه بَییه،

نامِه مَسیحینی عبرانی نِژادی سِه 6:5

و خِدائه کِلامِ خواری و آیندهِ دورانِ قِوَّت هائه طعمِ، مِزه هاکاردِنه،

اول پِطرُس 1:12

وِشونِ وِسه دیار بَییه که نا شه ره بلکه شِما ره خِدمِت کاردِنه، اون مووقه که اون چیائه خَوِری گَب زونه که اَلان اونِ انجیلِ پِیغوم رِسونونِ جِم اِشنُنِنی، وِشونی جِم که روح القدُسِ طریق که آسمونِ جِم بَفرِسیه بَییه، اون خَوِرِ خِشِ شِما ره دِنِنه. حَتَّی فرشته ها هم آرزو دارنِنه این چیا ره بَوینِن.

اول پِطرُس 1:23

چوون شِما اَت کَش دییه دِنیا بییَمونی، نا اون تخمِ جِم که از بین شونه بلکه اون تخمی جِم که از بین نشونه، یعنی خِدائه کِلام طریق که زنده ئه و تااَبد به جا موندِنه.

اول پِطرُس 2:2

و چِلیکِ وَچونِ واری، روحانیِ پاکِ شیرِ ذوقِ دارین تا ‌ اونِ طریق نِجاتِ دِله رشد هاکانین،

پطرسی دِوّمین نامِه 1:19

و اِما پِیغَمبِرونِ گَب ها ره که بونه اِطمینان هاکاردِ، دارمی که خوارِ شِمه یاد دَووه، یِتا لمپائه واری که ظِلِمادِ دِله تابِنه تا وَختی که صِواحی دَم بَووه و صِواحی دَمِ سِتاره شِمه دلهائه دِله رووشِن بَووه.

اوّل یوحنا 1:1

اونچی که از اَوِّل دَییه، اونچی که بِشنُسیمی و شه چِشائه هِمراه بَدیمی، اونچی که وه ره هارِشیمی و شه دَسائه هِمراه لَمس هاکاردیمی، یعنی زندگیِ کِلام،که اونِ شِما ره اِعلام کامبی.

اوّل یوحنا 1:3

اون کِلام که اِما بَدیمی و بِشنُسیمی ره شِما ره اِعلام کامبی تا شِما هم اَمه هِمراه رِفاقت دارین؛ حییقَتاً هم که اَمه رفاقت پییِرِ هِمرا و وه ریکا عیسی مَسیحِ هِمرائه.

یوحنایِ مکاشفه 14:6

بعد یِتا دییه فرشته‌ بَدیمه که آسمونِ میون پرواز کارده و اَبدی اِنجیلِ شه هِمراه داشته تا اونِ اونایی که زِمینِ دِله دَرِنه، و هر ملّت و طایفه و زِوون و قومِ اِعلام هاکانه.