اوّلین نامِه قُرنتیانی سِه 3:19 - کتاب مقدس به زبان مازندرانی - گویش شرقی

¹⁹ چوون این دِنیائه حِکمت خِدائه نَظِر نادونیه. هَمون طی که اَیّوبِ کِتابِ دِله بَنوِشته بَییه: «حَکیمِ آدِمونِ، شه وِشونِ حیلهِ هِمراه گرفتار کانده.»

گیله ماز

¹⁹ چون این دُنیایِ حکمت خُدایِ نظر نادانیه. هَمونجور که ایوب کِتابِ دِلِه بَنوِیشتِه هَبا: «حَکیم آدمان رِه خودِشان حیلِه هَمرَه گرفتار کانه.»

کتاب مقدس به زبان مازندرانی - گویش غربی

¹⁹ چون هَین دِنیایی حکمت خِدایی نظر نادونیِه. هَمونجور گه ایوبی کیتابی دِلِه بَنوِشت بَوِه: «حکیمِ آدمنِ، شِه وِشونی حیله ای هَمرا، گِرِفتار کِنِّه.»

اوّلین نامِه قُرنتیانی سِه 3:19 Iomraidhean Croise

اوّلین نامِه قُرنتیانی سِه 2:6

با این وجود، اِما گَتِ آدِمونِ میون حِکمتِ گامبی، هَر چَن نا حکمتی که این زِمونه جِم بوئه یا اونایی که این زِمونهِ حاکِمِنه جِم هَسِنه، که بَمردَنِ محکومِنه،

اوّلین نامِه قُرنتیانی سِه 4:6

ای بِرارون، مِن همهِ این چیا ره شه خَوِری و آپولُسِ خَوِری شِمه خیر و صِلاحِ وِسه بااوتِمه تا شِما این گَب هائه مَعنی ره اَمه جِم یاد بَیرین که، اونچیِ جِم که بَنوِشته بَییه، جلوتر نَشوئین. تا هیچ کِدوم از شِما، یه نَفِرِ دییهِ روب رو فَخر نَکِنه.

اِفِسُسیان 4:14

پَس دییه کچیکِ وَچونِ واری نَبومبی که موج هائه هِمراه هر طَرِف پرتاب بَوویم و جورواجورِ تعالیم و آدِمونِ دوز و کَلِکِ وا، اون نخشه‌هایی دِله که گمراهیِ وِسه کَشِنِنه، اِما ره این‌ طَرِفِ و اون طَرِف بَوِره.

یعقوبِ نامه 3:15

این طی حِکمتی آسِمونِ جِم نِننه، بلکه زِمینی و نفسانی و شیطانیِ.