اوّلین نامِه قُرنتیانی سِه 7:33 - کتاب مقدس به زبان مازندرانی - گویش شرقی

³³ ولی زَن دارِ مَردی این دِنیائه کارائه دِلواپسِ، اینِ دِلواپسِ که چی طی شه زِنا ره خِشال هاکانه،

گیله ماز

³³ ولی زَن دارِه مَردَای این دُنیایِ کارانِ دِلواپسِه، اینهِ دِلواپسِه که چِطور خودشه زِنا رِه خوشحال هَکونه،

کتاب مقدس به زبان مازندرانی - گویش غربی

³³ ولی زَن دارِ مَردی هَین دِنیایی کارایی دِلواپسِ، هَینی دِلواپسِ گه چِتی شی زَنارِه خِشال هاکِنِه،

اوّلین نامِه قُرنتیانی سِه 7:33 Iomraidhean Croise

لوقا 12:22

اون وَخت عیسی شه شاگِردونِ بااوته: «شِما ره گامبه، شه زندگیِ وِسه نِگَرون نَبوئین که چی بَخُرین، و نا شه تَنِ وِسه که چی دَپوشین.

لوقا 14:20

یِتا دییه هم بااوته: ”تازه زَن بَوِردِمه، اینِ وِسه نَتومبه بِیِّم.“

اِنجیلِ یوحنا 10:13

کِسی که دَسمِز گِرنه فِرار کانده، چوون دَسمِزِ وِسه کار کانده و گُسفِنائه فِکر نییه.

اوّلین نامِه قُرنتیانی سِه 7:3

مَرد وِنه دِینی که نِسبت به شه زِنا دارنه ره به جا بیاره و زِنا هم وِنه دِینی که نِسبت به شه مَردی دارنه ره به جا بیاره.

اوّلین نامِه قُرنتیانی سِه 7:32

مِ خواس اینِ که هر دِلواپسیِ جِم دور بوئین. اَذِبِ مَردی خِداوندِ کارائه وِسه دِلواپسِ، اینِ دِلواپسِ که چی طی خِداوندِ خِشال هاکانه؛

اوّلین نامِه قُرنتیانی سِه 7:34

و وه حِواس خِدا و وه زِنائه میون رَسِد بونه. همین طی، اَذِب و یا نومزِدارِ کیجا، خِداوندِ کارائه دِلواپسِ، اینِ دِلواپسِ که چی طی جِسمِ دِله و روحِ دِله، مِقَدَّس بوئه؛ ولی شی دارِ زِنا این دِنیائه کارائه دِلواپسِ، اینِ دِلواپسِ که چی طی شه مَردی ره خِشال هاکانه.

کولُسیان 3:19

ای شی ها، شه زَن ها ره دوس دارین و وِشونِ هِمراه تِندی نَکِنین.

اول تیموتائوس 5:8

ولی اگه یه نَفِر شه فامیلون، مخصوصاً شه خانِوادهِ احتیاجاتِ دِمبال دَنی بوئه، شه ایمونِ انکار کانده و یِتا بی ایمونِ جِم بَد‌تِرِ.

اول پِطرُس 3:7

همین‌ طی، شِما هم ای مَردا، شه زَن هائه هِمراه جوری زندگی هاکانین که وِشونِ بِفَهمین و بِشناسین اینِ وِسه که شِمه جِم ظریفتر هَسِنه، وِشونِ احترامِ دارین چوون شِمه واری زندگیِ فیضِ وارِثِنه، تا نَکِنه شِمه دِعاها بی جِواب بَمونه.