اوّلین نامِه قُرنتیانی سِه 13:3 - کتاب مقدس به زبان مازندرانی - گویش شرقی

³ اگه هر چی که دارمه ره صَدقه هادِم و شه تَنِ تَشِ اَلوکِ بسپارِم، ولی مِحَبَّت نِدارِم، هیچ سودی مِ عاید نوونه.

گیله ماز

³ اَگِه هر چی بِدارم رِه صدقه هَدَم و می تنِ تَشِ الو یه بِسپارَم، ولی مُحبَت نِدارَم، هیچ سودی می عاید نَبونه.

کتاب مقدس به زبان مازندرانی - گویش غربی

³ اگه هر چی گه دارمِه رِه صدقه هادَم و شی تنِ تَشی اَلوکی سِه بِسپارِم، ولی مِحبَت نارِم، هیچ سودی می عائید نَوونِه.

اوّلین نامِه قُرنتیانی سِه 13:3 Iomraidhean Croise

اِنجیلِ مَتّی 23:5

هَرکاری کاندِنه اینِ وِسه هَسه که مَردِم، وِشونِ بَوینِن: چوون وِشون شه آیه دونِ گَت تِر کاندِنه و شه بال و جَبینِ کَش وَندِنه و شه قَوائه بِنِ گِشادتَر گِرنِنه.

لوقا 18:22

عیسی وَختی اینِ بِشنُسه، بااوته: «هَمتی یه چی کم دارنی؛ تِمومِ اون چی دارنی ره بَروش و فقیرونِ میون رَسِد هاکان، که آسمونِ دِله گنج دارنی. بعد بِرو مِ ره پیروی هاکان.»

لوقا 18:28

پِطرُس بااوته: «هارِش اِما شه سِره و زندگیِ جِم دَس بَییتیمی و تِ ره پیرَوی هاکاردیمی!»

لوقا 19:8

ولی زََکّا شه جائه سَر بِلِند بَییه و عیسیِ خِداوندِ بااوته: ای آقا، اِسا نِصفِ شه اموالِ فَقیرونِ دِمبه، و اگه یه نَفِرِ جِم یه چی ناحق بَییته بوئِم، چهار بِرابر وه ره پَس دِمبه.»

اِنجیلِ یوحنا 12:43

چوون مَردِمِ تَعریف و تَمجیدِ، خِدائه تَعریف و تَمجیدِ جِم ویشتر دوس داشتنه.

اِنجیلِ یوحنا 13:37

پِطرُس بااوته: «آقا، چه اَلان نَتومبه تِ دِمبال بِیِّم؟ مِن شه جانِ تِ وِسه دِمبه.»

اِنجیلِ یوحنا 15:13

این مِحَبَّتِ جِم گَت تِر دَنیه که یه نَفِر شه جانِ شه رَفِقون وِسه هاده.

اِنجیلِ یوحنا 6:63

خِدائه روحِ که زنده کانده؛ تَن فایده‌ای نِدارنه. گَب هایی که مِن شِما ره بَزومه، روح و زندگیه.

اعمال رَسولان 21:13

ولی پولُس جِواب هِدا: «این چه کاریِ که کاندینی؟ چه شه بِرمهِ هِمراه مِ دلِ اِشکِنِنی؟ مِن حاضِرِمه عیسیِ خِداوندِ اسمِ خاطِری نا فِقَط زِندون بُورِم، بلکه اورشَلیمِ دِله بَمیرِم.»

غَلاطیان 5:26

بیخودی مَغرور نَبوئیم تا هَمدییه غیظِ بالا بیاریم و هَمدییه ره حَسودی نَکِنیم.

فیلیپیان 2:3

هیچ کاری ره خودخواهی و چِش و هم چِشیِ سَر نَکِنین، بلکه فروتنیِ هِمراه بَقیه ره شه جِم بِهتَر بَدونین.

اول تیموتائوس 4:8

چوون هر چَن تربیت هاکاردِن اَت کم تَنِ وِسه فایده‌ دارنه، ولی دینداری همه چیِ وِسه فایده دارنه، چوون هم این زندگی ره وَعده دِنه، هم زندگی ای که اِنه ره.

نامِه مَسیحینی عبرانی نِژادی سِه 13:9

جورواجور و عَجیب غریب تَعلیم هائه هِمراه گمراه نَووین؛ چوون این خوارِ که آدِمیِ دِل، فیضِ هِمراه قِوَّت بَیره، نا اون خِراکهائه هِمراه که وِشونی که اونائه دِمبال شونِنه، وِشونِ وِسه منفعتی نِدارنه .