اوّلین نامِه قُرنتیانی سِه 9:22 - کتاب مقدس به زبان مازندرانی - گویش شرقی

²² ضَعیفونِ هِمراه، ضَعیف بَیمه تا ضَعیفونِ مَسیحِ وِسه به دَس بیارِم. همه کسِ وِسه همه چی بَیمه تا هر جور بونه بَعضیا ره نِجات هادِم.

گیله ماز

²² ضَعیفِانِ هَمرَه، ضعیف هَبام تا ضَعیفان رِه مَسیح وَسین بدس بیارِم. همه‌ کَس هَمرَه اوشانه مِثان هَبام تا هرجور بونه بعضیان رِه نِجات هَدَم.

کتاب مقدس به زبان مازندرانی - گویش غربی

²² ضَعیفِنی هَمرا، ضعیف بَوِمِه تا ضَعیفِنِ مسیحی سِه بِدس بیارِم. همه‌کسی سِه هَمه چی بَوِمِه تا هرجور وونِه بعضیارِه نِجات هادِم.

اوّلین نامِه قُرنتیانی سِه 9:22 Iomraidhean Croise

رومی ایشون 11:14

این امیدِ هِمراه که شه همنژادونِ غیرتی هاکانِم وِشونِ جِم بَعضیا ره نِجات هادِم.

رومی ایشون 14:1

کسیِ که وه ایمون ضَعیفِ ره شه میون راه هادین، ولی نا اینکه وه عقیده هائه سَر وه هِمراه جرِّبحث هاکانین.

رومی ایشون 14:2

یه نَفِرِ ایمون وه ره اِجازه دِنه هر غِذایی ره بَخُره، ولی یه نَفِرِ دییه که ضَعیفِ، فِقَط سبزیجات خارنه.

رومی ایشون 15:1

اِما که قَویمی، وِنه اونایی که ضَعیفِنه ره تِحَمُّل هاکانیم و شه خِشال هاکاردِنِ دمبال دَنی بوئیم.

رومی ایشون 15:2

هر کِدوم از اِما وِنه هر خوارِ چی ای که شه هَمسادهِ دِله وینده، همونِ خَوِری وه ره خِشال هاکانه، تا وه ایمونِ تَقویتِ باعث بَووه.

اوّلین نامِه قُرنتیانی سِه 10:33

هَمون‌ طی که مِن هم تَقِلّا کامبه تا همه ره هر کارِ دِله که اِنجام دِمبه، راضی هاکانِم. مِن شه نفعِ دِمبال دَنیمه، بلکه خَیلیائه نَفعِ دِمبال دَرِمبه، تا نِجات بَیرِن.

اوّلین نامِه قُرنتیانی سِه 7:16

چوون اِی زَن، کِجه جِم دوندی که نَتوندی شه مَردی ره نِجات هادی؟ و یا اِی مَرد، کِجه جِم دوندی که نَتوندی شه زِنا ره نِجات هادی؟

اوّلین نامِه قُرنتیانی سِه 8:13

اینِ وِسه، اگه خِراک مِ بِرارِ لغزشِ باعث بونه، هیچ وَخت گوشت نَخارمه تا وه لَغزشِ باعث نَووِم.

اوّلین نامِه قُرنتیانی سِه 9:19

چوون با اینکه همه چیِ جِم آزادِمه، شه ره همهِ نوکِر هاکاردِمه تا خیلیا ره مَسیحِ وِسه به دَس بیارِم.

اوّلین نامِه قُرنتیانی سِه 9:23

مِن همه اینا ره اِنجیلِ خاطِری کامبه، تا بلکه وه بَرکَت هائه دِله سَهمی دارِم.

دوّمین نامه قرنتیانِ وَسین 11:29

کیِ که ضعیف بَووه و مِن ضعیف نَووِم؟ کیِ که لغزش هاکانه و مِن نَسوزِم؟

غَلاطیان 6:1

ای بِرارون، اگه یه نَفِر یِتا خِطا هاکانه، شِما که خِدائه روحِ دارنِنی وِنه مِلایمِ روحِ هِمراه وه ره راسِ راهِ سَمت بَردِگاردِنین. با این وجود، تِ حِواس شه ره بوئه که وَسوسهِ دِله نَکِفی.