اوّلین نامِه قُرنتیانی سِه 5:13 - کتاب مقدس به زبان مازندرانی - گویش شرقی

¹³ خِدا شه، بیرونی مَردِمِ خَوِری قِضاوِت کانده. پَس «اون شَرورِ آدِمِ شه میونِ جِم بیرون هاکانین.»

گیله ماز

¹³ خُدا خودِش، دِرگای مَردُمانِ بارِه قضاوت کانه. پَس «اون شرورِ آدَمِ شیمی میَن جی دِرگا هَکُنید.»

کتاب مقدس به زبان مازندرانی - گویش غربی

¹³ خِدا شِه دیرگایی مَردِنی خَوَری قضاوت کِنِّه. پَس «هون شَرورِ آدَمِ شی میِنی جا دیرگا هاکِنین.»

اوّلین نامِه قُرنتیانی سِه 5:13 Iomraidhean Croise

اِنجیلِ مَتّی 18:17

اَگه حاضِر نَووه وِشونِ گَبِ بِشنُئِه، كلیسائه گوش بَرِسون، و اَگه حاضِر نَووه حَتَّی كلیسائه گَبِ قَبول هاکانه، بعد وه هِمراه یِتا اَجنبی یا خراجگیرِ واری رِفتار هاکان.

اعمال رَسولان 17:31

چوون که وه یِتا روزِ تعیین هاکارده که اونِ دلهِ اون آدِمِ طریق که مَعین هاکارده، دِنیا ره عِدالَتِ هِمراه داوِری کانده، و وه ره مِرده هائه جِم زنده هاکاردِنِ هِمراه، همه ره این جَریانِ جِم مِطمَئِن هاکارده.»

رومی ایشون 2:16

این اون روزِ دِله اِتفاق کَفِنه که خِدا طبقِ اون اِنجیلی که مِن اِعلام کامبه، آدِمونِ رازها ره عیسیِ مَسیحِ طَریقِ جِم قِضاوِت کانده.

اوّلین نامِه قُرنتیانی سِه 5:1

راستی خَوِر بَرِسیه که شِمه میون بی عفتی دَره، اون هم جوری که حَتّی بِت‌پَرستون هم نَتوندِنه اونِ تِحَمُّل هاکانِن. چوون بِشنُسِمه یِتا مَردی شه کِچیک مارِ هِمراه دَره.

اوّلین نامِه قُرنتیانی سِه 5:2

و شِما فَخر کاندینی! مگه نَوِسه ماتِم بَیرین؟ و اونیِ که این طی هاکارده ره شه میونِ جِم بیرون هاکانین.

اوّلین نامِه قُرنتیانی سِه 5:5

شِما وِنه این مَردی ره شیطانِ دَس بِسپارین تا وه جِسمِ بَکوشتِنِ هِمراه، وه روح، خِداوندْ عیسیِ روزِ دِله نِجات بَیره.

اوّلین نامِه قُرنتیانی سِه 5:7

شه ره کهنه خمیرمایهِ جِم پاک هاکانین تا تازه خمیر بوئین، هَمون طی که واقعاً هم فَطیرِنی. چوون مَسیح، اَمه پِسَخِ وره، قِروونی بَییه.

نامِه مَسیحینی عبرانی نِژادی سِه 13:4

بییِلین ازدواج همهِ میون حِرمت داره، و زِنا مَردیِ رابطه پاک بوئه، چوون خِدا بی‌عفتون و زِناکارونِ داوِری کانده.

پطرسی دِوّمین نامِه 2:9

پَس خِداوند دونده چی طی صالحِ آدِمونِ آزمودهائه جِم نِجات هاده و گِناهکارونِ داوِریِ روزِ مکافات وِسه داره،