اوّلین نامِه قُرنتیانی سِه 14:31 - کتاب مقدس به زبان مازندرانی - گویش شرقی

³¹ چوون هَمه توندِنی نوبتی نَبِوَّت هاکانین تا هَمه تَعلیم بَیرِن و هَمه تَشویق بَووِن.

گیله ماز

³¹ چون هَمِه تانید نوبَتی نبوّت هَکُنید تا هَمِه تعلیم هَگیرَن و هَمِه تَشویق هَبون.

کتاب مقدس به زبان مازندرانی - گویش غربی

³¹ چون هَمه بَتِنِّنی نوبَتی نَبِوّت هاکِنین تا هَمه تعلیم بَیرِن و هَمه تَشویق بَوون.

اوّلین نامِه قُرنتیانی سِه 14:31 Iomraidhean Croise

رومی ایشون 1:12

یعنی تا اِما هَمدییهِ ایمونِ هِمراه دِلگرم بَوویم، هم مِن و هم شِما.

اوّلین نامِه قُرنتیانی سِه 14:19

با این وجود، اینِ دومبه کلیسائه دِله پَنج تا کَلِمه شه عَقلِ هِمراه گَب بَزِنِم تا بَقیه ره تَعلیم هِدا بوئِم، اینِ جِم بهترِ که هزارون کَلِمه، دییه زِوون هائه هِمراه گَب بَزِنِم.

اوّلین نامِه قُرنتیانی سِه 14:3

ولی اونی که نَبِوَّت کانده، آدِمونِ هِمراه گَب زَنده، تا وِشونِ ایمونِ تَقویت و تَشویق هاکانه و اونا ره دِلداری هاده.

اوّلین نامِه قُرنتیانی سِه 14:30

و اگه یه نَفِر دییه که اونجه نیشته یِتا مکاشفه‌ بَیره، اَوِّلین نَفِر وِنه ساکت بَووه.

اوّلین نامِه قُرنتیانی سِه 14:32

اَنبیاء روح، اَنبیاءِ جِم اِطاعت کانده.

اوّلین نامِه قُرنتیانی سِه 14:35

اگه یه چی دَره که خوانِنه یاد بَیرِن، سِره دِله شه مَردیِ جِم بَپِرسِن؛ چوون کلیسائه دِله گَب بَزوئِن، زِنائه وِسه عیبِ.

دوّمین نامه قرنتیانِ وَسین 1:4

اون خِدا که اِما ره تِمومِ اَمه مصیبت هائه دِله تسلّی دِنه، تا اِما هم بَتونیم اونایی که مصیبتِ دِله دَرِنه ره اون تسلّی ای که وه جِم بَییتیمیِ هِمراه تسلّی هادیم.

اِفِسُسیان 6:22

مِن وه ره این منظورِ وِسه شِمه پَلی راهی هاکاردِمه تا اَمه حالِ روزِ جِم خَوِردار بَووین و تا وه، شِما ره دِلگرم هاکانه.

کولُسیان 2:2

تا دلگرم بَووین، هَمون طی که مِحبَّتِ دِله هَمدییهِ هِمراه متحد هَسِنی، و اون اطمینانِ کامل و بی حدِّ حِساب پِر بوئِنِ که فَهمِ جِم به دَس اِنه سود بَوِرین و این راهِ جِم، خِدائه راز، یعنی مَسیحِ بِشناسین،

اوّل تِسالونیکیان 4:18

پَس این گَب هائه هِمراه، هَمدییه ره تَشویق هاکانین.

اوّل تِسالونیکیان 5:11

پَس هَمدییه ره تَشویق هاکانین و ایمونِ دِله تقویت هاکانین، هَمون طی که اَلان هم کاندینی.

اوّل تِسالونیکیان 5:14

ای بِرارون، شِمه جِم خواهش کامبی که تنبلِ آدِمونِ نَصیحت هاکانین؛ ترسو آدِمونِ تَشویق هاکانین؛ ضعیفِ آدِمونِ کُمِک هاکانین؛ و همهِ هِمراه صبور بوئین.

اوّل تِسالونیکیان 5:20

نبوّتها ره کِچیک نِشمارین.