اوّلین نامِه قُرنتیانی سِه 4:17 - کتاب مقدس به زبان مازندرانی - گویش شرقی

¹⁷ همینِ وِسه تیموتائوسِ که مِ عزیزِ وچه ئه و خِداوندِ دِله وِفادارِ ره شِمه پَلی بَفرِسیمه. تا مِ راه ها ره مَسیحْ عیسیِ دِله شِمه یاد بیاره، هَمون طی که اون راه ها ره تِمومِ کلیساهائه دِله، همه جا تَعلیم دِمبه.

گیله ماز

¹⁷ اینِه خاطری تیموتائوسِ که می عزیزِ وَچِه و خُداوندِ دِلِه وفادار هیسِه رِه شِیمی وَرجه روانه هَکوردَم، تا می راه رِه عیسی یه مسیح دِلِه شِیمی یاد بیاره، هَمونجور که اون راهان رِه تمام کلیساهای دِلِه و همه جا تعلیم دَنَم.

کتاب مقدس به زبان مازندرانی - گویش غربی

¹⁷ هَینِسه تیموتائوسِ گه می عزیزِ وَچِه و خِداوندی دِلِه وفادارِ رِه شِمِه وَر بَرِسانیمِه. تا می راهارِه مَسیحْ عیسایی دِلِه شِمِه یاد بیارِه، هَمونجور گه هون راهارِه دِشتِه کلیساهایی دِلِه و هَمه جا تعلیم دِمِه.

اوّلین نامِه قُرنتیانی سِه 4:17 Iomraidhean Croise

اِنجیلِ مَتّی 24:45

«پَس اون اَمین و عَقلدارِ نوکِر کیِ که وه اَرباب وه ره شه سِره سَرپَرَس کانده تا وِشونِ خِراکِ سَرِ وَخت هاده

اِنجیلِ مَتّی 25:21

وه اَرباب بااوته: 'آفِرین، ای باوِفا و خوارِ نوکِر، اِسا که این کَمِ پولِ دِله اَمین بیئی، پول ویشتَری تِ اختیار اییِلمه. بِرو شه اَربابِ خِشالیِ دِله شَریک بَواش.

اِنجیلِ مَتّی 25:23

وه اَرباب بااوته: 'آفِرین، اِی با وِفا و خوارِ نوکِر! اِسا که این کَمِ پولِ دِله اَمین بیئی، پولِ ویشتَری تِ اختیار اییِلمه. بِرو شه اَربابِ خِشالیِ دِله شَریک بَواش.

اعمال رَسولان 16:1

پولُس اَوِّل دِربِه و بعد لِستْرهِ شَهر بُورده. اونجه یِتا شاگِرد که وه اسمِ تیموتائوس بییه زندگی کارده که وه مار یَهودی و ایموندار بییه، ولی وه پییِر یونانی بییه.

اوّلین نامِه قُرنتیانی سِه 11:16

اگه یه نَفِر بِخوائه شه سازِ بَزِنه، وِنه بارِم که اِما و خِدائه کلیساها ره این طی رسمی دَنییه.

اوّلین نامِه قُرنتیانی سِه 11:2

اِسا شِمه تَعریفِ کامبه که همه چیِ دِله مِ ره شه‌یاد یارنِنی و حَتّی اون رَسم و رسومایی که شِما ره بِسپارِسِمه ره حِفظ کاندینی.

اوّلین نامِه قُرنتیانی سِه 11:34

اگه یه نَفِرِ وِشنائه، شه سِره دِله غِذا بَخُره تا شِمه دورِ هم جَمع بَیِّن، مَحکومیتِ باعث نَووه. وَختی شِمه پَلی بِیّم، بَقیه چیائه خَوِری، گامبه که چی هاکانین.

اوّلین نامِه قُرنتیانی سِه 14:33

چوون خِدا، هَرجِ مَرجِ خِدا نییه، بلکه صِلح و سِلامتیِ خِدائه، هَمون‌ طی که مِقدّسینِ تِمومِ کلیساهائه دِله، این طیِ.

اوّلین نامِه قُرنتیانی سِه 16:1

اِسا هدایا جَمع هاکاردِنِ خَوِری، مِقَدِّسینِ وِسه: شِما هم اونچیِ که غَلاطیهِ کلیساهائه وِسه بااوتِمه ره اِنجام هادین.

اوّلین نامِه قُرنتیانی سِه 16:10

وَختی تیموتائوس بییَمو، وه هِمراه جوری رِفتار هاکانین که شِمه پَلی هیچیِ نگرونی ره نِداره. چوون وه هم مِ واری خِداوندِ کارِ کانده؛

اوّلین نامِه قُرنتیانی سِه 4:14

اینِ نَنِویسِمبه تا شِما ره شَرمنده هاکانِم، بلکه نِویسِمبه تا شه عزیزِ وَچونِ واری شِما ره نَصیحت هاکانِم.

اوّلین نامِه قُرنتیانی سِه 4:15

چوون حَتّی اگه هِزارون مَلِّم مَسیح دِله دارین، ولی خَله پییِرون نِدارنِنی، چوون مِن اِنجیلِ طَریق، عیسی مَسیحِ دِله شِمه پییِر بَیمه.

