اوّلین نامِه قُرنتیانی سِه 2:15 - کتاب مقدس به زبان مازندرانی - گویش شرقی

¹⁵ آدِمی که خِدائه روحِ دارنه همه چیِ خَوِری داوِری کانده، ولی هیچ‌کی نَتونده وه خَوِری داوِری هاکانه.

گیله ماز

¹⁵ آدَمی که خدای روح رِه داره هَمِه چیزهِ بارِه داوری کانه، ولی هیچکی نَتَّنِه اونه بارِه داوری هَکونه.

کتاب مقدس به زبان مازندرانی - گویش غربی

¹⁵ آدَمی گه خِدایی روحِ دارنِه هَمه چی ای خَوَری داوری کِنِّه، ولی هیچکی نَتِنِّه وی خَوَری داوری هاکِنِه.

اوّلین نامِه قُرنتیانی سِه 2:15 Iomraidhean Croise

اِنجیلِ یوحنا 7:17

اگه کِسی بِخوائه خِدائه خواسه ره اِنجام هاده، فَهمِنه که این تعالیم خِدائه جِم هَسه یا مِن شه جِم گامبه.

اعمال رَسولان 16:3

پولُس چوون خواسه وه سَفِرِ دِله وه ره هِمراهی هاکانه، یَهودیونِ خاطِری که اون مَنطقهِ دِله زندگی کاردِنه، وه ره خَتِنه هاکارده، چوون همه دونِسِنه وه پییِر یونانیه.

اوّلین نامِه قُرنتیانی سِه 14:37

اگه یه نَفِر شه ره پِیغَمبِر یا آدِمی که خِدائه روحِ دارنه، دونده، وه وِنه تایید هاکانه که اونچی شِمه وِسه نِویسِمبه، یِتا حِکم، خِداوندِ جِم هَسه.

اوّلین نامِه قُرنتیانی سِه 3:1

اِی بِرارون ولی مِن، نَتونِسِمه کِسایی واری که خِدائه روح، وِشونِ دِله دَره گَب بَزِنِم، بلکه کِسایی واری که هِوا و هوِسِ دِله دَرِنه گَب زَمبه، یعنی کِسایی واری که مَسیحِ دِله، کِچیکِ وَچه نه.

اوّلین نامِه قُرنتیانی سِه 4:5

پَس هیچیِ خَوِری قبل از وه مووقه قِضاوِت نَکِنین، تا اینکه خِداوند بِیّه. وه اونچی ره که اَلان تاریکیِ دِله جا هِدا هسه ره روشناییِ دِله دیار کانده و دِل هائه نیّتها ره بَر مِلا کانده. بعد هر کی شه تَعریف و تَمجیدِ خِدائه جِم گِرنه.

غَلاطیان 6:1

ای بِرارون، اگه یه نَفِر یِتا خِطا هاکانه، شِما که خِدائه روحِ دارنِنی وِنه مِلایمِ روحِ هِمراه وه ره راسِ راهِ سَمت بَردِگاردِنین. با این وجود، تِ حِواس شه ره بوئه که وَسوسهِ دِله نَکِفی.

فیلیپیان 1:10

تا بَتونین اونچی که بِهترینِ ره قبول هاکانین و مَسیحِ روزِ دِله، پاک و بی‌عیب بوئین

کولُسیان 1:9

اینِ وِسه، اِما هم اون روزِ جِم که اینِ بِشنُسیمی، شِمه دِعا هاکاردِنِ جِم دَس نَکِشیمی، خِدائه جِم خوامبی که شِما، وه ارادهِ بِشناسییِنِ هِمراه، هر حِکمَت و روحانی فَهمِ دِله پِر بَووین؛

اوّل تِسالونیکیان 5:21

بلکه همه چی ره آزمود هاکانین؛ اونچیِ که خوارِ ره قایم بَچِسبین.

نامِه مَسیحینی عبرانی نِژادی سِه 5:14

ولی سنگینِ غِذا گَتِ آدِمونِ وِسه ئه، وِشونی وِسه که شه قِوهِ تشخیصِ خَله تمرینِ هِمراه، جوری تربیت هاکاردِنه که بَتونِن بَد و خوارِ تشخیص هادِن.

اوّل یوحنا 2:20

ولی شِما اون قُدّوسِ طریق مَسح بَینی و شِما همه، همه چی ره دوندِنی.

اوّل یوحنا 4:1

ای عزیزون، هر روحی ره باوِر نَکِنین، بلکه روح ها ره آزمود هاکانین که خِدا جِم هَسِنه یا نا. چوون دِنیائه دِله خَله دِراغی پِیغَمبِرون دَرِنه.