اوّلین نامِه قُرنتیانی سِه 9:12 - کتاب مقدس به زبان مازندرانی - گویش شرقی

¹² اگه بَقیه حَق دارنِنه این طی چیا ره شِمه جِم بِخوائِن، مگه اِما ویشتر حَق نِدارمی؟ با این وجود اِما این حَقِ جِم اِستفاده نَکاردیمی، بلکه هر چی ره تَن هِدامی تا مَسیحِ اِنجیلِ راهِ سَر یِتا مانع نییِشته بوئیم.

گیله ماز

¹² اَگِه بَقیِه حَق دارَن که اینجور چیزان رِه شیمی جی بِخوان، مَگِه اَما بیشتر حَق نِداریم؟ با این وجوداَما این حق جی استفاده نَکوردیم بلکه هر چیره تَن هَدَیم تا مسیحِ اِنجیلِ راههِ سَر مانعی نُزاشتِه بیم.

کتاب مقدس به زبان مازندرانی - گویش غربی

¹² اگه بَقیِه حَق دارِنِه گه هَینجور چیارِه شِمِه جا بَخوان، مَگِه اَما ویشتَر حَق نارمی؟ با هَین وِجود، اَما هَین حَقی جا استفاده نَکِردمی، بَلگی هر چیرِه تَن هادامی تا مسیحی اِنجیلی راهی سَر مانعی نِشت ووئیم.

اوّلین نامِه قُرنتیانی سِه 9:12 Iomraidhean Croise

لوقا 11:52

وای بر شِما ای توراتِ مَلِّمون! چوون شِما حَییقَتِ مَردِمِ جِم قایم کاندینی نا شه اونِ قبول دارنِنی و نا اییِلنِنی دییَرونی که خوانِنه، اونِ ایمون بیارِن.»

اعمال رَسولان 18:3

و اینِ خاطِری که وه هم وِشونِ واری چادِر‌ دوته، وِشونِ پَلی بَمونِسه و کارِ مَشغول بَییه.

رومی ایشون 15:22

همینِ خاطِریِ که چَن کَش خواسِمه شِمه پَلی بِیِّم، ولی نَییه.

اوّلین نامِه قُرنتیانی سِه 13:7

مِحَبَّت همه چیِ هِمراه مُدارا کانده، مِحَبَّت همه چی ره باوِر کانده، هَمش امید دارنه و همه چی ره تِحَمُّل کانده.

اوّلین نامِه قُرنتیانی سِه 6:7

اَصلاً شِمه میون این طی دَعوا مرافه هایی، شه، شِمه وِسه سَر شکستِگیِ. چه نِخوانِنی مَظلومِ آدِمونِ واری بَووین؟ چه حاضر نینی ضَرِر هاکانین؟

اوّلین نامِه قُرنتیانی سِه 9:14

همین طی هم، خِداوند حِکم هاکارده که اونایی که اِنجیلِ اِعلام کاندِنه وِنه شه روزی ره اِنجیلِ جِم بَیرِن.

اوّلین نامِه قُرنتیانی سِه 9:15

ولی مِن هیچکِدوم از این حَقِّ حقوقِ جِم اِستفاده نَکاردِمه و اینِ هم نَنِویسِمبه تا مِ حَق، این طی هاکانین. چوون بَمیرِم بهترِ تا اینکه کِسی مِ این افتخارِ هیچ هاکانه.

اوّلین نامِه قُرنتیانی سِه 9:16

چوون اگه مِن دَره اِنجیلِ موعظه کامبه این حَقِّ مِ ره نِدا که اِفتخار هاکانِم، چوون مِ وظیفه ئه که این خِدمِتِ اِنجام هادِم؛ وای بر مِن اگه این اِنجیلِ موعظه نَکِنِم!

اوّلین نامِه قُرنتیانی سِه 9:18

پَس مِ پاداش چیِ؟ اینکه اِنجیلِ مجانی موعظه هاکانِم و اون حَقِّ حقوقی که اونِ جِم دارمه ره اِستفاده نَکِنِم.

اوّلین نامِه قُرنتیانی سِه 9:2

اگه بَقیه وِسه رسول نَبوئِم، لااَقل شِمه وِسه هَسِمه؛ چوون شِما مُهرِ تأییدی هَسینی که ثابت کانده مِن خِداوندِ دِله رَسولِمه.

دوّمین نامه قرنتیانِ وَسین 11:12

و شه این کارِ ادامه دِمبه تا اونایی که اِدعا کاندِنه که خوانِنه اون طی که اِما خِدمِت کامبی خِدمِت هاکانِن و اینِ اِفتخار کاندِنه ره هیچ هاکانِم. اونایی جِم که تقِلّا کاندِنه تا شه ره اونچیِ دِله که اونِ اِفتخار کاندِنه اَمه هِمراه برابر هاکانِن.

دوّمین نامه قرنتیانِ وَسین 11:20

چوون که اگه یه نَفِر شِما ره شه نوکِر هاکانه، یا شِما ره بِبلعه یا شِمه جِم سوءاستفاده هاکانه، یا شِما ره شه جِم سَرتر بَدونه، یا شِمه دیمِ چک بَزِنه، تِحَمُّل کاندینی.

دوّمین نامه قرنتیانِ وَسین 2:12

وَختی تْروآسِ شَهر بوردِمه، تا مَسیحِ اِنجیلِ موعظه هاکانِم، با این که خِداوند اونجه یِتا گَتِ دروازه مِ وِسه واز هاکارده.

دوّمین نامه قرنتیانِ وَسین 6:3

اِما هیچ کسِ راهِ دِله سَنگ دِم نَدِمبی تا اَمه خِدمِتِ دِله هیچ ایرادی دَنی بوئه،