اوّلین نامِه قُرنتیانی سِه 14:27 - کتاب مقدس به زبان مازندرانی - گویش شرقی

²⁷ اگه یه نَفِر دییه زِوونِ هِمراه گَب بَزِنه، بییِلین فِقَط دِ نَفِر یا نهایتاً سه نَفِر، اونِم نوبِتی گَب بَزِنِن و یه نَفِر هم ترجمه هاکانه.

گیله ماز

²⁷ اَگِه یِنَفَر دیگر زبانِ هَمرَه گَب بَزِنِه، بَنین فقط دونفر یا نهایتاً سِه نَفر، اونَم نوبتی گَب بَزَنَن و یِنَفر هم ترجمِه هَکونه.

کتاب مقدس به زبان مازندرانی - گویش غربی

²⁷ اگه ینفر دییَر زِوونی هَمرا گَب بَزِنِه، بِلین فقط دِ نفر یا نهایتاً سِه نَفر اونَم نوبتی گَب بَزِنِن و یَنَفر هَم ترجمِه هاکِنِه.

اوّلین نامِه قُرنتیانی سِه 14:27 Iomraidhean Croise

اوّلین نامِه قُرنتیانی سِه 12:10

یه نَفِرِ مُعجزاتِ اِنجام هِدائِنِ قِدرَت هِدا بونه و یه نَفِرِ دییه ره نَبِوَّت، و یه نَفرِ روح هائه تشخیص هِدائِنِ قِدرَت هِدا بونه. یه نَفِرِ، جورواجورِ زِوون ها، گَب بَزوئِنِ وِسه هِدا بونه و یه نَفِرِ دییه ره جورواجورِ زِوون ها، ترجمه هاکاردِنِ وِسه هِدا بونه.

اوّلین نامِه قُرنتیانی سِه 14:13

اینِ وِسه، اونی که دییه زِوونِ هِمراه گَب زَنده وِنه دِعا هاکانه تا بَتونه شه گَبِ ترجمه هاکانه.

اوّلین نامِه قُرنتیانی سِه 14:2

چوون اون که دییه زِوونِ هِمراه گَب زَنده، نا آدِمونِ هِمراه بلکه خِدائه هِمراه گَب زَنده. چوون هیچکی وه گَبِ نِفَهمِنه؛ ولی اون آدِم خِدائه روحِ طَریق، رازها ره گانه.

اوّلین نامِه قُرنتیانی سِه 14:26

پَس ای بِرارون منظور چیه؟ وَختی که هَمدییه هِمراه جَمع بونِنی، هر کی حمد و ثِناءِ سرودی، تعلیمی، مکاشفه‌ای، زِوونی و یا ترجمه‌ای دارنه. بییِلین اینا همه ایمونِ تقویتِ وِسه به‌کار بوره.

اوّلین نامِه قُرنتیانی سِه 14:28

ولی اگه کِسی دنی بوئه ترجمه هاکانه، هر کِدوم از وِشون کلیسائه دِله ساکت بَمونِن و شه دلِ دِله و خِدائه هِمراه گَب بَزِنِن.

اوّلین نامِه قُرنتیانی سِه 14:5

اِسا مِن خوامبه که تِمومِ شِما دییه زِوونِ هِمراه گَب بَزِنین، ولی ویشتر خوامبه که نَبِوَّت هاکانین. اونی که نَبِوّت کانده، اونی که دییه زِوونِ هِمراه گَب زَندهِ جِم گَت تِرِ مگه اینکه یه نَفِر ترجمه هاکانه تا کلیسائه ایمون تَقویت بَووه.