اوّلین نامِه قُرنتیانی سِه 4:15 - کتاب مقدس به زبان مازندرانی - گویش شرقی

¹⁵ چوون حَتّی اگه هِزارون مَلِّم مَسیح دِله دارین، ولی خَله پییِرون نِدارنِنی، چوون مِن اِنجیلِ طَریق، عیسی مَسیحِ دِله شِمه پییِر بَیمه.

گیله ماز

¹⁵ چون حتّی اَگه هِزاران مُعلِم مَسیح دِلِه بِدارین، ولی ایتا پیَر بیشتر نِدارید، چون مَن انجیلِ طَریقِ جی، عیسی مسیحِ دِلِه شِیمی پیَر هَبام.

کتاب مقدس به زبان مازندرانی - گویش غربی

¹⁵ چون حتّی اگه هِزارِن مَلِّم مَسیحی دِلِه دارین، ولی خِیلی پیر نارِنی، چون مِن اِنجیلی طریقی جا عیسی مسیحی دِلِه شِمِه پیر بَوِمِه.

اوّلین نامِه قُرنتیانی سِه 4:15 Iomraidhean Croise

رومی ایشون 15:20

هَمش مِ آرزو این بییه که یه جایی اِنجیلِ موعظه هاکانِم که مَسیحِ اسمِ نِشنُسه بوئِن، تا نَکِنه که مِن یه نَفِر دییهِ پیِ سَر بَنایی بَسازِم

اوّلین نامِه قُرنتیانی سِه 1:30

وه خاطِریِ که شِما عیسی مَسیحِ دِله دَرِنی. اون عیسی مَسیح که خِدائه طَرِفِ جِم اَمه وِسه حِکمَت بَییه، یعنی صالحی، قدّوسیت و آزادی.

اوّلین نامِه قُرنتیانی سِه 15:1

اِی بِرارون، ولی اَلان خوامبه اِنجیلیِ که شِمه وِسه موعظه هاکاردِمه ره شِمه یاد بیارِم، هَمون اِنجیلی که قبول هاکاردینی و اونِ دِله قرص اِسّانی

اوّلین نامِه قُرنتیانی سِه 3:10

اون فیضی که خِدا مِ ره هِدائه هِمراه، ماهرِ معماری واری پی بَکِندیمه و یه نَفِر دییه اون پیِ سَر، ساختمون سازِنه. هر کی وِنه مِواظب بوئه که چی طی سازِنه.

اوّلین نامِه قُرنتیانی سِه 3:6

مِن تیمِ دَکاشتِمه و آپولُس اونِ اوه هِدا، ولی خِدا بییه که اونِ سبز هاکارده.

اوّلین نامِه قُرنتیانی سِه 3:8

اونی که کارِنه و اونی که اوه دِنه، هر دِتا یِتا هَسِنه و هر کِدوم شه زَحمِت بَکِشیِ اِندا، پاداش گِرنِنه.

اوّلین نامِه قُرنتیانی سِه 9:12

اگه بَقیه حَق دارنِنه این طی چیا ره شِمه جِم بِخوائِن، مگه اِما ویشتر حَق نِدارمی؟ با این وجود اِما این حَقِ جِم اِستفاده نَکاردیمی، بلکه هر چی ره تَن هِدامی تا مَسیحِ اِنجیلِ راهِ سَر یِتا مانع نییِشته بوئیم.

اوّلین نامِه قُرنتیانی سِه 9:14

همین طی هم، خِداوند حِکم هاکارده که اونایی که اِنجیلِ اِعلام کاندِنه وِنه شه روزی ره اِنجیلِ جِم بَیرِن.

اوّلین نامِه قُرنتیانی سِه 9:16

چوون اگه مِن دَره اِنجیلِ موعظه کامبه این حَقِّ مِ ره نِدا که اِفتخار هاکانِم، چوون مِ وظیفه ئه که این خِدمِتِ اِنجام هادِم؛ وای بر مِن اگه این اِنجیلِ موعظه نَکِنِم!

اوّلین نامِه قُرنتیانی سِه 9:18

پَس مِ پاداش چیِ؟ اینکه اِنجیلِ مجانی موعظه هاکانِم و اون حَقِّ حقوقی که اونِ جِم دارمه ره اِستفاده نَکِنِم.

اوّلین نامِه قُرنتیانی سِه 9:23

مِن همه اینا ره اِنجیلِ خاطِری کامبه، تا بلکه وه بَرکَت هائه دِله سَهمی دارِم.

دوّمین نامه قرنتیانِ وَسین 4:5

چوون اِما شه ره موعظه نَکامبی، بلکه اِعلام کامبی که عیسی مَسیح خِداوندِ، و شه جِم فِقَط عیسیِ خاطِری و اون هم فِقَط شِمه نوکرونِ واری گَب زَمبی.

غَلاطیان 3:24

پَس تا مووقه ای که مَسیح بِیّه، شَریعت اَمه سرپرس بَییه و ایمونِ هِمراه صالح بِشمارِسه بَیمی.

غَلاطیان 3:25

ولی اِسا که ایمون بَییَمو، دییه اون سرپرسِ دَسِ بِن دَنیمی.

غَلاطیان 4:19

مِ عزیزِ وَچون، که اَی هم شِمه وِسه بِزائنِ دَردِ دارمه تا اون مووقه که مَسیح شِمه دِله شکل بَیره،

دوم تیموتائوس 4:3

چوون مووقه ای رِسِنه که مَردِم دِرِسِ تعلیمِ تِحَمّل نَکاندِنه، بلکه مَلِّمونی ره شه دورِ وَر جَمع کاندِنه تا اونچیِ بِشنُئِن که وِشونِ گوش دوس دارنه بِشنُئه، و وِشونِ هِوا و هوسِ هِمراه جور دَر اِنه؛

تیتوس 1:4

تیتوس وِسه، که طبقِ ایمونی که اِما همهِ نَصیب بَییه، مِ حَییقی وچه ئه: فِیض و صِلح و سِلامتی خِدائه پییِرِ و اَمه نِجات​دهنده مَسیحِ عیسیِ طَرِف جِم تِ وِسه بِیّه.

فیلیمون 1:19

مِن، پولُس، شه ‌دَسِ هِمراه نِویسِمبه: که اونِ تلافی کامبه - البته لازم نَویمبه بارِم که تِ، شه جانِ هَم مِ مَدیونی.

یعقوبِ نامه 1:18

وه شه اِراده هِمراه اِما ره حَییقَتِ کِلامِ هِمراه به وجود بیارده تا اِما وه مخلوقاتِ نوبرِ بوئیم.

اول پِطرُس 1:23

چوون شِما اَت کَش دییه دِنیا بییَمونی، نا اون تخمِ جِم که از بین شونه بلکه اون تخمی جِم که از بین نشونه، یعنی خِدائه کِلام طریق که زنده ئه و تااَبد به جا موندِنه.