اوّلین نامِه قُرنتیانی سِه 6:18 - کتاب مقدس به زبان مازندرانی - گویش شرقی

¹⁸ بی عِفتیِ جِم دَر بورین! هر گِناهِ دییه ای که آدِم هاکانه، وه تَنِ جِم بیرونِ، ولی کِسی که بی عِفتی کانده، شه تَنِ گِناه کانده.

گیله ماز

¹⁸ بی عفتی یه جی دَر بیشین! هر گُناه دیگَرِی که آدَم هَکونه اونه تَنِ جی دِرگائه، وَلی اونیکه بی عفتی کانه، خودِشه تَن گُناه کانه.

کتاب مقدس به زبان مازندرانی - گویش غربی

¹⁸ بی عِفَتی ای جا دربورین! هر گِناهِ دییَری گه آدَم هاکِنِه وی تَنی جا دیرگائه، ولی اونیگه بی عِفَتی کِنِّه، شی تَنِ گِناه کِنِّه.

اوّلین نامِه قُرنتیانی سِه 6:18 Iomraidhean Croise

رومی ایشون 1:24

پَس خِدا هم وِشونِ، شه وِشونِ دلِ هِوا و هوس هائه دِله، ناپاکیِ هِمراه وِل هاکارده، تا شه تَن ها ره شه میون بی حِرمت هاکانِن.

اوّلین نامِه قُرنتیانی سِه 6:9

مگه نَدوندِنی که اونایی که بَقیه ره ظِلم کاندِنه، خِدائه پادشاهیِ وارث نَوونِنه؟ گول نَخورین! نا بی‌عِفتون، نا بِت‌پرستون، نا زِناکارون، نا لواط گرون،

دوّمین نامه قرنتیانِ وَسین 12:21

و اونِ تَرسِ هم دارمه که وَختی شِمه پَلی بِیِّم، مِ خِدا شِمه پَلی مِ ره فروتن هاکانه و مِن مجبور بَووِم بعضیائه خاطِری که قبلاً گِناه هاکاردِنه و شه ناپاکی، بی عفتی و عیاشیِ جِم تووبه نَکاردِنه، عزاداری هاکانِم.

غَلاطیان 5:19

اِسا جِسمِ اعمال معلومِ: بی عفتی، ناپاکی، و هَرزگی؛

اِفِسُسیان 5:3

ولی شِمه میون، بی عفتی یا هرجور ناپاکی یا هِوا و هَوسِ جِم حَتَّی نَوِسه گَبی میون بِیّه، چوون اینا مِقدّسینِ لایق نییه.

کولُسیان 3:5

پَس، اون چی که شِمه وجود دِله زِمینیِ ره، بَکوشین، یعنی بی عفتی، ناپاکی، هِوا و هوِس، بَدِ خواسه ها و طِمع که هَمون بِت‌پرستیه.

اوّل تِسالونیکیان 4:3

چوون خِدائه اِراده اینِ یعنی شِمه مِقدّس بییَن: که شه ره بی عفتیِ جِم دور دارین.

اوّل تِسالونیکیان 4:5

نا شهوت و هِوا وهوسِ دِله، اون غیرِیهودیون واری که خِدا ره نِشناسِنِنه.

دوم تیموتائوس 2:22

پَس جوونیِ هِوا و هوسِ جِم فِرار هاکان، و وِشونِ هِمراه که پاکِ دِلِ هِمراه خِداوندِ صدا کاندِنه، صالحی و ایمون و مِحَبَّت و صِلح و سِلامتیِ دِمبال دَواش.

نامِه مَسیحینی عبرانی نِژادی سِه 13:4

بییِلین ازدواج همهِ میون حِرمت داره، و زِنا مَردیِ رابطه پاک بوئه، چوون خِدا بی‌عفتون و زِناکارونِ داوِری کانده.

اول پِطرُس 2:11

ای عزیزون، شِمه جِم که این دِنیائه دِله مسافر و غریبِنی، خواهش کامبه که جِسمِ هِوا و هوسِ جِم که شِمه روحِ علیه دَره جَنگ کاندِنه، دوری هاکانین.