اوّلین نامِه قُرنتیانی سِه 13:9 - کتاب مقدس به زبان مازندرانی - گویش شرقی

⁹ چوون اَمه مَعرفت کَمِ کسری دارنه و اَمه نَبِوّت هم کَمِ کَسری دارنه؛

گیله ماز

⁹ چون اَمیِ معرفت کَم و کاسّی داره و اَمی نبوَّت هم کَم و کاسّی داره

کتاب مقدس به زبان مازندرانی - گویش غربی

⁹ چون اَمِه معرفت کَم و کَسری دارنِه و اَمِه نَبِوّت هَم کَم و کَسری دارنِه؛

اوّلین نامِه قُرنتیانی سِه 13:9 Iomraidhean Croise

اِنجیلِ مَتّی 11:27

«مِ پییِر هَمِه چی ره مِ ره بِسپارِسه و هیچ کی به جِز پییِر، ریکا ره نِشناسِنه و هیچ کی پییِرِ نِشناسِنه، به جِز ریکا و اونایی که ریکا، بَخواد پییِرِ، وِشونِ بِشناسونه.

رومی ایشون 11:34

«چوون کیِ که خِداوَندِ فِکرِ دونِسه بوئه و یا کیِ که وه هِمراه مِشورت هاکارده؟»

اوّلین نامِه قُرنتیانی سِه 13:10

ولی وَختی کامل، بِیّه، کَمِ کَسری از بین شونه.

اوّلین نامِه قُرنتیانی سِه 13:12

چوون اونچی که اَلان ویمبه، آینهِ دلهِ تارِ عکسِ موندِنه؛ ولی مووقه ای رِسِنه که رو در رو ویمبی. اَلان مِ معرفت کَمِ کسری دارنه؛ ولی مووقه ای رِسِنه که کامل ویمبه، هَمون طی که خِدا مِ خَوِری همه چی ره کامل دونده.

اوّلین نامِه قُرنتیانی سِه 2:9

هَمون طی که اِشعیائه پِیغَمبِرِ کِتابِ دِله بَییَموئه: «اونچی ره که هیچ چِشی نَدیئه، هیچ گوشی نِشنُسه، و هیچ کَسِ فِکر نَرِسیه، خِدا شه دوسدارونِ وِسه فِراهم هاکارده.»

اوّلین نامِه قُرنتیانی سِه 8:2

اگه یه نَفِر گَمون کانده یه چی دونده، هَمتی اون چی که وِنه بَدونِ ره نَدونده.

اِفِسُسیان 3:8

هر چَن که مِن تِمومِ مِقَدَّسینِ میون همهِ جِم کَمتَرینِمه، این فِیض مِ ره هِدا بَییه تا مَسیحِ بی حدّ و حِسابِ گَنج ها ره غیرِیَهودیونِ اِعلام هاکانِم،

اوّل یوحنا 3:2

ای عزیزون، اِما اَلان خِدائه وَچونیمی، ولی هَمتی اونچی که قرارِ بَوویم دیار نَییه. ولی دومبی اون مووقه که وه ظهور هاکانه وه واری بومبی، چوون وه ره اون طی که هَسه ویمبی.