اوّل یوحنا 2:7 - کتاب مقدس به زبان مازندرانی - گویش شرقی

⁷ ای عزیزون، مِن یِتا تازه حِکم، شِمه وِسه نَنِویسِمبه، بلکه یِتا قدیمی حِکم که از اَوِّل داشتینی. این قدیمی حِکم، هَمون پِیغومِ که بِشنُسینی.

گیله ماز

⁷ اِی عَزیزِان، مَن ایتا تازِه حُکم شِمِره نَنویسِنَم، بلکه ایتا قَدیمی حُکم نِویسِنِم که شِروعِ جی داشتِین. این قَدیمی حُکم، همون پِیغامِ که بِشنَوِسّین.

کتاب مقدس به زبان مازندرانی - گویش غربی

⁷ اِی عَزیزِن، مِن یَتِه تازِه حِکم شِمِسِه نَنویسمِه، بَلگی یَتِه قَدیمی حِکم نِویسِمِه گه از اوَّل داشتِنی. هَین قَدیمی حِکم، هَمون پِیغِمِ گه بِشنُسِنی.

اوّل یوحنا 2:7 Iomraidhean Croise

اِنجیلِ مَتّی 5:43

«بِشنُسِنی بااوتِنه:' شه هَمساده ره دوس دار و شه دِشمِنِ جِم بیزار باش.'

اِنجیلِ یوحنا 13:34

یِتا تازه حِکم، شِما ره دِمبه، و اون اینِ که هَمدییه ره مِحَبَّت هاکانین. هَمون طی که مِن شِما ره مِحَبَّت هاکاردِمه، شِما هم وِنه هَمدییه ره مِحَبَّت هاکانین.

اعمال رَسولان 17:19

بعد پولُسِ بَییتنه، ’آریوپاگوسِ‘ دِله که یِتا کِچیکِ تپه، آتِنِ دِله بییه و مَردِم اونجه جَمع بونِسِنه بَوِردِنه و وه ره بااوتِنه: «تومبی بَدونیم این جدیدِ تعلیمی که تِ دِنی، چیه؟

نامِه مَسیحینی عبرانی نِژادی سِه 6:9

ای عزیزون، هر چَن این‌طی گَب زَمبی، ولی شِمه خَوِری اِطمینان دارمی که خَله بهترِ چیا که نِجاتِ وِسه هَسه، شِمه نَصیب بونه.

اوّل یوحنا 2:24

بییِلین اونچی که از اَوِّل بِشنُسینی شِمه دِله بَمونه؛ اگه اونچی از اَوِّل بِشنُسینی شِمه دِله بَمونه، شِما هم، پییِر و ریکائه دِله موندِنِنی.

اوّل یوحنا 3:11

این هَمون پِیغومیِ که از اَوِّل بِشنُسینی، که وِنه هَمدییه ره دوس داریم.

اوّل یوحنا 3:2

ای عزیزون، اِما اَلان خِدائه وَچونیمی، ولی هَمتی اونچی که قرارِ بَوویم دیار نَییه. ولی دومبی اون مووقه که وه ظهور هاکانه وه واری بومبی، چوون وه ره اون طی که هَسه ویمبی.

اوّل یوحنا 3:21

ای عزیزون، اگه اَمه دِل، اِما ره مَحکوم نَکِنه، خِدائه حِضور مِطمئِنیمی

اوّل یوحنا 3:23

و وه حِکم اینِ که وه ریکا عیسی مَسیحِ اسمِ ایمون بیاریم و هَمدییه ره مِحَبَّت هاکانیم، هَمون طی که اِما ره دَستور هِدا.

اوّل یوحنا 4:1

ای عزیزون، هر روحی ره باوِر نَکِنین، بلکه روح ها ره آزمود هاکانین که خِدا جِم هَسِنه یا نا. چوون دِنیائه دِله خَله دِراغی پِیغَمبِرون دَرِنه.

اوّل یوحنا 4:11

ای عزیزون، اگه خِدا این‌طی اِما ره مِحَبَّت هاکارده، اِما هم وِنه هَمدییه ره مِحَبَّت هاکانیم.

اوّل یوحنا 4:21

اِما این حِکمِ وه جِم بَییتِمی که هر کی خِدا ره دوس دارنه، شه بِرارِ هم وِنه دوس داره.

اوّل یوحنا 4:7

ای عزیزون، بِئین هَمدییه ره مِحَبَّت هاکانیم، چوون مِحَبَّت خِدائه جِم هَسه و هر کی مِحَبَّت کانده، خِدائه جِم دِنیا بییَمو و خِدا ره اِشناسِنه.