اوّلین نامِه قُرنتیانی سِه 13:8 - کتاب مقدس به زبان مازندرانی - گویش شرقی

⁸ مِحَبَّت هیچ وَخت تِموم نَوونه. ولی نَبِوّتها از بین شونه و زِوون ها تِموم بونِنه و معرفت از بین شونه.

گیله ماز

⁸ مُحبت هیچ وَخت تَمام نَبونه. وَلی نَبوَّتِشان از بِین شونِه و زبانها تَمام بونه و معرفت نیست بونه.

کتاب مقدس به زبان مازندرانی - گویش غربی

⁸ مِحبت هیچ وَخت تُوم نَوونِه. ولی نَبِوّتیشون از بِین شونِه و زِوونا تُوم وونِه و معرفت نیست وونِه.

اوّلین نامِه قُرنتیانی سِه 13:8 Iomraidhean Croise

لوقا 22:32

ولی مِن تِ وِسه دِعا هاکاردِمه تا تِ ایمون از بین نَشوئه. پَس وَختی که اَی بَردَگِردِسی، شه بِرارونِ قِوَّت هاده.»

اعمال رَسولان 13:1

اَنطاکیهِ کلیسائه دِله پِیغَمبِرون و مَلِّمون دَینه: بَرنابا، شَمعونِ مَعروف به نیجِر، لوکیوسِ قیرَوانی، مَنائِن که هیرودیسِ حاکمِ ناتَنی بِرار بییه و شائول.

اعمال رَسولان 19:6

و مووقه ای که پولُس، وِشونِ سَر دَس بییِشته، روح القدس‌ وِشونِ وِسه بییَمو و وِشون یِتا دییه زِوونِ هِمراه گَب بَزونه و نَبِوّت هاکاردِنه.

اعمال رَسولان 2:4

بعد همه روح‌القُدُسِ جِم پِر بَینه و هَمون طی که روح، وِشونِ گَب بَزوئِنِ قِوَّتِ دائه، دییه زِوون هائه هِمراه گَب بَزوئِنِ شِروع هاکاردِنه.

اوّلین نامِه قُرنتیانی سِه 12:10

یه نَفِرِ مُعجزاتِ اِنجام هِدائِنِ قِدرَت هِدا بونه و یه نَفِرِ دییه ره نَبِوَّت، و یه نَفرِ روح هائه تشخیص هِدائِنِ قِدرَت هِدا بونه. یه نَفِرِ، جورواجورِ زِوون ها، گَب بَزوئِنِ وِسه هِدا بونه و یه نَفِرِ دییه ره جورواجورِ زِوون ها، ترجمه هاکاردِنِ وِسه هِدا بونه.

اوّلین نامِه قُرنتیانی سِه 13:10

ولی وَختی کامل، بِیّه، کَمِ کَسری از بین شونه.

اوّلین نامِه قُرنتیانی سِه 13:13

پَس اِسا، این سه تا موندِنه: ایمون، امید و مِحَبَّت. ولی اینائه دِله ئه گَت تِرین، مِحبَّتِ.

اوّلین نامِه قُرنتیانی سِه 14:39

پَس اِی مِ بِرارون، تِمومِ غیرتِ هِمراه نَبِوَّت هاکاردِنِ دِمبال دَووین و دییه زِوون هائه گَب بَزوئِنِ دَمِ نَیرین.

اوّلین نامِه قُرنتیانی سِه 8:2

اگه یه نَفِر گَمون کانده یه چی دونده، هَمتی اون چی که وِنه بَدونِ ره نَدونده.

غَلاطیان 5:6

چوون مَسیحْ عیسیِ دِله نا خَتنه بَیّن مهمِّ نا ختنه‌ نَیِّن، بلکه مهم ایمونیِ که مِحبَّتِ طَریقِ جِم کار کانده.

نامِه مَسیحینی عبرانی نِژادی سِه 8:13

خِدا یِتا ’جَدیدِ‘ عَهدِ گَب بَزوئِنِ هِمراه، اون اَوِّلین عَهدِ بی اِعتبار کانده؛ و اونچی که ارزشِ جِم کَفِنه، کهنه بونه و آمادِئه که از بین بوره.