اوّلین نامِه قُرنتیانی سِه 14:20 - کتاب مقدس به زبان مازندرانی - گویش شرقی

²⁰ ای بِرارون، فکر هاکاردِنِ دِله وَچونِ واری نَبوئین. بلکه بَدی هاکاردِنِ دِله وَچونِ واری بوئین. ولی فکر هاکاردِنِ دِله گَتِ آدِم بوئین.

گیله ماز

²⁰ اِی اَداشان، فکر هَکُردَن دِلِه وَچِه هانِ مثان نَبین، بلکه بَدی هَکُردَن دِلِه وَچِه هانِ مثان هَبین. و فکر هَکُردَنِ دِلِه گَتِه آدم هَبین.

کتاب مقدس به زبان مازندرانی - گویش غربی

²⁰ اِی بِرارِن، فکر هاکِردنی دِلِه هِتی وَچیلِه ای تَرا نَووئین، بَلگی بَدی هاکِردَنی دِلِه هِتی وَچیله ای تَرا ووئین. ولی، فکر هاکِردنی دِلِه گَتِ آدم ووئین.

اوّلین نامِه قُرنتیانی سِه 14:20 Iomraidhean Croise

اِنجیلِ مَتّی 11:25

بعد عیسی شه گَبِ اِدامِه هِدا، بااوته: «اِی پییِر، اِی آسِمون و زِمینِ خِداوند، تِ ره شُکر گامبه كه این چیا ره عاقِلون و حَکیمونِ جِم قایم هاکاردی و کِچیکِ وَچونِ وِسه دیار بِساتی.

اِنجیلِ مَتّی 18:3

و بااوته: حَییقَتاً شِما ره گامبه، «تا عَوِض نَووین و کِچیکِ وَچِهِ واری نَووین، نَتوندِنی هیچ وَخت آسِمونِ پادشاهیِ دِله بُورین.

اِنجیلِ مَتّی 19:14

ولی عیسی بااوته: «بییِلین کِچیکِ وَچون، مِ پَلی بِیِّن، وِشونِ دَمِ نَیرین، چوون اونایی که این وَچونِ واری بوئِن توندِنه آسِمونِ پادشاهیِ دِله بِیِّن.

اِنجیلِ مَتّی 19:4

عیسی وِشونِ بااوته: «مَگِه نَخوندِسِنی، اونی که وِشونِ خَلق هاکارده اَز اَوِّل ”وِشونِ زِنا مَردی بِساته“،

مَرقُس 10:15

حَییقَتاً، شِما ره گامبه، هر کی خِدائه پادشاهی ره وچهِ واری قبول نَکِنه، هیچ وَخت اونِ دِله نَشونه.»

لوقا 18:17

حَییقَتاً، شِما ره گامبه، هر کی خِدائه پادشاهی ره وچه ای واری قبول نَکِنه، هیچ وَخت اونِ دِله نَشونه.»

رومی ایشون 1:13

ای بِرارون، نِخوامبه بی خَوِر بوئین که چَن کَش خواسِمه شِمه پَلی بِیِّم، ولی هر کَش یه چی پیش بییَمو. خوامبه که شِمه میون هم اَت کم محصول دِرو هاکانِم، هَمون طی که دییه غیر یَهودیونِ میون هاکاردِمه.

رومی ایشون 16:19

شِمه اطاعتِ آوازه، همهِ میون دَپیته؛ پَس، شِمه خاطِری خَله خِشالِمه. ولی شِمه جِم خوامبه اونچیِ عوض که خوارِ حکیم، و اونچیِ عَوِض که بَدِ، ساده بوئین.

اوّلین نامِه قُرنتیانی سِه 13:11

اون مووقه که یِتا کِچیک وَچه ویشتَر نَبیمه، کِچیکِ وَچونِ واری گَب زومه و کِچیک وَچونِ واری فِکر کاردِمه و کِچیکِ وَچونِ واری دلیل یاردِمه. وَختی گَتِ مَردی بَیمه، شه وَچه گونه رِفتارائه جِم دَس بَکِشیمه.

اوّلین نامِه قُرنتیانی سِه 14:19

با این وجود، اینِ دومبه کلیسائه دِله پَنج تا کَلِمه شه عَقلِ هِمراه گَب بَزِنِم تا بَقیه ره تَعلیم هِدا بوئِم، اینِ جِم بهترِ که هزارون کَلِمه، دییه زِوون هائه هِمراه گَب بَزِنِم.

اوّلین نامِه قُرنتیانی سِه 2:6

با این وجود، اِما گَتِ آدِمونِ میون حِکمتِ گامبی، هَر چَن نا حکمتی که این زِمونه جِم بوئه یا اونایی که این زِمونهِ حاکِمِنه جِم هَسِنه، که بَمردَنِ محکومِنه،

اِفِسُسیان 4:13

تا وَختی که اِما همه اَمه ایمون یِتا بوئه و اِما همهِ بِشناسیِن خِدائه ریکائه جِم یِتا بوئه تا این طی یِتا کاملِ آدِمِ قَد، گَت بَوویم تا مَسیحِ قامتِ پِریِ اِندا بَرِسیم.

فیلیپیان 1:9

مِ دعا اینِ که شِمه مِحَبَّت ویشتر و ویشتر بَووه و معرفت و فَهمِ کاملِ هِمراه بوئه،

فیلیپیان 3:15

اونایی که اَمه میون بالِغِنه، وِنه این طی فکر هاکانِن؛ و اگه هر چیِ دِله، یه جور دییه فکر کاندینی، خِدا شِمه وِسه اینِ هم دیار کانده.

اول پِطرُس 2:2

و چِلیکِ وَچونِ واری، روحانیِ پاکِ شیرِ ذوقِ دارین تا ‌ اونِ طریق نِجاتِ دِله رشد هاکانین،

پطرسی دِوّمین نامِه 3:18

بلکه اَمه خِداوند و نجات‌دهنده، عیسی مَسیحِ فِیض و بِشناسییِنِ دِله رشد هاکانین، که وه ره از اَلان تا اَبد جِلال بوئه! آمین.