اوّل یوحنا 2:6 - کتاب مقدس به زبان مازندرانی - گویش شرقی

⁶ هر کی که گانه وه دِله موندِنه، وِنه هَمون‌طی زندگی هاکانه که وه زندگی کارده.

گیله ماز

⁶ هر کی که گونِه اونه دِلِه ماندِنِه، بایسّی هَمونجور زندگی هَکونه که اون زندگی کانِبا.

کتاب مقدس به زبان مازندرانی - گویش غربی

⁶ هر کی گه گِنِه وی دِلِه مُونِّه، وِنِه هَمونجور زندگی هاکِنِه گه وی زندگی کِردِه.

اوّل یوحنا 2:6 Iomraidhean Croise

اِنجیلِ مَتّی 11:29

مِ یوغِ گَردِن بَیرین و مِ جِم تَعلیم بَیرین، چوون مِن آروم و فروتَنِمه و شِمه جان آرامش گِرنه،

اِنجیلِ یوحنا 13:15

چوون مِن این کارِ هِمراه، شِما ره سَرمشخی هِدامه تا شِما هم هَمون طی هاکانین که مِن شِمه هِمراه هاکاردِمه.

اِنجیلِ یوحنا 15:10

اگه مِ اَحکامِ به جا بیارین، مِ مِحبّتِ دِله موندِنِنی؛ هَمون طی که مِن شه پییِرِ اَحکامِ به جا یارمه و وه مِحَبَّتِ دِله موندِمبه.

اوّلین نامِه قُرنتیانی سِه 11:1

پَس، مِ جِم سَرمَخش بَیرین، هَمون طی که مِن مَسیحِ جِم سَرمَخش گِرمه.

اِفِسُسیان 5:2

و مِحَبَّتِ هِمراه رِفتار هاکانین، هَمون طی که مَسیح هم اِما ره مِحَبِّت هاکارده و شه جانِ اَمه وِسه، قِروونی و خِش عطرِ هدیهِ واری خِدا ره پیشکش هاکارده.

اول پِطرُس 2:21

چوون، شِما اینِ وِسه دَعوِت بَینی، چوون مَسیح هم شِمه وِسه عِذاب بَکِشیه و شِمه وِسه یِتا سَرمخش بییِشته تا اون راهی که وه بورده شِما هم بورین.

اوّل یوحنا 2:28

اِسا، ای وَچون، وه دِله بَمونین تا مووقه ای که وه ظِهور هاکانه، مِطمَئِن بوئیم و وه بییَموئَنِ مووقه وه جِم شَرمِنده نَوویم.

اوّل یوحنا 2:4

هر کی که گانه ”وه ره اِشناسِنه“، ولی وه اَحکامِ به جا نیارنه، دِراغ زَنِ و حَییقت وه دِله دَنیه.

اوّل یوحنا 3:24

هر کی وه اَحکامِ عَمِل هاکانه، خِدائه دِله مُوندِنه و خِدا هم وه دِله موندِنه. اینجه جِم دومبی وه اَمه دِله موندِنه یعنی اون روحِ هِمراه که اِما ره هِدا.

اوّل یوحنا 3:6

اونی که وه دِله موندِنه گِناهِ ادامه نَدِنه، اونی که گِناهِ ادامه دِنه، وه ره نا بَدیئه و نا بِشناسیه.

اوّل یوحنا 4:17

این طی مِحَبَّت اَمه دِله کامل بونه تا داوِری روز مِطمئن بوئیم، چوون این دِنیائه دِله اِما هَمون ‌طی هَسیمی که وه هَسه.