اوّلین نامِه قُرنتیانی سِه 5:6 - کتاب مقدس به زبان مازندرانی - گویش شرقی

⁶ شِمه اِفتخار اَصلاً دِرِس نییه. مَگه نَدوندِنی که اَت کم خمیرمایه تونده تِمومِ خمیرِ وَر بیاره؟

گیله ماز

⁶ شِیمی فخر هَکُردَن اَصلاً دُرس نیِه. مَگِه نِدانین که یه میثقلی خَمیرمایه تانهِ تمام خمیرِ ور بیارِه؟

کتاب مقدس به زبان مازندرانی - گویش غربی

⁶ شِمِه افتخار هاکِردَن اَصلاََ دِرِس نیِه. مَگِه نَئونِنی گه اَقّدی خَمیرمایه بَتِنِّه دِشتِه خمیرِ وَر بیارِه؟

اوّلین نامِه قُرنتیانی سِه 5:6 Iomraidhean Croise

اِنجیلِ مَتّی 13:33

عیسی وِشونِ وِسه یِتا دییه مَثِل بیارده و بااوته: «آسِمونِ پادشاهی خَمیرمایه واریِ که یِتا زِنا اونِ گِرنه، سه تا دَئیل آردِ هِمراه قاطی کانده تا تِمومِ خمیر وَر بِیّه.

لوقا 13:21

خمیرمایه‌ واری که یِتا زِنا اونِ بَییته و سه تا دَئیل، آردِ هِمراه قاطی هاکارده تا تِمومِ خمیر وَر ‌بییَمو.»

رومی ایشون 6:16

مگه نَدوندِنی اگه شه ره نوکرونِ واری که اِطاعت کاندِنه یه نَفِرِ دَس هادین، اون آدِمِ نوکِرون بونِنی که وه جِم اِطاعت کاندینی، چه گِناهِ نوکِر، که مَرگِ خَتم بونه، چه خِدائه اِطاعتِ نوکِر، که صالحی ره خَتم بونه؟

اوّلین نامِه قُرنتیانی سِه 15:33

گول نَخورین: «بَدِ هَمنشین، خوارِ اَخلاقِ خِراب کانده.»

اوّلین نامِه قُرنتیانی سِه 3:21

پَس هیچ کَس دییه آدِمونِ فخر نَکِنه. چوون همه چی شه شِمه وِسه ئه،

اوّلین نامِه قُرنتیانی سِه 5:2

و شِما فَخر کاندینی! مگه نَوِسه ماتِم بَیرین؟ و اونیِ که این طی هاکارده ره شه میونِ جِم بیرون هاکانین.

غَلاطیان 5:9

«یه ذِره خمیرمایه، تِمومِ خمیرِ وَر‌ یارنه.»

دوم تیموتائوس 2:17

و این طی آدِمونِ گَب، جِذامِ واری پخش بونه. هیمِنائوس و فیلیتوس همین دسه جِمِ هَسِنه،

یعقوبِ نامه 4:16

اِسا اون که شِما غرورِ دِله دَره فخر کاندینی. این طی فخر هاکاردِن، بَدِ!