اوّل یوحنا 3:21 - کتاب مقدس به زبان مازندرانی - گویش شرقی

²¹ ای عزیزون، اگه اَمه دِل، اِما ره مَحکوم نَکِنه، خِدائه حِضور مِطمئِنیمی

گیله ماز

²¹ اِی عَزیزِان، اَگه اَمیِ دِل اَمَرِه مَحکوم نَکُنِه، خُدای وَر مُطمَئنیم

کتاب مقدس به زبان مازندرانی - گویش غربی

²¹ اِی عَزیزِن، اگه اَمِه دِل اَمارِه مَحکوم نَکِنِه، خِدایی حِضور مِطمَئنمی

اوّل یوحنا 3:21 Iomraidhean Croise

رومی ایشون 14:22

پَس شه ایمونِ این چیائه خَوِری، شه میون و خِدائه میون دار. خِش به حالِ کِسی که اونچیِ خاطِری که شه خَوِری تأیید کانده، شه ره قِضاوِت نَکِنه.

اوّلین نامِه قُرنتیانی سِه 4:4

چوون شه دِله عیبی نَویمبه، ولی این م ره تَبرئه نَکانده. بلکه خِداوندِ که مِ ره قِضاوت کانده.

دوّمین نامه قرنتیانِ وَسین 1:12

چوون که اَمه اِفتخار، اَمه وجدانِ که گِواهی دِنه که این دِنیائه دِله راستی و صاف و صادقیِ هِمراه که خِدائه جِم هَسه رِفتار هاکاردیمی. نا آدِمیِ حِکمتِ هِمراه، بلکه خِدائه فیضِ هِمراه رِفتار هاکاردیمی، عَلی اَلخصوص شِمه هِمراه.

اِفِسُسیان 3:12

اِما مَسیحِ دِله و اون ایمونِ طریق که وه ره دارمی، تومبی جِرأت و اطمینانِ هِمراه خِدا ره نَزدیک بَوویم.

اول تیموتائوس 2:8

پَس مِ آرزو اینِ که مَردها همه جا دِعا هاکانِن، و مِقدَّسِ دَسا ره بی غیظ و دَعوا مرافعه بالا بَوِرِن.

نامِه مَسیحینی عبرانی نِژادی سِه 10:22

بِئین یِتا راسِ دِل و کاملِ ایمونِ هِمراه، خِدا ره نزیک بَوویم و شه دلها ره بَدِ وجدانِ جِم پاک هاکانیم و شه تَن ها ره پاکِ اوهِ هِمراه بَشوریم.

نامِه مَسیحینی عبرانی نِژادی سِه 4:16

پَس اطمینانِ هِمراه فیضِ تَختِ نزیک بَوویم تا اِما ره رَحم بَووه و فیضِ به دَس بیاریم که اِحتیاجِ مووقه اِما ره کُمِک هاکانه.

اوّل یوحنا 2:28

اِسا، ای وَچون، وه دِله بَمونین تا مووقه ای که وه ظِهور هاکانه، مِطمَئِن بوئیم و وه بییَموئَنِ مووقه وه جِم شَرمِنده نَوویم.

اوّل یوحنا 2:7

ای عزیزون، مِن یِتا تازه حِکم، شِمه وِسه نَنِویسِمبه، بلکه یِتا قدیمی حِکم که از اَوِّل داشتینی. این قدیمی حِکم، هَمون پِیغومِ که بِشنُسینی.

اوّل یوحنا 3:2

ای عزیزون، اِما اَلان خِدائه وَچونیمی، ولی هَمتی اونچی که قرارِ بَوویم دیار نَییه. ولی دومبی اون مووقه که وه ظهور هاکانه وه واری بومبی، چوون وه ره اون طی که هَسه ویمبی.

اوّل یوحنا 3:20

چوون هر وَخت اَمه دِل اِما ره مَحکوم هاکانه، خِدا اَمه دِل هائه جِم گَت تِرِ و همه چی ره دونده.

اوّل یوحنا 4:17

این طی مِحَبَّت اَمه دِله کامل بونه تا داوِری روز مِطمئن بوئیم، چوون این دِنیائه دِله اِما هَمون ‌طی هَسیمی که وه هَسه.

اوّل یوحنا 5:14

این هَمون اطمینانیِ که وه پَلی دارمی، اگه اِما طِبق وه اِراده یه چی بِخوائیم، وه اِما ره اِشنُنه.