اوّل یوحنا 4:5 - کتاب مقدس به زبان مازندرانی - گویش شرقی

⁵ وِشون دِنیائه جِم هَسِنه اینِ وِسه اونچی گانِنه دِنیائه جِم هَسه و دِنیا وِشونِ گوش دِنه.

گیله ماز

⁵ اوشان دُنیایِ جی هیسیَن، اینه وَسین اونچه که گونَن دُنیایِ جییه و دُنیا اوشانه گوش دَنه.

کتاب مقدس به زبان مازندرانی - گویش غربی

⁵ وِشون دِنیایی جانِه، هَینِسه اونچی گِنِنِه دِنیایی جائِه و دِنیا وِشونِه گوش دِنِه.

اوّل یوحنا 4:5 Iomraidhean Croise

لوقا 16:8

اَرباب، شه حِقّه بازِ مِواشرِ جِم تَعریف هاکارده، چوون عاقلانه رِفتار هاکارده بییه؛ چوون این دِنیائه وَچون شه هم دوره هائه هِمراه شه رِفتار و کِردارِ دِله، نورِ وَچونِ جِم عاقلتَرِنه.

اِنجیلِ یوحنا 17:14

مِن تِ کِلامِ وِشونِ هِدامه، ولی دِنیا وِشونِ جِم بیزار بییه، چوون این دِنیائه جِم نینه، هَمون طی که مِن این دِنیائه جِم نیمه.

اِنجیلِ یوحنا 17:16

وِشون این دِنیائه جِم نینه، هَمون طی که مِن این دِنیائه جِم نیمه.

اِنجیلِ یوحنا 3:31

«وه که آسِمونِ جِم اِنه، همهِ جِم سَرتِرِ، ولی اونی که زمینِ جِم هَسه، زِمینیِ و زمینی چیائه جِم گَب زَنده. وه که آسِمونِ جِم اِنه، همهِ جِم سَرتِرِ.

اِنجیلِ یوحنا 8:23

عیسی وِشونِ بااوته: «شِما زِمینینی، مِن آسِمونیمه. شِما این دِنیائه جِم هَسینی، ولی مِن این دِنیائه جِم نیمه.

دوم تیموتائوس 4:3

چوون مووقه ای رِسِنه که مَردِم دِرِسِ تعلیمِ تِحَمّل نَکاندِنه، بلکه مَلِّمونی ره شه دورِ وَر جَمع کاندِنه تا اونچیِ بِشنُئِن که وِشونِ گوش دوس دارنه بِشنُئه، و وِشونِ هِوا و هوسِ هِمراه جور دَر اِنه؛

یوحنایِ مکاشفه 12:9

و گَتِ اژدها جِر دِم هِدا بَییه، یعنی اون قدیمی مَر که اِبلیس یا شیطان بااوته بونه که تِمومِ دِنیا ره گُمراه کانده. وه زِمین سَر دِم هِدا بَییه و وه فرشته ها هم وه هِمراه جِر دِم هِدا بَینه.