اوّلین نامِه قُرنتیانی سِه 4:2

علاوه بر این انتظاری که مِواشر جِم شونه اینِ که وِفادار بوئه.

اوّلین نامِه قُرنتیانی سِه 7:17

فِقَط، هر کی هَمون طی زندگی هاکانه که خِداوند وه وِسه در نَظِر بَییته و خِدا اونِ وِسه وه ره دَعوِت هاکارده. این حکمیِ که مِن تِمومِ کلیساهائه دِله گامبه.

اوّلین نامِه قُرنتیانی سِه 7:25

و ولی اَذِب هائه خَوِری، خِداوندِ جِم حِکمی نِدارمه؛ ولی به عنوان کِسی که خِداوندِ رَحمِتِ طریق قابل اعتمادِ، شه گَبِ زَمبه.

دوّمین نامه قرنتیانِ وَسین 8:18

و اِما یِتا دییه بِرارِ، تیتوسِ هِمراه رِسِندمبی که تِمومِ کلیساهائه دِله، انجیلِ موعظهِ خاطِری سرشناسِ.

اِفِسُسیان 6:21

اینِ وِسه که مِ حالِ روزِ جِم خَوِردار بوئین و بَدونین چی کامبه، تیخیکوس، که عزیزِ بِرار و خِداوندِ دِله وِفادارِ خادِمِ، همه چی ره شِما ره گانه.

فیلیپیان 2:19

خِداوندْ عیسیِ دِله امید دارمه که تیموتائوسِ خله زود شِمه پَلی بَفرِسِم تا شِمه حال و اَحوالِ جِم با خَوِر بَووِم و مِ دِل خِشال بَووه.

فیلیپیان 2:22

ولی شِما دوندِنی که تیموتائوس شه آزمودِ پَس هِدا که چی طی مِ هِمراه، یِتا ریکائه واری، شه پییِرِ هِمراه، اِنجیلِ کارِ دِله خِدمِت هاکارده.

کولُسیان 1:7

هَمون طی که شِما اونِ اَمه عزیزِ همخِدمت، اِپافْراسِ جِم یاد بَییتینی، اونی که شِمه طَرِف جِم مَسیحِ وِفادارِ نوکِرِ.

کولُسیان 4:9

وه اونیسیموسِ هِمراه، اَمه عزیز و وِفادارِ بِرار که یِتا از شِمائه، شِمه پَلی اِنه. وِشون شِما ره هر اونچی که اینجه اِتفاق کَفِنهِ جِم باخَوِر کاندِنه.

اول تیموتائوس 1:18

مِ وَچه، تیموتائوس، این حِکمِ طِبق اون نَبِوّتهایی که قبلاً تِ خَوِری بااوته بَییه بییه ره، تِ ره اِسپارِمبه تا اونائه ‌طریق اون خوارِ جنگِ اِنجام هادی،

اول تیموتائوس 1:2

تیموتائوسِ وِسه، مِ حَییقی ریکا ایمونِ دِله: فِیض و رَحمِت و صِلح و سِلامتی خِدائه پییِر و اَمه خِداوند مَسیحْ عیسیِ طَرِفِ جِم شِمه وِسه بِیّه.

دوم تیموتائوس 1:2

مِ عزیزِ ریکا، تیموتائوسِ وِسه: فِیض و رَحمِت و صِلح و سِلامتی خِدائه پییِر و اَمه خِداوند مَسیحْ عیسیِ طَرِفِ جِم تِ وِسه بِیّه.

دوم تیموتائوس 2:2

و اون چیایی که خَله شاهِدونِ روب رو مِ جِم بِشنُسی ره، وِفادارِ آدِمونِ بِسپار که توندِنی بَقیه ره هم یاد هادین.

دوم تیموتائوس 3:10

ولی تِ، مِ تَعلیم و مِ رِفتار و مِ هدف و مِ ایمون و مِ صَبر و مِ مِحَبَّت و مِ طاقتِ از نزدیک شاهد بیئی

تیتوس 1:5

اینِ وِسه تِ ره کْرتِ جزیرهِ دِله سَر اییِشتِمه تا نصف و نیمه کارا ره سَرسامون هادی و هَمون‌ طی که تِ ره بااوتِمه، هر شهری دِله مشایخی ره بییِلی.

یوحنایِ مکاشفه 2:10

اون عِذاب هائه جِم که خَله زود کَشِنی، نَتِرس. هارِش، اِبلیس خَله زود شِمه جِم بَعضیا ره زِندونِ دِله دِم دِنه تا آزمود بَووین و ده روز عِذاب بَکِشین. تا مَرگ وِفادار بَمون، که مِن زندگیِ تاجِ تِ ره دِمبه.

یوحنایِ مکاشفه 2:13

دومبه کِجه موندِنی، اونجه که شیطانِ پادشاهیِ تَختِ. با این وجود مِ اسمِ قایم بَچِسبِسی و حَتَّی اون روزائه دِله که آنتیپاس، مِ اون وِفادارِ شاهد که شِمه میون، اونجه که شیطان موندِنه، وه ره بَکوشتِنه، ایمونی که مِ ره داشتی ره اِنکار نَکاردی.