اوّل یوحنا 3:11 - کتاب مقدس به زبان مازندرانی - گویش شرقی

¹¹ این هَمون پِیغومیِ که از اَوِّل بِشنُسینی، که وِنه هَمدییه ره دوس داریم.

گیله ماز

¹¹ این همون پِیغامیه که شروعِ جی بِشنَوِسّین، که بایسّی هَمدِیگَرِ محبت هَکُنیم.

کتاب مقدس به زبان مازندرانی - گویش غربی

¹¹ هَین هَمون پِیغِمیِه گه از اوَّل بِشنُسِنی، گه وِنِه هَمدیَرِ دوس داریم.

اوّل یوحنا 3:11 Iomraidhean Croise

اِنجیلِ یوحنا 13:4

شومِ سَر بِلِند بَییه و شه قَوا ره شه تَنِ جِم در بیارده و یِتا حُوله‌ بَییته، شه کمِر دَوِسه.

اِنجیلِ یوحنا 15:12

«مِ حِکم اینِ که هَمدییه ره مِحَبَّت هاکانین، هَمون طی که مِن شِما ره مِحَبَّت هاکاردِمه.

غَلاطیان 6:2

هَمدییهِ بارها ره دوش بَکِشین که این طی مَسیحِ شَریعتِ به‌جا یارنِنی.

اِفِسُسیان 5:2

و مِحَبَّتِ هِمراه رِفتار هاکانین، هَمون طی که مَسیح هم اِما ره مِحَبِّت هاکارده و شه جانِ اَمه وِسه، قِروونی و خِش عطرِ هدیهِ واری خِدا ره پیشکش هاکارده.

اوّل تِسالونیکیان 4:9

اِسا بِرارونه مِحبَّتِ خَوِری شِما نیاز نِدارنِنی که یه نَفِر یه چی شِمه وِسه بَنویسه، چوون شِما شه خِدائه جِم یاد بَییتِنی که هَمدییه ره دوس دارین،

اول تیموتائوس 1:5

اَمه منظور این دستورِ جِم مِحبَّتِ، مِحبَّتی که پاکِ دِل، خوارِ وجدان و خالِصِ ایمونِ جِم اِنه.

اول پِطرُس 1:22

اِسا که حَییقَتِ اِطاعت هاکاردِن هِمراه، شه جانها ره پاک هاکاردینی تا بی‌ریائه بِرارونه مِحَبَّت دارین، هَمدییه ره خالص و پاکِ دِلِ هِمراه دوس دارین.

اول پِطرُس 3:8

سرآخر، شِما همه، همفکر و یَک دِل و بِرار دوس و دلسوز و فروتن بوئین.

اول پِطرُس 4:8

همه جِم مهمتر، هَمدییه ره جان و دِلِ هِمراه دوس دارین، چوون دوس داشتِن یَته خَله گِناهونِ پوشِندِنه.

اوّل یوحنا 1:5

اینِ پِیغومی که وه جِم بِشنُسیمی و شِما ره اِعلام کامبی که: خِدا نورِ و هیچ تاریکی ای اَصلاً وه دِله دَنیه.

اوّل یوحنا 4:11

ای عزیزون، اگه خِدا این‌طی اِما ره مِحَبَّت هاکارده، اِما هم وِنه هَمدییه ره مِحَبَّت هاکانیم.

اوّل یوحنا 4:21

اِما این حِکمِ وه جِم بَییتِمی که هر کی خِدا ره دوس دارنه، شه بِرارِ هم وِنه دوس داره.

اوّل یوحنا 4:7

ای عزیزون، بِئین هَمدییه ره مِحَبَّت هاکانیم، چوون مِحَبَّت خِدائه جِم هَسه و هر کی مِحَبَّت کانده، خِدائه جِم دِنیا بییَمو و خِدا ره اِشناسِنه.

دوم یوحنا 1:5

اِسا، عزیزِ خانِم، تِ جِم یِتا دَرخواست دارمه. نا اون که یِتا تازهِ حِکم تِ وِسه بَنویسِم، بلکه هَمون حِکم که از اَوِّل داشتیمی، که هَمدییه ره مِحَبَّت هاکانیم.