اوّلین نامِه قُرنتیانی سِه 8:13 - کتاب مقدس به زبان مازندرانی - گویش شرقی

¹³ اینِ وِسه، اگه خِراک مِ بِرارِ لغزشِ باعث بونه، هیچ وَخت گوشت نَخارمه تا وه لَغزشِ باعث نَووِم.

گیله ماز

¹³ اینِه وَسین، اَگِه خوراک می اَداشِ لغزشِ باعث بونه، هیچ وقت گوشت نُخارنَم تا اونه لَغزِشِ باعث نَبوم.

کتاب مقدس به زبان مازندرانی - گویش غربی

¹³ هَینِسه، اگه خِراک می بِراری لغزشی باعث وونِه، هیچ وخت گوشت نَخارمِه تا وی لَغزِشی باعث نَووم.

اوّلین نامِه قُرنتیانی سِه 8:13 Iomraidhean Croise

اِنجیلِ مَتّی 17:27

ولی اینِ وِسه که وِشونِ نَرِنجونیم، دَریالو بور و قَرماق دِم هاده. اَوِّلین مائی ره که بَییتی وه دِهونِ واز هاکان. یِتا سِکّه چهار دِرهمی پی دا کاندی. اون سِکّه ره بَیر و مِ مالیات و شه مالیاتِ جا، وِشونِ هاده.

اعمال رَسولان 15:20

ولی وِنه یِتا نامهِ دِله وِشونِ جِم بِخوائم که بِت‌هائه قِروونی خِراک، زِنا، خفه بَییهِ حیوونونِ گوشت و خونِ جِم دوری هاکانِن.

رومی ایشون 14:13

پَس، بِئین بعد از این هَمدییه ره قِضاوِت نَکِنیم. بلکه، تَصمیم بَیرین که هیچ سَنگِ لغزش یا مانعی شه بِرارِ راهِ سَر نییِلین.

رومی ایشون 14:21

بِهتَرِ که گوشت نَخُری یا شِراب نَنوشی یا کاری نَکِنی که تِ بِرارِ لغزشِ باعث بَووه.

اوّلین نامِه قُرنتیانی سِه 10:32

هیچ کسِ نارِحَت نَکِنین، چه یَهودیون، چه یونانیون و چه خِدائه کلیسا ره،

اوّلین نامِه قُرنتیانی سِه 10:33

هَمون‌ طی که مِن هم تَقِلّا کامبه تا همه ره هر کارِ دِله که اِنجام دِمبه، راضی هاکانِم. مِن شه نفعِ دِمبال دَنیمه، بلکه خَیلیائه نَفعِ دِمبال دَرِمبه، تا نِجات بَیرِن.

اوّلین نامِه قُرنتیانی سِه 13:5

مِحَبَّت بی اَدِب نییه و شه مَنفعتِ دِمبال دَنییه؛ مِحَبَّت غیظ نَکانده و کینه به دِل نَینه؛

اوّلین نامِه قُرنتیانی سِه 6:12

«مِ وِسه همه چی جایزِ،» ولی همه چی فایده نِدارنه. «مِ وِسه همه چی جایزِ» ولی نییِلمه هیچی مِ سَر حَریف بَووه.

اوّلین نامِه قُرنتیانی سِه 9:12

اگه بَقیه حَق دارنِنه این طی چیا ره شِمه جِم بِخوائِن، مگه اِما ویشتر حَق نِدارمی؟ با این وجود اِما این حَقِ جِم اِستفاده نَکاردیمی، بلکه هر چی ره تَن هِدامی تا مَسیحِ اِنجیلِ راهِ سَر یِتا مانع نییِشته بوئیم.

دوّمین نامه قرنتیانِ وَسین 11:29

کیِ که ضعیف بَووه و مِن ضعیف نَووِم؟ کیِ که لغزش هاکانه و مِن نَسوزِم؟

دوّمین نامه قرنتیانِ وَسین 6:3

اِما هیچ کسِ راهِ دِله سَنگ دِم نَدِمبی تا اَمه خِدمِتِ دِله هیچ ایرادی دَنی بوئه،