اول پِطرُس 1:2 - کتاب مقدس به زبان مازندرانی - گویش شرقی

² اونایی ره که طبقِ خِدائه پییِرِ پیشدانی، و خِدائه روحِ کارِ طریق که تَقدیس کانده، عیسی مَسیحِ اِطاعت هاکاردِنِ وِسه و وه خون که وِشونِ سَر دَپاشیه بَییه، انتخاب بَینه: فِیض و صِلح و سِلامتی فَت و فِراوون شِمه وِسه بِیّه.

گیله ماز

² اوشانیکه طبقِ خُدای پیَرهِ پیشدانی، و خُدایِ روحِ کارِ طریق که تقدیس کانه، عیسی مسیحِ اِطاعَت هَکُردَن وَسین و اونه خون که اوشانه سَر بَپاشیه هَبا، انتِخاب هَبان: فیض و صُلح و سلامتی فَت و فَراوان شِمِرِه بیه.

کتاب مقدس به زبان مازندرانی - گویش غربی

² اونانیگه طبقِ خِدای پیری پیشدانی، و خِدایی روحی کاری طریق گه تقدیس کِنِّه، عیسی مسیحی اِطاعَت هاکِردَنی سِه و وی خون گه وِشونی سَر بَپاشی بَوِه، انتِخاب بَوِنِه: فیض و صِلح و سلامتی فَت و فِراوون شِمنِه بیِه.

اول پِطرُس 1:2 Iomraidhean Croise

اِنجیلِ مَتّی 24:22

اَگه اون روزا کِتاه نَونِسه، هیچ بَشِری جون سالِم به دَر نَوِردِه. ولی اِنتِخاب بَییه هائه خاطری اون روزا ره کِتاه کانده.

اِنجیلِ مَتّی 24:24

چوون که خَیلیا اِنِنه و دِراغی اِدعا کاندِنه که اِما مَسیحِ موعود و پِیغَمبَرِمی و گَت گَتِ معجِزه و کارائه عجیب هم کاندِنه تا اگه بَووه حَتَّی اِنتخاب بَییه ها ره هم گُمراه هاکانِن.

اِنجیلِ مَتّی 24:31

وه شه فِرِشته ها ره، گَتِ شِیپورِ صِدائه هِمراه فِرِسِندِنه و وِشون وه انتخاب بَییه ها ره، دِنیائه چهار سوک جِم، آسِمونِ این سَر تا اون سَرِ جِم جَمع کاندنه.

مَرقُس 13:20

اگه خِداوند اون روزا ره کِتاه نَکارده بییه، هیچ بشری جانِ سالم به دَر نَوِرده. ولی انتخاب بَییه هائه خاطِری، که شه وِشونِ انتخاب هاکارده، اون روزا ره کِتاه هاکارده.

مَرقُس 13:22

چوون خَیلیا اِنِنه و دِراغی ادعا کاندِنه که اِما مَسیحِ موعود و پِغمبَرِمی و عجیبِ کارا و معجِزه ها کاندِنه تا اگه بَووه، انتخاب بَییهِ ها ره از راه به در هاکانِن.

مَرقُس 13:27

وه فرشته ها ره فِرِسِندِنه و شه انتخاب بَییه ها ره دِنیائه چهار سوک جِم، زِمینِ این سَر تا آسمونِ اون سَر، یه جا جَمع کانده.

لوقا 18:7

اِسا، مگه خِدا شه انتخاب بَییه هائه داد که شو و روز وه پیشگاه اِلتماس کاندِنه، نَرِسِنه؟ این کارِ همین طی عَقِب دِم دِنه؟

اعمال رَسولان 15:18

این چیا ره از قدیم مَعلوم هاکارده.“

اعمال رَسولان 2:23

این عیسی طِبق خِدائه اِراده و نَخشه، شِمه تَسلیم بَییه و شِما کافِرونِ دَس وه ره صلیب بَکِشینی و بَکوشتینی.

اعمال رَسولان 20:32

«اِسا شِما ره خِدا و وه فِیض بَخشِ کِلامِ دَس اِسپارِمبه که تونده شِما ره بِنا هاکانه و تِموم کِسایی میون که تَقدیس بَینه اِرثیه هاده.

