اوّلین نامِه قُرنتیانی سِه 3:9 - کتاب مقدس به زبان مازندرانی - گویش شرقی

⁹ چوون اِما فِقَط خِدائه همکارونیمی. شِما خِدائه کِشت و کارِ زِمین و خِدائه ساختمونِنی.

گیله ماز

⁹ چون اَما فقط خُدایِ همکارانیم، و شُما خُدایِ کشت و کارِ زَمین و خُدایِ ساختِمانانین.

کتاب مقدس به زبان مازندرانی - گویش غربی

⁹ چون اَما فقط خِدایی همکارِنِمی. شِما خِدایی کِشت و کاری زمی و خِدایی ساختِمونِنی.

اوّلین نامِه قُرنتیانی سِه 3:9 Iomraidhean Croise

اِنجیلِ مَتّی 15:13

عیسی جِواب هِدا: «هر نَهالی كه مِ آسِمونی پییِر، نَکاشته بوئه، بِنِهِ جِم بَکِندی بونه.

اِنجیلِ مَتّی 16:18

و تِ ره گامبه تِ پِطرس هَسی یَعنی صخره و مِن، این صخره سَر شه کلیسا ره بَنا کامبه، و هیچ وَخت جَهَنِمِ قِدرَت نَتونده وه ره اَز بین بَوِره.

اِنجیلِ مَتّی 9:37

پَس شه شاگِردونِ بااوته: «مَحصول زیادِ و كارگَر کَمِ.

مَرقُس 16:20

شاگِردون هم بیرون بُوردِنه و همه جا تَعلیم دانه، خِداوند وِشونِ هِمراه کار کارده و شه کِلامِ اون نشونه و معجِزاتِ هِمراه که شاگِردون اِنجام دانه، ثابت کارده.

اعمال رَسولان 4:11

«‌”این عیسی هَمون سَنگیِ که شِما بَنّاها اونِ دِم هِدانی و اِسا بنائه اصلی ترین سَنگ بَییه.“

اوّلین نامِه قُرنتیانی سِه 3:16

مگه نَدوندِنی که خِدائه مَعبِدِنی و خِدائه روح شِمه دِله دَره؟

اوّلین نامِه قُرنتیانی سِه 3:6

مِن تیمِ دَکاشتِمه و آپولُس اونِ اوه هِدا، ولی خِدا بییه که اونِ سبز هاکارده.

اوّلین نامِه قُرنتیانی سِه 6:19

مگه نَدوندِنی که شِمه تَن روح‌القُدُسِ مَعبِدِ که شِمه دِله دَره و اونِ خِدائه جِم بَییتینی؟ شِما دییه شه وِسه نینی.

دوّمین نامه قرنتیانِ وَسین 6:1

پَس اون چیِ دِله که خِدائه هِمراه همکاریمی، شِمه جِم خواهش دارمی که خِدائه فیضِ اَلِکی نَییت بوئین.

دوّمین نامه قرنتیانِ وَسین 6:16

و خِدائه معبد، بِتهائه هِمراه چه سازشی دارنه؟ چوون اِما زند‌ه خِدائه مَعبِدیمی. هَمون طی که خِدا تورات و پِیغَمبِرونِ کِتابِ دِله گانه: «مِن وِشونِ میون منزل کامبه و وِشون میون، راه شومبه، و مِن وِشونِ خِدا بومبه و وِشون مِ قوم بونِنه.»

اِفِسُسیان 2:10

چوون اِما خِدائه دَسِ کاریمی، و مَسیحْ عیسیِ دِله خَلق بَیمی تا خوارِ کارا هاکانیم، اون کارایی که خِدا قبلتر آماده هاکارده تا اونائه دِله قَدِم بییِلیم.

کولُسیان 2:7

وه دِله بِنه دَوِندین و رشد هاکانین، و ایمونِ دِله پابرجا بوئین و هَمون‌ طی که یاد بَییتینی، شِکر هاکاردِنِ جِم پِر بوئین.

اول تیموتائوس 3:15

تا اگه مِ بییَموئِن عَقِب دَکِته، بَدونی که خِدائه خانوادهِ میون که زِنده خِدائه کلیسا و حَییقَتِ سِتون و پِی هَسه، چی طی وِنه رِفتار هاکارد.

نامِه مَسیحینی عبرانی نِژادی سِه 3:6

ولی مَسیح، یِتا ریکائه واری خِدائه سِره سَر وِفادارِ، و اِما وه سِره هَسیمی، اگه راس راسی شه اِطمینان و افتخارِ شه امیدِ دِله قایم داریم.

اول پِطرُس 2:5

شه شِما هم زنده سنگائه وارینی، که یِتا روحانی عمارت شِمه جِم بِساته بونه تا مِقدَّسِ کاهنونِ واری بوئین تا عیسی مَسیحِ طَریقِ جِم، روحانی قِروونی ها که خِدا اونا ره قبول کانده، پیشکش هاکانین

سوّم یوحنا 1:8

پَس اِما وِنه این طی آدِمونِ واری ره کَمِک هاکانیم تا بَتونیم وِشونِ هِمراه، حَییقتِ وِسه هَمکار بوئیم.