اوّلین نامِه قُرنتیانی سِه 5:7 - کتاب مقدس به زبان مازندرانی - گویش شرقی

⁷ شه ره کهنه خمیرمایهِ جِم پاک هاکانین تا تازه خمیر بوئین، هَمون طی که واقعاً هم فَطیرِنی. چوون مَسیح، اَمه پِسَخِ وره، قِروونی بَییه.

گیله ماز

⁷ شِمِرِه کُهنِه خَمیرمایه جی پاک هَکُنید تا تازه خمیر هَبین، هَمونجور که واقعاً هَم فطیرِین. چون مَسیح، اَمیی پِسخِ وَرِّه، قُربانی هَبا.

کتاب مقدس به زبان مازندرانی - گویش غربی

⁷ شِرِه کِهنِه خَمیرمایه ای جا پاک هاکِنین تا تازه خمیر ووئین، هَمونجور گه واقعاً هَم فطیرِنی. چون مَسیح، اَمِه پِسخی وَرکا، قِروونی بَوِه.

اوّلین نامِه قُرنتیانی سِه 5:7 Iomraidhean Croise

اِنجیلِ مَتّی 13:33

عیسی وِشونِ وِسه یِتا دییه مَثِل بیارده و بااوته: «آسِمونِ پادشاهی خَمیرمایه واریِ که یِتا زِنا اونِ گِرنه، سه تا دَئیل آردِ هِمراه قاطی کانده تا تِمومِ خمیر وَر بِیّه.

مَرقُس 14:12

فطیرِ عیدِ اَوِّلین روز که پِسَخِ وَره ره قِروونی کاندنه، عیسیِ شاگِردون وه جِم بَپِرسینه: «خوانی کِجه بُوریم و تِ وسه تَهیّه بَوینیم تا پِسَخِ شومِ بَخُری؟»

اِنجیلِ یوحنا 1:29

فِردائه اون روز، یحیی عیسی ره بَدیئه که وه سَمت اِنه، بااوته: «هارِشین» این خِدائه قِروونی وَرهِ که گِناهِ دِنیائه جِم گِرنه و وَرنه!

اِنجیلِ یوحنا 1:36

وه عیسی که دَییه رَد بونِسه ره، بَدیئه و بااوته: «هارِشین این خِدائه قِروونی ورهِ!»

اِنجیلِ یوحنا 19:14

اون روز، یِتا روز قبل از پِسَخِ عید بییه، که یَهودیون شه ره پِسَخِ عیدِ وِسه حاضر کاردِنه، نَزیکِ ظِهر بییه. پیلاتُس یَهودیونِ بااوته: «هارِشین این هم شِمه پادشاه!»

رومی ایشون 3:25

خِدا، عیسی مَسیحِ، گِناهونِ کَفّاره‌ِ واری مَعرِفی هاکارده. اون کَفّاره ای که وه خونِ هِمراه و ایمونِ راهِ جِم به دَس اِنه. این خِدائه عِدالَتِ سِراغ هِدائِنِ وِسه بییه، چوون وه شه صبرِ اِلهیِ هِمراه، اون گِناهونی که قبلاً اِتفاق دَکِته بییه ره نَدید بَییته.

اوّلین نامِه قُرنتیانی سِه 10:17

چوون که نون یِتائه، اِما هم که یَته خَیلیمی، یه تَن هَسیمی، چوون همه یِتا نونِ جِم سَهم وَرمی.

اوّلین نامِه قُرنتیانی سِه 5:13

خِدا شه، بیرونی مَردِمِ خَوِری قِضاوِت کانده. پَس «اون شَرورِ آدِمِ شه میونِ جِم بیرون هاکانین.»

اِفِسُسیان 4:22

تا شه قَدیمِ زندگیِ روش، یعنی اون قدیمِ آدِم، که گول زَنَکِ خواسه هائه طَریقِ جِم فاسد بییه ره شه تَنِ جِم بیرون بیارین.

یوحنایِ مکاشفه 5:12

و بِلِندِ صِدائه هِمراه گاتِنه: «اون وَره که قِروونی بَییه لیاقت دارنه که قِدرَت و ثَروِت و حِکمَت و قِوَّت، و حرمت و جِلال و بَرکَت وه پیشکش بَووه.»