اوّلین نامِه قُرنتیانی سِه 8:10 - کتاب مقدس به زبان مازندرانی - گویش شرقی

¹⁰ چوون اگه کِسی که یِتا ضَعیفِ وجدان دارنه، تِ ره که اینِ خَوِری مَعرفت دارنی، بِتخانهِ دِله غِذائه سَر بَوینه، مگه وه هم وَسوسه نَوونه بِتهائه پیشکشِ بَییه خِراکِ بَخُره؟

گیله ماز

¹⁰ چون اَگِه اونیکه ایتا ضعیفِ وِجدان دارِه، تِرِه که اینهِ بارِه معرفت داری، بُت خانه یه دِلِه غذای سَر بِینهِ، مَگِه اون هَم وسوسه نَبونه بُتِشانِ پیشکَشِ هَبا خُراکِ بُخارِه؟

کتاب مقدس به زبان مازندرانی - گویش غربی

¹⁰ چون اگه اونیگه یَتِه ضعیفِ وِجدان دارنِه، تِرِه گه هَینی خَوَری معرفت دارنی، بِت خِنِه ای دِلِه غذایی سَر بَوینِه، مَگِه وی هَم وسوسه نَوونِه بِتیشونی پیشکَش بَوِه خِراکِ بَخارِه؟

اوّلین نامِه قُرنتیانی سِه 8:10 Iomraidhean Croise

اعمال رَسولان 15:20

ولی وِنه یِتا نامهِ دِله وِشونِ جِم بِخوائم که بِت‌هائه قِروونی خِراک، زِنا، خفه بَییهِ حیوونونِ گوشت و خونِ جِم دوری هاکانِن.

رومی ایشون 14:14

مِن خِداوند عیسیِ دِله دومبه و قانِعمه که هیچی خِد به خِد نَجس نییه. ولی اگه کِسی یه چی ره نَجس دوندِنه، وه وِسه نَجِسِ.

رومی ایشون 14:23

ولی کِسی که یِتا غِذائه بَخُردِنِ خَوِری شَک دارنه، اگه اونِ بَخُره مَحکوم بونه، چوون ایمونِ هِمراه نَخُرده و اونچی ایمونِ جِم نَبوئه، گِنائه.

اوّلین نامِه قُرنتیانی سِه 10:32

هیچ کسِ نارِحَت نَکِنین، چه یَهودیون، چه یونانیون و چه خِدائه کلیسا ره،

اوّلین نامِه قُرنتیانی سِه 8:4

پَس، بِتهائه پیشکَش بَییه خِراکِ بَخُردِنِ خَوِری، دومبی که این دِنیائه دِله «بِت هیچِ،» و «اِلّا یِتا خِدا، خِدائه دییه ای دَنیه.»

اوّلین نامِه قُرنتیانی سِه 8:7

هر چَن که همه این مَعرفتِ نِدارنِنه. ولی بَعضیا تا اَلان جوری بِتها ره عادت هاکاردِنه که همین اَلان هم اگه این طی خِراکهایی بَخُرِن، خیال کاندِنه اون خِراک راس راسی بِت ها ره پیشکَش بَییه؛ و از اونجه که وِشون ضَعیفِ وجدان دارنِنه، نَجس بونِنه.

اوّلین نامِه قُرنتیانی سِه 8:9

ولی مِواظب بوئین شِمه این حَق، این باعث نَووه که ضَعیفِ آدِمون لغزش بَخُرِن.