اوّل یوحنا 1:3 - کتاب مقدس به زبان مازندرانی - گویش شرقی

³ اون کِلام که اِما بَدیمی و بِشنُسیمی ره شِما ره اِعلام کامبی تا شِما هم اَمه هِمراه رِفاقت دارین؛ حییقَتاً هم که اَمه رفاقت پییِرِ هِمرا و وه ریکا عیسی مَسیحِ هِمرائه.

گیله ماز

³ اون کَلام که اَما بَدییَیم و بِشنَوِسّیم رِه شِمِرِه اِعلام کانیم تا شُما هَم اَمیِ هَمرَه رِفاقت بِدارین؛ راس راسی هَم که اَمیی رِفاقت پیَرهِ هَمرَه و اونه ریکا عیسیِ مَسیح هَمَرَئِه.

کتاب مقدس به زبان مازندرانی - گویش غربی

³ هون کَلام گه اَما بَئیمی و بِشنُسِمی رِه شِمِارِ اِعلام کِمّی تا شِما هَم اَمِه هَمرا رِفاقت دارین؛ حَیقَتاً هَم گه اَمِه رِفاقت پیری هَمرا و وی ریکا عیسی مَسیحی هَمرائِه.

اوّل یوحنا 1:3 Iomraidhean Croise

اِنجیلِ یوحنا 17:11

ویشتر از این دییه دِنیائه دِله نَموندِمبه، ولی وِشون دِنیائه دِله دَرِنه؛ مِن تِ پَلی اِمبه. ای قدّوسِ پییِر، اونایی که مِ ره هِدایی ره شه اسمِ هِمراه حِفظ هاکان، تا یِتا بَووِن، هَمون طی که اِما یِتا هَسیمی.

اِنجیلِ یوحنا 17:21

تا همه یِتا بَووِن، هَمون طی که تِ ای پییِر مِ دِله دَری و مِن تِ دِله. جوری هاکان که وِشون هم اَمه دِله دَووِن، تا دِنیا باوِر هاکانه که تِ مِ ره بَفرِسی ای.

اِنجیلِ یوحنا 17:25

«ای صالحِ پییِر، هر چَن دِنیا تِ ره نِشناسِنه، ولی مِن تِ ره اِشناسِمبه، و اینا دوندِنه که تِ مِ ره بَفرِسی ای.

اِنجیلِ یوحنا 17:3

و اَبدی زندگی اینِ که تِ ره، تینا حَییقی خِدا، و عیسی مَسیح که تِ بَفرِسیِ ره بِشناسِن.

اِنجیلِ یوحنا 19:35

کِسی که اینِ بَدیئه، شِهادت دِنه تا شِما هم ایمون بیارین. وه شِهادِت راسِ و وه دونده که دَره حییقِتِ گانه.

اعمال رَسولان 13:32

«اِسا اِما این خَوِرِ خِشِ شِما ره دِمبی که خِدا اونچی که اَمه پییِرونِ وَعده هِدا بییه ره،

اعمال رَسولان 13:41

«هارِشین، ای کِسایی که مسخره کاندینی، بِهت هاکانین و نابود بَووین، چوون شِمه روزگارِ دِله کاری کامبه، که هر چی اونِ شِمه وِسه تَعریف هاکانِن هیچ وَخت باوِر نَکاندِنی.“

اعمال رَسولان 2:42

وِشون شه ره وَقف تَعلیم بَییتِن، رَسولونِ جِم و دییه ایموندارونِ هِمراه، مشارکت و نون تیکه هاکاردِن و دِعا، هاکاردِنه.

اعمال رَسولان 20:27

چوون مِن هیچ کسِ حَق کِتاهی نَکاردِمه بلکه خِدائه تِمومِ پیغومِ همه ره بَرِسِندیمه.

اعمال رَسولان 4:20

چوون اِما نَتومبی اونچی بَدیمی و بِشنُسیمی ره ناریم.»

رومی ایشون 15:27

وِشون شه خواسِنه این کارِ هاکانِن؛ و راس راسی هم وِشون، اورشَلیمِ ایموندارونِ مدیون بینه. چوون اگه غیرِ یَهودیون، یَهودیونِ روحانی برَکاتِ دِله شَریک بَینه، یَهودیون هم وِنه، برکاتِ مالیِ دِله، وِشونِ خِدمِت هاکانِن.

اوّلین نامِه قُرنتیانی سِه 1:30

وه خاطِریِ که شِما عیسی مَسیحِ دِله دَرِنی. اون عیسی مَسیح که خِدائه طَرِفِ جِم اَمه وِسه حِکمَت بَییه، یعنی صالحی، قدّوسیت و آزادی.

اوّلین نامِه قُرنتیانی سِه 1:9

خِدا وِفادارِ، اون خِدایی که شِما ره شه ریکا، اَمه خِداوند عیسی مَسیحِ رِفاقتِ وِسه دَعوِت هاکارده.

