اوّلین نامِه قُرنتیانی سِه 4:11 - کتاب مقدس به زبان مازندرانی - گویش شرقی

¹¹ اِما تا اَلانِم وِشنا و تِشنامی، و فقیرونِ لِواسِ دَپوشیمی. کُتِک بَخوردیمی و آواره‌ بَیمی.

گیله ماز

¹¹ اَما تا اَلانَم وَشنا و تَشناییم، و فَقیرانِ لِواس دَکوردیم. کُتک بُخاردیم و آواره هَبِیم.

کتاب مقدس به زبان مازندرانی - گویش غربی

¹¹ اَما تا اَلَن هَم، وَشنی و تَشنیمی، و فقیرِنی لیواسِ دَکِردمی. کِتک بَخاردمی و آوارِه بَوِمی.

اوّلین نامِه قُرنتیانی سِه 4:11 Iomraidhean Croise

اِنجیلِ مَتّی 8:20

عیسی وه جِواب بااوته: «شالا شه وِسه کِلی و پَرِنده ها شه وِسه لونه دارنِنه، ولی اِنسانِ ریکا هیچ جا ره نِدارنه شه سَرِ بییِلّه.»

اعمال رَسولان 14:19

ولی یَهودیونی، اَنطاکیه و قونیهِ شهرائه جِم بییَمونه و مَردِمِ شه هِمراه همدَس هاکاردِنه، پولُسِ سَنگسار هاکاردِنه و این گَمونِ هِمراه که بَمِرده، وه ره شَهرِ جِم بیرون بَوِردِنه.

اعمال رَسولان 16:23

وَختی وِشونِ یَته خَله چُو بَزونه، وِشونِ زِندونِ دِله دِم هِدانه و زندونبونِ دَستور هِدانه خَله وِشونِ مواظب بوئه.

اعمال رَسولان 23:2

وَختی اینِ بااوته، کاهِن اَعظِم، حَنانیا، اونایی که پولُسِ پَلی اِیست هاکارده بینه ره دَستور هِدا تا وه تِکِ سَر بَزِنن.

رومی ایشون 8:35

کیِ که اِما ره مَسیحِ مِحبّتِ جِم سیوا هاکانه؟ مصیبت یا پریشونی، آزار اَذیّت، قَحطی، لِختی، خَطِر یا شمشیر؟

اوّلین نامِه قُرنتیانی سِه 9:4

مگه حَق نِدارمی بَخُریم و بَنوشیم؟

دوّمین نامه قرنتیانِ وَسین 11:20

چوون که اگه یه نَفِر شِما ره شه نوکِر هاکانه، یا شِما ره بِبلعه یا شِمه جِم سوءاستفاده هاکانه، یا شِما ره شه جِم سَرتر بَدونه، یا شِمه دیمِ چک بَزِنه، تِحَمُّل کاندینی.

دوّمین نامه قرنتیانِ وَسین 4:8

اِما هر طَرِفِ جِم سَختیِ دِله دَرِمبی، ولی نِشکِسیمی؛ بِهت کامبی، ولی نا امید نیمی؛

فیلیپیان 4:12

مِن هم دومبه محتاج بَیِّن چی طیِ و هم دومبه فِراوونِ نعمتِ دِله زندگی هاکاردِن چی طیِ. هر وضع و حالِ دِله، زندگیِ رازِ، سیری، وِشنایی، احتیاج و محتاج بییَنِ یاد بَییتِمه.

دوم تیموتائوس 3:11

و اون رَنج و آزار اذیّتی که اَنطاکیه، قونیه و لِستْرهِ شهرهائه دِله مِ سَر بییَمو و اون رَنج و آزار اذیّتیِ که طاقت بیاردِمه، ولی خِداوند تِمومِ این چیائه جِم نِجات هِدا.