اول پِطرُس 1:12 - کتاب مقدس به زبان مازندرانی - گویش شرقی

¹² وِشونِ وِسه دیار بَییه که نا شه ره بلکه شِما ره خِدمِت کاردِنه، اون مووقه که اون چیائه خَوِری گَب زونه که اَلان اونِ انجیلِ پِیغوم رِسونونِ جِم اِشنُنِنی، وِشونی جِم که روح القدُسِ طریق که آسمونِ جِم بَفرِسیه بَییه، اون خَوِرِ خِشِ شِما ره دِنِنه. حَتَّی فرشته ها هم آرزو دارنِنه این چیا ره بَوینِن.

گیله ماز

¹² اوشانه وَسین معلوم هَبا که نه خُدِشان رِه بلکه شِمِره خِدمَت کَانِه بان، اون موقِه که اون چیزانِ بارِه گَب زَنه بان که اَلآن اونه اِنجیلِ پِیغام رِسانانِ جی اِشنَوِنید، اوشانه جی که روح القدسِ طریق که آسِمانِ جی بَرِسانده هَبا، اون خَبَرِ خوش شِمِره دَنِن. حتّی فِرشتِگانَم آرزو دارَن اینِ چیزانهِ بَینِن.

کتاب مقدس به زبان مازندرانی - گویش غربی

¹² وِشونی سِه معلوم بَوِه گه نا شِخدرِه بَلگی شِمارِ خِدمَت کِردنِه، هون موقِه گه اون چیایی خَوَری گَب زووِنِه گه اَلَن هونِه اِنجیلی پِیغِم رَسِنِنی جا اِشنُنِنی، اونانی جا گه روح القُدُسی طریق گه آسِمونی جا بَرِسانی بَوِه، هون خَوَرِخِشِ شِمارِ دِنِنِه. حتّی فِرشتِگونَم آرزو دارِنِه هَین چیارِه بَوینِن.

اول پِطرُس 1:12 Iomraidhean Croise

اِنجیلِ مَتّی 11:25

بعد عیسی شه گَبِ اِدامِه هِدا، بااوته: «اِی پییِر، اِی آسِمون و زِمینِ خِداوند، تِ ره شُکر گامبه كه این چیا ره عاقِلون و حَکیمونِ جِم قایم هاکاردی و کِچیکِ وَچونِ وِسه دیار بِساتی.

اِنجیلِ مَتّی 11:27

«مِ پییِر هَمِه چی ره مِ ره بِسپارِسه و هیچ کی به جِز پییِر، ریکا ره نِشناسِنه و هیچ کی پییِرِ نِشناسِنه، به جِز ریکا و اونایی که ریکا، بَخواد پییِرِ، وِشونِ بِشناسونه.

اِنجیلِ مَتّی 16:17

عیسی، شَمعونِ جِواب بااوته: «اِی شمعون یونائه ریکا، خِش به حال تِ! چوون تِ اینِ آدِمِ جِم یاد نَییتی، بلکه مِ آسِمونی پییِر اونِ تِ وِسه دیار هاکارده.

مَرقُس 16:15

بعد وِشونِ بااوته: «تِمومِ دِنیائه دِله بُورین و انجیلِ تِمومِ مَردِمِ وِسه اِعلام هاکانین.

لوقا 15:10

شِما ره گامبه، همین طی، یِتا گِناهکارِ توبه هاکاردِنِ وِسه، خِدائه فرشته هائه پَلی شادی بر پا بونه.»

لوقا 2:26

روح‌القدس وه وِسه دیار هاکارده بییه تا مَسیحِ خِداوندِ نَوینه، نَمیرنه.

لوقا 9:6

رَسولون راه دَکتِنه، یِتا روستائه جِم، یِتا دییه روستا شینه و هر جا رِسینه خِدائه پادشاهیِ خَوِرِ خِشِ اِعلام کاردِنه و مریضونِ شِفا دانه.

اِنجیلِ یوحنا 15:26

«ولی وَختی اون پِشتیبون که اونِ پییِرِ طَرِفِ جِم شِمه وِسه رِسِندِمبه، بِیّه، یعنی حَییقِتِ روح که پییِرِ جِم اِنه، وه مِ خَوِری شِهادت دِنه.

اعمال رَسولان 10:44

هَمتی پِطرُسِ گَب تِموم نَییه بییه که روح القدُس تِمومِ اونایی وِسه که این پِیغومِ اِشنُسِنه، بییَمو.

اعمال رَسولان 16:10

پولُس وَختی این رویا ره بَدیئه، دَرجا مَقدونیه بوردیمی چوون مِطمئن بَیمی خِدا اِما ره صدا هاکارده تا انجیلِ خَورِ خِشِ وِشونِ هادیم.

اعمال رَسولان 2:33

عیسی خِدائه راسِ دَسِ وَر بالا بُورده و آسِمونی پییِرِ جِم، روح‌القُدُسِ موعودِ بَییته و دَشِندیه، اینِ که اَلان ویندینی و اِشنُنِنی ره.

اعمال رَسولان 4:31

بعد از وِشونِ دِعا، جایی که اونجه جَمع بینه ‌لَرزه دَکِته و همه روح‌القُدُسِ جِم پِر بَینه، و خِدائه کِلامِ جِرأتِ هِمراه گاتِنه.

اعمال رَسولان 4:8

اون وَخت پِطرُس روح‌القدسِ جِم پِر بَییه، وِشونِ جِواب هِدا: «ای قومِ گَت گَتِ و مَشایخ،

اعمال رَسولان 8:25

پِطرُس و یوحنا بعد از اینکه شِهادِت هِدانه و خِداوندِ کِلامِ اِعلام هاکاردِنه، اورشَلیم بَردَگِردِسِنه و سامرهِ خَله روستاهائه دِله، اِنجیل خَوِرِ خِشِ هِدانه.