رومی ایشون 1:5

خِدا مَسیحِ طریق، اِما ره فِیض هِدا تا وه رسولون بوئیم و تِموم قوم ها ره راهنِمایی هاکانیم که مَسیحِ اسمِ ایمون بیارِن و وه جِم اِطاعت هاکانِن.

رومی ایشون 1:7

همهِ اونایی وِسه که رومِ شَهرِ دِله دَرِنه، که خِدا وِشونِ دوس دارنه و دَعوِت بَینه تا خِدائه مِقدَّسِ قوم بوئِن: فِیض و صِلح و سِلامتی اَمه پییِر، خِدا و خِداوندْ عیسیِ مَسیحِ طَرِفِ جِم، شِمه وِسه بِیّه.

رومی ایشون 11:2

خِدا شه قومِ که قبلتر سیوا هاکارده بییه ره رَد نَکارده. مگه نَدوندِنی مِقدَّسِ نوشته ها اِیلیائه پِیغَمبِرِ خَوِری چی گانه؟ که وه چی طی اِسرائیلِ قومِ علیه، خِدائه پَلی شِکایت هاکارده و بااوته:

رومی ایشون 11:28

اِنجیلِ خَوِری، یَهودیون شِمه خاطِری، دِشمِنِنه؛ ولی خِدائه انتخابِ خاطِری و شه اَجدادِ خاطِری، خِدائه عزیزِنه.

رومی ایشون 15:16

که غیرِ یَهودیونِ وِسه مَسیحْ عیسیِ نوکِر بوئِم و خِدائه اِنجیلِ خِدمِت هاکاردِنِ وِسه، کاهنی هاکانِم، تا غیرِیهودیون یِتا قابل قبولِ هَدیه خِدائه پَلی بوئِن که روح القُدُسِ طریقِ جِم تَقدیس بَییه.

رومی ایشون 16:19

شِمه اطاعتِ آوازه، همهِ میون دَپیته؛ پَس، شِمه خاطِری خَله خِشالِمه. ولی شِمه جِم خوامبه اونچیِ عوض که خوارِ حکیم، و اونچیِ عَوِض که بَدِ، ساده بوئین.

رومی ایشون 16:26

ولی اَلان طبقِ پِیغَمبِرونِ بَنوِشته و اَبدی خِدائه حِکمِ هِمراه، تِمومِ مَردِمِ وِسه دیار بَییه تا وِشون ایمون بیارِن و اطاعتِ هاکانِن -

رومی ایشون 8:13

چوون اگه طبقِ جسم زندگی هاکانین، مییِرنِنی؛ ولی اگه خِدائه روحِ هِمراه، کارایی که تَن کانده ره بَکوشین، زندگی کاندینی.

رومی ایشون 8:33

کیِ که خِدائه انتخاب بَییه ها ره تِهمت بَزِنه؟ خِدائه که وِشونِ صالح اِشمارِنه!

اوّلین نامِه قُرنتیانی سِه 1:30

وه خاطِریِ که شِما عیسی مَسیحِ دِله دَرِنی. اون عیسی مَسیح که خِدائه طَرِفِ جِم اَمه وِسه حِکمَت بَییه، یعنی صالحی، قدّوسیت و آزادی.

اوّلین نامِه قُرنتیانی سِه 6:11

بَعضی از شِما قبلاً این طی بینی، ولی عیسی مَسیحِ خِداوندِ اسمِ دِله و اَمه خِدائه روحِ طَریق بَشُسه بَییه، تَقدیس بَییه و صالح بِشمارِسه بَینی.

دوّمین نامه قرنتیانِ وَسین 10:5

اِما هر بحث و هر کِسی که خِدائه معرفتِ علیه گَت گَتِ نَظِر دِنه ره از بین وَرمی و هر فکری ره مجبور کامبی که مَسیحِ جِم اِطاعت هاکانه.

دوّمین نامه قرنتیانِ وَسین 13:14

خداوند عیسی مَسیحِ فِیض، خِدائه مِحَبَّت و روح‌القُدُسِ رفاقت شِمه هِمراه دَووه.

کولُسیان 3:12

پَس خِدائه انتخاب بَییه قومِ واری که مِقدّس و عزیزِنه، دِلسوزی، مهروونی، فروتنی، ملایمت و صبرِ لِواسِ دَپوشین.

