اوّلین نامِه قُرنتیانی سِه 7:17 - کتاب مقدس به زبان مازندرانی - گویش شرقی

¹⁷ فِقَط، هر کی هَمون طی زندگی هاکانه که خِداوند وه وِسه در نَظِر بَییته و خِدا اونِ وِسه وه ره دَعوِت هاکارده. این حکمیِ که مِن تِمومِ کلیساهائه دِله گامبه.

گیله ماز

¹⁷ فقط، هر کی هَمونجور زندگی هَکونه که خداوند اونه وَسین دَر نَظَر بِیته و خُدا اونِ وَسین اونه دُخوانِسِّه. این حَکمیه که مَن تمام کلیساهای دِلِه گونَم.

کتاب مقدس به زبان مازندرانی - گویش غربی

¹⁷ فقط، هر کی هَمونجور زندگی هاکِنِه گه خِداوَند ویسِه دَر نَظَر بَیتِه و خِدا اونیسِه وِرِه بَخونِسِه. هَین حِکمیِه گه مِن دِشتِه کلیساهایی دِلِه گِمِه.

اوّلین نامِه قُرنتیانی سِه 7:17 Iomraidhean Croise

اِنجیلِ مَتّی 19:12

چوون بَعضی خواجه نه و شه مارِ اِشکِمِ جِم این طی دِنیا بییَمونه، و بَعضی دییه هَم دَرِنه که مَردِم وِشونِ خواجه هاکاردِنه، و بَعضی ها شه، شه ره خواجِه هاکاردِنه چوون آسِمونِ پادشاهیِ وِسه زَن بَوِردِنِ جِم چِش پوشی کاندِنه تا خِدمِت هاکانِن. هر کی تونده اینِ قبول هاکانه بییِل قبول هاکانه.

اوّلین نامِه قُرنتیانی سِه 10:32

هیچ کسِ نارِحَت نَکِنین، چه یَهودیون، چه یونانیون و چه خِدائه کلیسا ره،

اوّلین نامِه قُرنتیانی سِه 11:16

اگه یه نَفِر بِخوائه شه سازِ بَزِنه، وِنه بارِم که اِما و خِدائه کلیساها ره این طی رسمی دَنییه.

اوّلین نامِه قُرنتیانی سِه 11:34

اگه یه نَفِرِ وِشنائه، شه سِره دِله غِذا بَخُره تا شِمه دورِ هم جَمع بَیِّن، مَحکومیتِ باعث نَووه. وَختی شِمه پَلی بِیّم، بَقیه چیائه خَوِری، گامبه که چی هاکانین.

اوّلین نامِه قُرنتیانی سِه 14:33

چوون خِدا، هَرجِ مَرجِ خِدا نییه، بلکه صِلح و سِلامتیِ خِدائه، هَمون‌ طی که مِقدّسینِ تِمومِ کلیساهائه دِله، این طیِ.

اوّلین نامِه قُرنتیانی سِه 16:1

اِسا هدایا جَمع هاکاردِنِ خَوِری، مِقَدِّسینِ وِسه: شِما هم اونچیِ که غَلاطیهِ کلیساهائه وِسه بااوتِمه ره اِنجام هادین.

اوّلین نامِه قُرنتیانی سِه 4:17

همینِ وِسه تیموتائوسِ که مِ عزیزِ وچه ئه و خِداوندِ دِله وِفادارِ ره شِمه پَلی بَفرِسیمه. تا مِ راه ها ره مَسیحْ عیسیِ دِله شِمه یاد بیاره، هَمون طی که اون راه ها ره تِمومِ کلیساهائه دِله، همه جا تَعلیم دِمبه.

اوّلین نامِه قُرنتیانی سِه 7:18

مگه هیچکی بییه اون مووقه که دَییه دَعوِت بونِسه، خَتنه بَئی بوئه، اینِ دِمبال دَنی بوئه که ختنهِ نشونه ها ره بَیره، مگه هیچکی بییه اون مووقه که دَییه دَعوت بونِسه، خَتنه نَئی بوئه، اون آدِم خَتنه بَیّنِ دِمبال دَنی بوئه.

اوّلین نامِه قُرنتیانی سِه 7:24

پَس ای بِرارون، هر کی هر وَضعِ دِله که دَعوت بَییه، هَمون وضع دِله خِدائه حِضور بَمونه.

اوّلین نامِه قُرنتیانی سِه 7:7

کاش همه مِ واری بینه، ولی هر کی شه عطیه ره خِدائه جِم بَییته؛ یِتا یه جور عطیه دارنه و اون یِتا یه جور دییه.

دوّمین نامه قرنتیانِ وَسین 11:28

علاوه بر اینا، تِمومِ کلیساهائه نِگرونیِ بارِ، که مِ دوشِ سَر سنگینی کانده.

دوّمین نامه قرنتیانِ وَسین 8:18

و اِما یِتا دییه بِرارِ، تیتوسِ هِمراه رِسِندمبی که تِمومِ کلیساهائه دِله، انجیلِ موعظهِ خاطِری سرشناسِ.

غَلاطیان 1:22

یَهودیهِ کلیساها که مَسیحِ دِله دَرِنه، هَمتی مِ قیافه ره نِشناسینه.

اوّل تِسالونیکیان 2:14

چوون ای بِرارون، شِما خِدائه کلیساها که یَهودیهِ مَنطقهِ دِله مَسیحْ عیسیِ دِله دَرِنهِ جِم، سَرمَخش بَییتینی: چوون شِما هم شه هموطنونِ جِم، هَمون عِذاب ها ره بَدینی که وِشون یَهودیونِ جِم بَدینه،

دوّم تِسالونیکیان 1:4

اینِ وِسه، اِما شه، خِدائه کلیساهائه دِله شِما ره اِفتخار کامبی، شِمه پایداری و ایمونِ خاطِری، که تِمومِ آزار اذیّت و عِذاب هائه دِله طاقت بیاردینی.