رومی ایشون 1:15

اینِ وِسه خَله ذوق دارمه، انجیلِ شِمه وِسه که رومِ دِله زندگی کاندینی، اِعلام هاکانِم.

رومی ایشون 1:17

چوون انجیلِ دِله، اون صالحی ای که خِدائه جِم هَسه دیار بونه، که اَوِّل تا آخِر ایمونِ سَر پابرجائه. هَمون طی که حَبَقوقِ کِتابِ دِله بَنوِشته بَییه: «صالح آدِمون ایمونِ هِمراه زندگی کاندِنه.»

رومی ایشون 10:15

و اگه بَفرِسی نَووِن، چی طی موعظه هاکانِن؟ هَمون طی که اِشعیائه کِتابِ دِله بَنوِشته بَییه: «اون آدِمونِ لینگ که اِنجیلِ خَوِرِ خِش موعظه کاندِنه، چَنده قَشنگِ.»

رومی ایشون 15:19

وه اینِ نشونه ها و معجِزاتِ قِوَّتِ هِمراه، یعنی خِدائه روحِ قِوَّتِ هِمراه اِنجام هِدا، اون طی که اورشَلیمِ جِم تا «ایلیریکوم» بوردِمه و کاملاً مَسیحِ اِنجیلِ خِدمتِ اِنجام هِدامه.

اوّلین نامِه قُرنتیانی سِه 2:10

چوون این چیا ره شه روحِ طریق اَمه وِسه دیار هاکارده، چوون خِدائه روحْ همه‌چی ره گِردِنه، حَتّی خِدائه عمیق ترین رازها ره هَم.

دوّمین نامه قرنتیانِ وَسین 1:22

وه شه مُهرِ اَمه سَر بَزو و شه روحِ، بِیعانه واری اَمه دلهائه دِله بیِشته.

دوّمین نامه قرنتیانِ وَسین 6:6

راسگوییِ هِمراه، خِدائه قِوَّتِ هِمراه، صبرِ هِمراه، مهروونیِ هِمراه، روح‌القُدُسِ هِمراه، بی منّتِ مِحَبَّت هِمراه،

غَلاطیان 1:12

چوون که مِن اونِ هیچ آدِمی جِم نَییتِمه، و هیچ کی هم اونِ مِ ره یاد نِدا؛ بلکه عیسی مَسیح اونِ مِ وِسه دیار هاکارده.

غَلاطیان 1:16

که شه ریکا ره مِ دِله ظاهر هاکانه تا اونِ غیریهودیونِ میون اِعلام هاکانِم، اون مووقه، جِسم و خونِ هِمراه مَشورت نَکاردِمه،

اِفِسُسیان 3:10

تا کلیسائه طَریقِ جِم، خِدائه جورواجورِ حِکمَت، رئیسها و قِدرت ها، آسِمونی جاهائه دِله دیار بَووه،

اوّل تِسالونیکیان 2:9

چوون شِما ای بِرارون، اَمه زَحمِت و کار هاکاردِن شِمه‌ یاد دَره، که شو و روز کار کاردیمی تا اون مووقه که خِدائه انجیلِ شِمه وِسه موعظه کامبی، هیچ کسِ سربار نَبوئیم.

اول تیموتائوس 3:16

راس راسی که دینداریِ راز خَله گَتِ: وه که جِسمِ دِله ظاهر بَییه، خِدائه روحِ طَریقِ جِم تایید بَییه، فرشته ها وه ره بَدینه، قومهائه میون اِعلام بَییه، دِنیائه دِله وه ره ایمون بیاردِنه، جِلالِ هِمراه، بالا، بَوِرده بَییه.

نامِه مَسیحینی عبرانی نِژادی سِه 11:13

وِشون همه ایمونِ دِله بَمِردِنه، بدون اینکه وعده‌ها ره بَیرِن، ولی اونا ره از دور بَدینه و سِلام بااوتِنه. و قبول هاکاردِنه که زِمینِ سَر غَریبِنه.

نامِه مَسیحینی عبرانی نِژادی سِه 2:4

هَمون طی که خِدا هم جورواجورِ نشونه ها و عجیب غَریبِ معجزات، و روح‌القدسِ عطاها، که طبقِ شه اِراده دِنه، اون، نِجاتِ گواهی هِدا.

نامِه مَسیحینی عبرانی نِژادی سِه 4:2

چوون اِما ره هم وِشونِ واری خَوِر خِش بَرِسیه. ولی اون پِیغوم که وِشون بِشنُسِنه، وِشونِ وِسه منفِعتی نِداشته، چوون وَختی اونِ بِشنُسِنه ایمونِ هِمراه گوش نِدانه.

اول پِطرُس 1:25

ولی خِداوندِ کِلام تا اَبد به جا موندِنه.» و این کِلام، اون خوارِ خَوِرِ خِشِ که شِما ره اِعلام بَییه.

اول پِطرُس 4:6

چوون اینِ وِسه ئه که اِنجیل حَتّی اونایی که بَمِردِنه ره موعظه بَییه تا هر چَن جِسمِ دِله آدِمونِ هِمراه داوِری بَینه، ولی روحِ دِله هَمون طی که خِدا خوانه، زندگی هاکانِن.

یوحنایِ مکاشفه 5:11

اون وَخت هارِشیمه و یَته خَله فرشته هائه صِدا ره بِشنُسِمه که اون تخت و زنده مخلوقا و اون پیرائه دور تا دور دَیینه. وِشونِ تعداد دَسه دَسه و هزارون‌هزار بینه.