اوّلین نامِه قُرنتیانی سِه 9:19 - کتاب مقدس به زبان مازندرانی - گویش شرقی

¹⁹ چوون با اینکه همه چیِ جِم آزادِمه، شه ره همهِ نوکِر هاکاردِمه تا خیلیا ره مَسیحِ وِسه به دَس بیارِم.

گیله ماز

¹⁹ چون با اینکه هَمه چی یه جی آزادم، مَرهِ هَمِه یه پاکار هَکُردَم تا خیلیان رِه مسیحِ وَسین بِدَس بیارِم.

کتاب مقدس به زبان مازندرانی - گویش غربی

¹⁹ چون با هَینگه هَمه چی ای جا آزادمِه، شِرِه هَمه ای نوکَر هاکِردِمِه تا خِیلیارِه مسیحی سِه بِدَس بیارِم.

اوّلین نامِه قُرنتیانی سِه 9:19 Iomraidhean Croise

اِنجیلِ مَتّی 18:15

«اَگه تِ بِرار تِ ره گناه هاکارده، وه پَلی بور و خَلوِتِ جائه دِله، وه خَطا ره وه ره گوشزَد هاکان. اَگه تِ گَبِ گوش هاکارده، اَی دِواره شه بِرارِ پی دا هاکاردی

رومی ایشون 1:14

مِن شه ره هم یونانیون هم بَربَرها هم حَکیمون و هم نادونونِ مدیون دومبه.

رومی ایشون 11:14

این امیدِ هِمراه که شه همنژادونِ غیرتی هاکانِم وِشونِ جِم بَعضیا ره نِجات هادِم.

رومی ایشون 15:2

هر کِدوم از اِما وِنه هر خوارِ چی ای که شه هَمسادهِ دِله وینده، همونِ خَوِری وه ره خِشال هاکانه، تا وه ایمونِ تَقویتِ باعث بَووه.

اوّلین نامِه قُرنتیانی سِه 10:29

مِ منظور اون آدِمِ وجدانِ نا شِمه وجدان. چوون، چه یه نَفِرِ دییه وجدان وِنه مِ آزادیِ وِسه حِکم هاکانه؟

اوّلین نامِه قُرنتیانی سِه 10:33

هَمون‌ طی که مِن هم تَقِلّا کامبه تا همه ره هر کارِ دِله که اِنجام دِمبه، راضی هاکانِم. مِن شه نفعِ دِمبال دَنیمه، بلکه خَیلیائه نَفعِ دِمبال دَرِمبه، تا نِجات بَیرِن.

اوّلین نامِه قُرنتیانی سِه 7:16

چوون اِی زَن، کِجه جِم دوندی که نَتوندی شه مَردی ره نِجات هادی؟ و یا اِی مَرد، کِجه جِم دوندی که نَتوندی شه زِنا ره نِجات هادی؟

اوّلین نامِه قُرنتیانی سِه 9:1

مگه آزاد نیمه؟ مگه رسول نیمه؟ مگه اَمه خِداوند عیسی ره نَدیمه؟ مگه خِداوندِ دِله شِما مِ کارِ ثَمِر نینی؟

دوّمین نامه قرنتیانِ وَسین 12:14

اَلان آمادِمه سِوّمین کَش شِمه بَدیئِنِ وِسه بِیِّم، و هیچ باری شِمه دوشِ سَر نییِلمه. چوون شِمه مال و اَموالِ دِمبال دَنیمه، بلکه شه شِما ره خوامبه. چوون که وَچونِ وظیفه نییه که شه پییِر مارِ وِسه مال و اموال جَمع هاکانِن، بلکه پییِر مارِ وظیفه ئه.

دوّمین نامه قرنتیانِ وَسین 4:15

اینا همه شِمه خاطِریِ، تا هر اِندا که خِدائه فِیض مَردِمِ وِسه ویشتر و ویشتر بونه، شِکر هاکاردِن هم خِدائه جِلالِ وِسه ویشتر بَووه.

دوّمین نامه قرنتیانِ وَسین 4:5

چوون اِما شه ره موعظه نَکامبی، بلکه اِعلام کامبی که عیسی مَسیح خِداوندِ، و شه جِم فِقَط عیسیِ خاطِری و اون هم فِقَط شِمه نوکرونِ واری گَب زَمبی.

غَلاطیان 5:1

آزادیِ وِسه بییه که مَسیح اِما ره آزاد هاکارده تا آزاد بوئیم. پَس قایم هِرِسین و اَت کَش دییه نوکریِ یوغِ شه گَردِن نییِلین.

غَلاطیان 5:13

چوون که اِی بِرارون، شِما آزادیِ وِسه دَعوِت بَینی، فِقَط شه آزادی ره یِتا فرصتِ واری جِسمِ وِسه استفاده نَکِنین، بلکه مِحبّتِ هِمراه، هَمدییه ره خِدمِت هاکانین.

اول تیموتائوس 4:16

خوار تِ حِواس، شه ره و اون تعلیمی که دِنی ره، بوئه. اینِ دِله پابرجا باش، چوون این کارِ هِمراه هم شه ره و هم اونایی که تِ گَبِ اِشنُنِنه ره نِجات دِنی.

دوم تیموتائوس 2:10

اینِ وِسه انتخاب بَییه هائه خاطِری همه چی ره طاقِت یارمه تا اونا هم اون نجاتی که مَسیحْ عیسیِ دِله دَره ره، اَبدی جِلالِ هِمراه به‌دَس بیارِن.

اول پِطرُس 3:1

اینِ وِسه، شِما ای زَن ها، شه شی هائه جِم اِطاعت هاکانین تا حَتَّی اَگه بعضیا خِدائه کِلامِ جِم اِطاعت نَکِنِن، بدونِ این که شِما هم یه چی وِشونِ بارین، شِمه رفتارِ وِسه ایمون بیارِن،