اوّلین نامِه قُرنتیانی سِه 14:26 - کتاب مقدس به زبان مازندرانی - گویش شرقی

²⁶ پَس ای بِرارون منظور چیه؟ وَختی که هَمدییه هِمراه جَمع بونِنی، هر کی حمد و ثِناءِ سرودی، تعلیمی، مکاشفه‌ای، زِوونی و یا ترجمه‌ای دارنه. بییِلین اینا همه ایمونِ تقویتِ وِسه به‌کار بوره.

گیله ماز

²⁶ پَس اِی اَداشان، منظور چیِه؟ وختی که همدیگَرِ هَمرَه جَم بونید، هر کی حمد و ثنایی سرودی، تعلیمی، مکاشفه‌ایی، زِبانی و یا ترجمِه‌ایی دارِه. بَنین ایشان هَمِه یه ایمانِ تقویت وَسین بِکار بوشو.

کتاب مقدس به زبان مازندرانی - گویش غربی

²⁶ پَس اِی بِرارِن، منظور چیِه؟ وختی گه هی وَر جَم وونِنی، هر کی حمد و ثنایی سرودی، تعلیمی، مکاشفه‌ای، زِوونی و یا ترجمِه‌ای دارنِه. بِلین هَینِن هَمه ایمونی تقویتی سِه به‌کار بورِه.

اوّلین نامِه قُرنتیانی سِه 14:26 Iomraidhean Croise

رومی ایشون 1:13

ای بِرارون، نِخوامبه بی خَوِر بوئین که چَن کَش خواسِمه شِمه پَلی بِیِّم، ولی هر کَش یه چی پیش بییَمو. خوامبه که شِمه میون هم اَت کم محصول دِرو هاکانِم، هَمون طی که دییه غیر یَهودیونِ میون هاکاردِمه.

رومی ایشون 12:7

اگه خِدمِتِ، اَمه خِدمِت هاکاردِنِ دِله. اونی که تَعلیم دِنه، تَعلیم هاده.

رومی ایشون 14:19

پَس بئیین اونچیِ که صِلح و صفا و هَمدییهِ ایمونِ تَقویتِ باعث بونه ره، دِمبال هاکانیم.

رومی ایشون 15:2

هر کِدوم از اِما وِنه هر خوارِ چی ای که شه هَمسادهِ دِله وینده، همونِ خَوِری وه ره خِشال هاکانه، تا وه ایمونِ تَقویتِ باعث بَووه.

اوّلین نامِه قُرنتیانی سِه 14:15

پَس چی وِنه هاکانِم؟ شه روحِ هِمراه دِعا کامبه ولی شه عَقلِ هِمراه هم دِعا کامبه؛ شه روحِ هِمراه حَمد و ثناءِ سرودِ خوندِمبه ولی شه عَقلِ هِمراه هم حمد و ثناءِ سرودِ خوندِمبه.

اوّلین نامِه قُرنتیانی سِه 14:2

چوون اون که دییه زِوونِ هِمراه گَب زَنده، نا آدِمونِ هِمراه بلکه خِدائه هِمراه گَب زَنده. چوون هیچکی وه گَبِ نِفَهمِنه؛ ولی اون آدِم خِدائه روحِ طَریق، رازها ره گانه.

اوّلین نامِه قُرنتیانی سِه 14:27

اگه یه نَفِر دییه زِوونِ هِمراه گَب بَزِنه، بییِلین فِقَط دِ نَفِر یا نهایتاً سه نَفِر، اونِم نوبِتی گَب بَزِنِن و یه نَفِر هم ترجمه هاکانه.

اوّلین نامِه قُرنتیانی سِه 14:40

ولی همه چی وِنه دِرِس و به قاعده اِنجام بَووه.

دوّمین نامه قرنتیانِ وَسین 12:19

مگه تا اینجه این فِکرِ دِله دَئینی که تَقِلّا کامبی شِمه روب رو شه جِم دفاع هاکانیم؟ اِما خِدائه پَلی کِسایی واری گَب زَمبی که مَسیح دِله دَرِ‌نه، و هر اونچی کامبی، ای عزیزون، شِمه ایمونِ تقویتِ وِسه هَسه.

دوّمین نامه قرنتیانِ وَسین 13:10

همینِ وِسه، مِن این چیا ره وَختی شِمه پَلی دَنیمه شِمه وِسه نِویسِمبه تا وَختی شِمه پَلی بییَمومه، مجبور نَبوئِم شه اِقتدارِ جِم تِندیِ هِمراه رِفتار هاکانِم، اون اِقتداری که خِداوند نا خِراب هاکاردِنِ وِسه، بلکه بنا هاکاردِنِ وِسه مِ ره هِدا.

اِفِسُسیان 4:12

تا مِقدَّسینِ خدمِتِ کارِ وِسه، آماده هاکانِن، مَسیحِ تَنِ بنائه وِسه،

اِفِسُسیان 4:16

وه دِله ئه که تِمومِ تَن هر مَفصلِ هِمراه که اونِ ربط دارنه، چِفت و بَس بونه و چَسبِنه تا هر عضوی دِرِس کار هاکانه، تَن رشد کانده و شه ره مِحَبَّتِ دِله بَنا کانده.

اِفِسُسیان 4:29

شِمه دِهون بَدِ گَبِ وِسه واز نَووه، بلکه تِمومِ شِمه گَب ها بقیهِ بَنائه وِسه کار هاکانه و اِحتیاجی ره برآورده هاکانه، و اوناییِ که اِشنُنِنه ره فِیض بَرِسونه.

اِفِسُسیان 5:19

مَزامیر، پرسشی سرودها و آوازهایی هِمراه که خِدا روحِ جِم هَسه هَمدییهِ هِمراه گَب بَزِنین و تِمومِ دلِ جِم خِداوندِ وِسه بَخونین و آهنگ بَسازین.

اوّل تِسالونیکیان 5:11

پَس هَمدییه ره تَشویق هاکانین و ایمونِ دِله تقویت هاکانین، هَمون طی که اَلان هم کاندینی.