اوّلین نامِه قُرنتیانی سِه 7:34 - کتاب مقدس به زبان مازندرانی - گویش شرقی

³⁴ و وه حِواس خِدا و وه زِنائه میون رَسِد بونه. همین طی، اَذِب و یا نومزِدارِ کیجا، خِداوندِ کارائه دِلواپسِ، اینِ دِلواپسِ که چی طی جِسمِ دِله و روحِ دِله، مِقَدَّس بوئه؛ ولی شی دارِ زِنا این دِنیائه کارائه دِلواپسِ، اینِ دِلواپسِ که چی طی شه مَردی ره خِشال هاکانه.

گیله ماز

³⁴ و اونه حواس خدا وخودِشه زِنایِ میَن تقسیم بونه. اینجوری، اَذب و یا نامزِدارِ کیجا، خُداوندِ کارانِ دِلواپَسِ، اینهِ دِلواپسِ که چِطور جسم دِلِه و روحِ دِلِه مُقدّس هَبو. ولی شو دارِه زِنا این دُنیایِ کارانِ دِلواپَسِ، اینهِ دِلواپَسِ که چِطور خودشه شو رِه خوشحال هَکونه.

کتاب مقدس به زبان مازندرانی - گویش غربی

³⁴ و وی حواس خِدا و وی زَنایی میِن رَسد وونِه. هینجوری، اَذَب و یا نومزِدارِ کیجا، خِداوندی کارایی دِلواپَسِ، هَینی دِلواپسِ گه چِتی جسمی دِلِه و روحی دِلِه مِقدّس ووئِه. ولی شی دارِ زَنا هَین دِنیایی کارایی دِلواپسِ، هَینی دِلواپسِ گه چِتی شی مَردی رِه خِشال هاکِنِه.

اوّلین نامِه قُرنتیانی سِه 7:34 Iomraidhean Croise

اِنجیلِ یوحنا 10:13

کِسی که دَسمِز گِرنه فِرار کانده، چوون دَسمِزِ وِسه کار کانده و گُسفِنائه فِکر نییه.

رومی ایشون 6:13

شه تَنِ اَعضا ره گِناهِ دَس نَدین تا ناراستیِ وَسیله بوئِن، بلکه اون آدِمونی واری که مَرگِ جِم، زندگی ره بَردَگِردِسِنه، شه ره خِدائه دَس هادین. تا شِمه تَنِ اعضا خِدا دَس، راستیِ وسیله بوئِن.

اوّلین نامِه قُرنتیانی سِه 6:20

چوون شِما یه قیمتِ هِمراه بَخری بَینی، پَس خِدا ره شه تَنِ دِله جِلال هادین.

اوّلین نامِه قُرنتیانی سِه 7:33

ولی زَن دارِ مَردی این دِنیائه کارائه دِلواپسِ، اینِ دِلواپسِ که چی طی شه زِنا ره خِشال هاکانه،

اوّلین نامِه قُرنتیانی سِه 7:35

مِن اینا ره شِمه منفِعتِ وِسه گامبه، نا اینکه شِمه دَمِ بَیرِم. بلکه مِ منظور اینِ که دِرِس زندگی هاکانین و بی هیچ دِلواپسی ای، شه ره خِداوندِ وِسه وَقف هاکانین.

دوّمین نامه قرنتیانِ وَسین 11:28

علاوه بر اینا، تِمومِ کلیساهائه نِگرونیِ بارِ، که مِ دوشِ سَر سنگینی کانده.

دوّمین نامه قرنتیانِ وَسین 8:16

ولی خِدا ره شِکر کامبه که اون غیرتی که مِن شِمه وِسه دارمه تیتوسِ دلِ دِله هم دَره.

فیلیپیان 1:20

هَمون طی که اِشتیاقِ هِمراه اِنتظار کَشِمبه و امید دارمه که هیچیِ دِله شرمنده نَبومبه، بلکه جِرأتِ کاملِ هِمراه، اَلان هم همیشه واری، چه بَمِردِن و چه زندگیِ دِله، مَسیح مِ تَنِ دِله جِلال گِرنه.

اوّل تِسالونیکیان 5:23

اِسا خِدائه صِلح و سِلامتی، شه شِما ره کاملاً تَقدیس هاکانه و شِمه روح و جان و تَن، تا اَمه خِداوند عیسی مَسیحِ بییَموئِنِ مووقه بی‌عیب بَمونه.

اول تیموتائوس 3:5

چوون اگه کِسی نَدونه که چی طی وِنه شه خانِواده ره بَچِرخونه، چی طی تونده خِدائه کلیسائه مِراقب بوئه؟

اول تیموتائوس 5:5

اونی که راس راسی بیوه و بی‌کسِ، خِدا ره امید دارنه و شو و روز دِعائه دِله و خِدائه کُمِک بَییتِنِ جِم مشغولِ.

تیتوس 3:8

این گَبِ بونه اِعتماد هاکارد. و تِ جِم خوامبه که این چیائه سَر اصرار داری، تا اونایی که خِدا ره ایمون بیاردِنهِ حِواس دَووه که شه ره خوارِ کارائه وِسه وَقف هاکانِن، این چیا مَردِمِ وِسه خوارِ و فایده دارنه.