اوّلین نامِه قُرنتیانی سِه 7:18 - کتاب مقدس به زبان مازندرانی - گویش شرقی

¹⁸ مگه هیچکی بییه اون مووقه که دَییه دَعوِت بونِسه، خَتنه بَئی بوئه، اینِ دِمبال دَنی بوئه که ختنهِ نشونه ها ره بَیره، مگه هیچکی بییه اون مووقه که دَییه دَعوت بونِسه، خَتنه نَئی بوئه، اون آدِم خَتنه بَیّنِ دِمبال دَنی بوئه.

گیله ماز

¹⁸ اگه کسی دُخوانِسَّن موقه ختنه هَبا بو، همون وَضعِ دِلِه دَبو، ولی اگه کسی دُخوانِسَّن موقه ختنه نَبا بو، ختنه هَبوسَّنِ دُمّال دَنَبو.

کتاب مقدس به زبان مازندرانی - گویش غربی

¹⁸ مَگِه هیچکی دَوِه هون موقِه گه دِ بَخونِس وونِسِه خَتنِه هَسوِه وو؟ هینی دِمال دَنیوو گه خَتنِه ای نِشونِهارِه بَیرِه. مَگِه هیچکی دَوِه هون موقِه گه دِ بَخونِس وونِسِه خَتنِه نَوِه وو؟ هون آدَم خَتنِه بَووئَنی دِمال دَنیووئه.

اوّلین نامِه قُرنتیانی سِه 7:18 Iomraidhean Croise

اعمال رَسولان 15:19

«پَس مِ نَظِر اینِ، اونایی که، غیر یَهودیونِ جِم خِدائه سَمت بَرگِردِنِنه ره زَحمِت نَدیم.

اعمال رَسولان 15:24

از اونجه که بِشنُسیمی که کِسایی اَمه میونِ جِم، بی این که اَمه جِم دَستوری دارِن، بییَمونه و شِما ره شه گَب هائه هِمراه نارِحَت هاکاردِنه و باعث بَینه شِمه فِکر پریشون بَووه.

اعمال رَسولان 15:28

اِما و روح القُدُس، این طی صِلاح بَدیمی که باری شِمه دوشِ سَر نییِلیم، به جِز اینا که ضرورینه

اعمال رَسولان 15:5

ولی بَعضی از عُلِمائه فِرقه فریسی که ایمون بیارده بینه، بِلِند بَینه، بااوتِنه: «واجبِ که وِشون خَتنه بَووِن و وِشونِ دَستور هادِن که موسیِ شَریعتِ دارِن.»

اعمال رَسولان 21:21

وِشونِ میون این طی شایع بَییه که تِ تِمومِ یَهودیونی که غیرِیَهودیونِ دِله زندگی کاندنه ره تَعلیم دِنی که موسیِ پِیغَمبِرِ شَریعتِ جِم بَردَگِردِن، و وِشونِ گانی نَوِسه شه وَچونِ خَتِنِه هاکانِن و طِبق رَسم و رُسوم رِفتار هاکانِن.

کولُسیان 3:11

این نو آدِمِ دِله، نا یونانی یا یهودی، نا ختنه‌بَییه یا ختنه‌نَییه، نا بَربَر یا سَکایی، نا نوکِر یا آزاد، دییه مَعنی نِدارنه، بلکه مَسیح همه چی هَسه و همهِ دِله دَره.