اوّلین نامِه قُرنتیانی سِه 7:39 - کتاب مقدس به زبان مازندرانی - گویش شرقی

³⁹ یِتا زِنا تا وَختی که وه مَردی زندِئه، وه پایبنده. ولی اگه وه مَردی بَمِرده، آزادِ تا هر کی که خوانهِ هِمراه آروسی هاکانه، فِقَط خِداوندِ دِله.

گیله ماز

³⁹ ایتا زِنا تا وَختی که اونه شو زِندِه هیسه، اونِه پابندِه. وَلی اَگِه اونه شو بَمِردِه، آزادِه تا هر کی هَمرَه که خَنِهِ عروسی هَکونِه، ولی فقط خداوندِ دِلِه.

کتاب مقدس به زبان مازندرانی - گویش غربی

³⁹ یَتِه زَنا تا وختی گه وی مَردی زینِّئِه، وی پابندِ. ولی اگه وی مَردی بَمِردِه، آزادِ تا هر کی گه خواینِه رِه بَوِرِه، فقط خِداوندی دِلِه.

اوّلین نامِه قُرنتیانی سِه 7:39 Iomraidhean Croise

اوّلین نامِه قُرنتیانی سِه 7:10

مِ حِکم اونایی که آروسی هاکاردِنهِ وِسه اینِ- نا مِ حِکم، بلکه خِداوندِ حِکم - که زَن نَوِسه شه مَردیِ جِم سیوا بَووه.

اوّلین نامِه قُرنتیانی سِه 7:15

ولی اگه اونی که بی‌ایمونِ بِخوائه سیوا بَووه، بییِل این طی هاکانه. این طی مووقه، دییه ایموندارِ بِرار یا خواخِر مجبور نییه وه هِمراه زندگی هاکانه. خِدا اِما ره صِلح و سِلامتی وِسه دعوِت هاکارده.

اوّلین نامِه قُرنتیانی سِه 7:38

پَس اونی که شه نومزِه هِمراه آروسی کانده، خوارِ کار کانده؛ ولی اونی که آروسی نَکانده، حَتّی کارِ بِهتری هم هاکارده.