دوّم تِسالونیکیان 2:13

ولی ای بِرارون که خِدائه عزیزِنی، اِما وِنه هَمِش خِدا ره شِمه خاطِری شِکر هاکانیم، چوون خِدا شِما ره نوبرِ واری انتخاب هاکارده که نِجات بیرین. اون تَقدیسِ طریق که خِدائه روحِ هِمراه اِنجام بونه و حَییقَتِ ایمون داشتنِ هِمراه

دوم تیموتائوس 2:10

اینِ وِسه انتخاب بَییه هائه خاطِری همه چی ره طاقِت یارمه تا اونا هم اون نجاتی که مَسیحْ عیسیِ دِله دَره ره، اَبدی جِلالِ هِمراه به‌دَس بیارِن.

تیتوس 1:1

پولُسِ طَرِف جِم، خِدائه نوکِر و عیسی مَسیحِ رسول، که تعیین بَیمه تا خِدائه انتخاب بَییه هائه ایمونِ تقویِت هاکانِم و اون حَییقتی که طبقِ دینداری هَسه ره بارِم.

نامِه مَسیحینی عبرانی نِژادی سِه 10:22

بِئین یِتا راسِ دِل و کاملِ ایمونِ هِمراه، خِدا ره نزیک بَوویم و شه دلها ره بَدِ وجدانِ جِم پاک هاکانیم و شه تَن ها ره پاکِ اوهِ هِمراه بَشوریم.

نامِه مَسیحینی عبرانی نِژادی سِه 11:28

ایمونِ هِمراه بییه که موسی پِسَخ و خون دَپاشییَنِ به‌جا بیارده تا اون فرشته که اَوِّلین وَچونِ هِلاک کارده، اِسرائیلِ اَوِّلین وَچونِ سَر دَس نییِله.

نامِه مَسیحینی عبرانی نِژادی سِه 12:24

و عیسی که یِتا جدیدِ عَهدِ واسطه ئه، و اون دَپاشیه خون که هابیلِ خونِ جِم بهتِرِ، گَب زَنده.

نامِه مَسیحینی عبرانی نِژادی سِه 5:9

و اون مووقه که کامل بَییه، تِمومِ اونایی که وه جِم اِطاعت کاندِنهِ وِسه، اَبدی نِجاتِ سرچِشمه بَییه.

اول پِطرُس 1:14

اون مطیعِ وچونی واری، اون هِوا و هوس هائه واری نَبوئین که نادونیِ دورانِ دِله داشتینی.

اول پِطرُس 1:19

بلکه مَسیحِ با ارزشِ خونِ هِمراه بَخری بَییه اون بی‌نقص و بی عیبِ وَرهِ هِمراه،

اول پِطرُس 1:20

وه قَبل از اینکه دِنیا به وجود بِیّه، تعیین بَییه، ولی این آخِرِ زمون هائه دِله شِمه خاطِری دیار بَییه.

اول پِطرُس 1:22

اِسا که حَییقَتِ اِطاعت هاکاردِن هِمراه، شه جانها ره پاک هاکاردینی تا بی‌ریائه بِرارونه مِحَبَّت دارین، هَمدییه ره خالص و پاکِ دِلِ هِمراه دوس دارین.

اول پِطرُس 2:9

ولی شِما اِنتخاب بَییه نَسل و کاهنونی هَسینی که شاهانه کاهنی کاندینی، شِما مِقدَّسِ مِلّت و مَردِمی هَسینی که خِدائه مِلکِنی، تا وه عالی صفت ها ره اِعلام هاکانین که شِما ره تاریکیِ جِم، شه عجیبِ نورِ وِسه دَعوِت هاکارده.

پطرسی دِوّمین نامِه 1:2

فِیض و صِلح و سِلامتی، خِدا و اَمه خِداوند عیسیِ بِشناسییَنِ طریق، فَت و فِراوون شِمه وِسه بَیّه.

دوم یوحنا 1:1

شیخِ جِم، مِحتَرَمِ خانِم و وه وَچونِ که ’حَییقَتِ‘ دِله وِشونِ دوس دارمه - و نا فِقَط مِن، بلکه تِمومِ اونایی که حَییقَتِ بِشناسینه -

دوم یوحنا 1:13

تِ مِحتَرَمِ خواخِرِ وَچون، تِ وِسه سِلام رِسِندِنِنه.[آمین!]

یهودائه نامه 1:2

رَحمِت و صِلح و سِلامتی و مِحبِّت، فِراوونیِ هِمراه شِمه وِسه دَووه.