اوّلین نامِه قُرنتیانی سِه 15:1

اِی بِرارون، ولی اَلان خوامبه اِنجیلیِ که شِمه وِسه موعظه هاکاردِمه ره شِمه یاد بیارِم، هَمون اِنجیلی که قبول هاکاردینی و اونِ دِله قرص اِسّانی

دوّمین نامه قرنتیانِ وَسین 13:14

خداوند عیسی مَسیحِ فِیض، خِدائه مِحَبَّت و روح‌القُدُسِ رفاقت شِمه هِمراه دَووه.

اِفِسُسیان 3:6

اون راز اینِ که غیرِیَهودیونم مَسیحْ عیسیِ دِله، اِنجیلِ طریق هم اِرثِنه و هَمون تَنِ اعضانه و خِدائه وعدهِ دِله شریکِنه.

فیلیپیان 1:7

مِن این حَقِّ دارمه که شِما همهِ خَوِری این طی حسی دارِم، چوون که مِ دلِ دِله، جا دارنِنی؛ چوون شِما همه مِ هِمراه خِدائه فیضِ دِله شریکِنی، هم مِ زِندون دَکِتِنِ دِله، هم اِنجیل دِفاع هاکاردِنِ جِم و هم اونِ حَییقَتِ ثابت هاکاردِن.

فیلیپیان 2:1

پَس اگه مَسیح دِله دلگرمی دارنِنی، اگه وه مِحَبَّت شِمه تسلّیِ باعث بونه، اگه خِدائه روحْ دِله رفاقت دارنِنی، و اگه مِهروونی و دِلسوزی دارنِنی

فیلیپیان 3:10

تا مَسیح و وه زنده بَیِّنِ قِوَّتِ بشناسِم و وه عذاب هائه دِله شَریک بَووِم، و وه مَرگِ دِله وه واری بَووِم،

کولُسیان 1:13

وه اِما ره تاریکیِ قلمروِ جِم آزاد هاکارده و شه عزیزِ ریکائه پادشاهیِ سَمت بَفرِسیه

اوّل تِسالونیکیان 1:10

تا آسِمونِ جِم خِدائه ریکائه بییَموئِنِ اِنتظارِ بَکِشین، که خِدا مِرده هائه جِم وه ره زنده هاکارده، یعنی عیسی، که اِما ره اون غَضِبِ جِم که بعداً اِنه آزاد کانده.

اول تیموتائوس 6:2

اونایی که وِشونِ اَربابون ایموندارِنه، نَوِسه بِرارِ بییِنِ خاطِری، وِشونِ کمتِر حِرمت بییِلِّن. بلکه وِنه وِشونِ بهتر خِدمِت هاکانِن، چوون اونایی که این خِدمِتِ دِله منفِعت وَرنِنه، ایموندار و عزیزِنه. این چیا ره وِشونِ تَعلیم هاده و وِشونِ تَشویق هاکان که این طی هاکانِن.

نامِه مَسیحینی عبرانی نِژادی سِه 2:12

هَمون طی که مزمورِ کتاب گانه: «تِ اسمِ، شه بِرارونِ اِعلام کامبه؛ و جمیَّت میون، تِ حمد و ثِناء ره خوندِمبه.»

نامِه مَسیحینی عبرانی نِژادی سِه 3:1

پَس ای مِقَدَّسِ بِرارون، اِی شِما که آسِمونی دَعوِتِ دِله شریکِنی، شِمه چِش عیسی ره بوئه، که وهِ رَسول و کاهِن اَعظِم، که وه ره ایمون دارمی و وه ره اِعتراف کامبی.

نامِه مَسیحینی عبرانی نِژادی سِه 3:14

چوون اِما مَسیحِ دِله شَریک بَیمی، اگه راس راسی اطمینانی ره که از اَوِّل داشتمی ره تا آخِر قایم داریم.

اول پِطرُس 5:1

مِن که شه، یِتا از مشایخِمه و مَسیحِ رَنج هائه شاهد بیمه و اون جِلالی دِله که ظاهر بونه شریکِمه، مشایخی که شِمه میون دَرِنه ره سفارش کامبه:

پطرسی دِوّمین نامِه 1:16

چوون اون مووقه که اَمه خِداوند عیسی مَسیحِ قِوَّت و وه بییَموئِنِ شِما ره اِعلام هاکاردیمی، داستان هائه دِمبال که زرنگیِ هِمراه بِساته بَینه، نَشیمی، بلکه شه چِشِ هِمراه وه جِلالِ بَدیمی.

اوّل یوحنا 1:1

اونچی که از اَوِّل دَییه، اونچی که بِشنُسیمی و شه چِشائه هِمراه بَدیمی، اونچی که وه ره هارِشیمی و شه دَسائه هِمراه لَمس هاکاردیمی، یعنی زندگیِ کِلام،که اونِ شِما ره اِعلام کامبی.

اوّل یوحنا 1:5

اینِ پِیغومی که وه جِم بِشنُسیمی و شِما ره اِعلام کامبی که: خِدا نورِ و هیچ تاریکی ای اَصلاً وه دِله دَنیه.

اوّل یوحنا 1:7

ولی اگه نورِ دِله زندگی هاکانیم، هَمون طی که وه نورِ دِله دَره، هَمدییهِ هِمراه رفاقت دارمی و وه ریکا عیسیِ خون، اِما ره تِمومِ گِناهونِ جِم پاک کانده.