اوّلین نامِه قُرنتیانی سِه 16:6 - کتاب مقدس به زبان مازندرانی - گویش شرقی

⁶ شاید یه مِدّت شِمه پَلی بَمونِم، و یا حَتّی زِمسونِ شِمه هِمراه دَووم، تا هر کِجه که شومبه، مِ ره مِ سَفِر دِله کُمِک هاکانین.

گیله ماز

⁶ شاید یه مدت شِیمی وَرجه بمانَم، و یا حتی تمام زِمِسّان شِیمی هَمرَه دَبوم، تا هر کوجه که شونَم مَرِه می سفَرِه دِلِه کُمک هَکُنید.

کتاب مقدس به زبان مازندرانی - گویش غربی

⁶ شاید یَه مِدّت شِمِه وَر بَمونِّم، و یا حتّی زِمِسِنِه شِمِه هَمرا دَووم، تا هر کِجِه گه شومِه مِنِه می سَفری دِلِه کِمک هاکِنین.

اوّلین نامِه قُرنتیانی سِه 16:6 Iomraidhean Croise

اعمال رَسولان 15:3

پَس کلیسا وِشونِ راهی هاکارده؛ وِشون وَختی دَینه فینیقیه و سامِرهِ جِم رَد بونِسِنه، اینِ خَوِری که چی طی غیرِ یَهودیون ایمون بیاردِنه، گَب بَزونه و تِمومِ بِرارون این خَوِرِ جِم خَله خِشالی هاکاردِنه.

اعمال رَسولان 17:15

اونایی که پولُسِ همراهی کاردِنه، وه ره تا آتِن بیاردِنه. بعد از اینکه پولُسِ جِم سیلاس و تیموتائوسِ وِسه دستور بَییتِنه که هر‌ چی تِندتر پولُسِ مِلحق بَووِن، اونجه جِم بوردِنه.

اعمال رَسولان 20:38

اونچی همه چیِ جِم ویشتر وِشونِ نارِحَت کارده، پولُسِ این گَب بییه که بااوته «دییه مِ ره نَویندِنی.» بعد تا کَشتیِ پَلی وه ره بَدرقه هاکاردِنه.

اعمال رَسولان 21:5

وَختی اَمه بَمونِسِنِ فرصت تِموم بَییه، سَفِرِ وِسه راهی بَیمی. تِمومِ شاگِردون شه زَن ها و وَچونِ هِمراه تا شَهرِ بیرون اِما ره بَدرقه هاکاردِنه. اونجه دریالو زانو بَزومی و دِعا هاکاردیمی.

اعمال رَسولان 27:12

چوون اون بندر زِمسونِ سَر هاکاردِنِ وِسه خوار نَییه، اینِ خاطِری، ویشترِ اون آدِمون تَصمیم بَییتِنه که شه سَفِرِ ادامه هادیم، این امیدِ هِمراه که فینیکسِ بندِرِ بَرِسیم و زمسونِ اونجه سَر هاکانیم. این بندر کْرِتِ دِله بییه و وه دیم هم جِنوب غربی و هم شِمال غربیِ سَمت بییه.

اعمال رَسولان 28:11

بَعد از سه ماه، اون کَشتیِ هِمراه‌ که زِمسونِ جزیرهِ دِله بَمونِسه بییه، دریائه سمت راهی بَیمی. اون کَشتی اسکندریهِ جِم بییه و دِقِلو خِدایونِ نِشونه ره داشته.

رومی ایشون 15:24

امید دارمه که وَختی دَره اسپانیا شومبه، شه راهِ سَر شِما ره بَوینِم تا بَعدِ از اون که اَت کم شِما ره بَدیمه، مِ ره اونجه ئه سَفِرِ دِله، کُمِک هاکانین.

اوّلین نامِه قُرنتیانی سِه 16:11

پَس کِسی وه ره کِچیک نِشماره. وه ره ‌سِلامتیِ هِمراه سَفِرِ وِسه راهی هاکانین تا مِ پَلی بَردَگِرده؛ چوون مِن و بِرارون وه منتظِریمی.

دوّمین نامه قرنتیانِ وَسین 1:16

مِن خواسِمه که شه راهِ سَر به مقدونیه شِما ره بَوینِم و مقدونیهِ جِم اَی هم شِمه پَلی بَردَگِردِم تا مِ ره یَهودیهِ مَنطقه راهی هاکانین.

تیتوس 3:12

وَختی آرتِماس یا تیخیکوسِ تِ پَلی بَفرِسِم، تا توندی تقلّا هاکان تا نیکوپولیسِ شَهر مِ پَلی بِئی، چوون تَصمیم بَییتِمه زمسونِ اونجه ‌سَر هاکانِم.