اوّلین نامِه قُرنتیانی سِه 13:2 - کتاب مقدس به زبان مازندرانی - گویش شرقی

² اگه نَبِوّت هاکاردِنِ قِدرَتِ دارِم و بَتونِم تِمومِ رازها و مَعرفتِ بِفَهمِم، و اگه اون طی ایمونی دارِم که کامل بوئه، جوری که بَتونِم کوهها ره جا‌به‌جا هاکانِم، ولی مِحَبَّت نِدارِم، هیچِمه.

گیله ماز

² اَگِه نَبوَّت هَکوردَنِ قُدرَتِ بِدارِم و بِتَّنَم تمام رازها و معرفت رِه بِفَهمَم، و اَگِه اینجور ایمانی بِدارِم که کامل هَبو جوریکه بِتَّنَم کوهِشان رِه جا‌به‌جا هَکُنَم، وَلی مُحبت نِدارَم، هیچَم.

کتاب مقدس به زبان مازندرانی - گویش غربی

² اگه نَبِوّت هاکردنی قِدرَتِ دارِم و بَتِنَّم دِشتِه رازا و معرفتِ بِفَهمِم، و اگه هَینجور ایمونی دارِم گه کامِل ووئه جوریگه بَتِنَّم کوهیشونِ جا‌به‌جا هاکِنِم، ولی مِحبت نارِم، هیچمِه.

اوّلین نامِه قُرنتیانی سِه 13:2 Iomraidhean Croise

اِنجیلِ مَتّی 13:11

عیسی جِواب هِدا: « آسِمونِ پادشاهیِ رازِ بِفَهمِسِن، شِما ره هِدا بَییه، ولی وِشونِ هِدا نَییه .

اِنجیلِ مَتّی 17:20

عیسی بااوته: «چوون شِمه ایمون کَمِه! حَییقَتِن شِما ره گامبه، اَگه یِتا خَردِلِ تیمِ اِندا ایمون دارین، توندِنی این كوه ره بارین که از اینجه به اونجه جابِجا بَووه و جابِجا بونه و هیچ کاری شِمه وِسه مَحال نییه. [

اِنجیلِ مَتّی 21:19

جادهِ پَلی یِتا اَنجیلِ دار بَدیئه وه سَمت بُورده تا وه جِم اَنجیل بَچینه. ولی به جِز وَرگ هیچی اون دارِ سَر دَنی بییه. پَس اون دارِ بااوته: «دییه هیچ وَخت تِ جِم مَحصول به بار نَییه» اون دار دَرجا خِشک بَییه.

اِنجیلِ مَتّی 21:21

عیسی وِشونِ بااوته :«حَییقَتِن شِما ره گامبه اَگه ایمون دارین و شَک نَکِنین، نا فِقَط این کار، بلکه این کارِ جِم گَت تِرم توندِنی هاکانین. حَتّی توندِنی این کوهِ دَستور هادین شه جائه سَر بَکِندی بَووه و دریائه دِله دَکِفه و این طی بونه.

اعمال رَسولان 13:1

اَنطاکیهِ کلیسائه دِله پِیغَمبِرون و مَلِّمون دَینه: بَرنابا، شَمعونِ مَعروف به نیجِر، لوکیوسِ قیرَوانی، مَنائِن که هیرودیسِ حاکمِ ناتَنی بِرار بییه و شائول.

رومی ایشون 11:25

ای بِرارون، نِخوامبه این رازِ جِم بی خَوِر بوئین- نَکِنه شه ره حکیم بَدونین - که اِسرائیلِ یِتا قِسمِتِ سَنگ دلی بَییته، تا وِشونِ تعداد که قرارِ غیر یَهودیون میون، مَسیحِ ایمون بیارِن کامل بَووِن.

رومی ایشون 15:14

ای مِ بِرارون، مِن شه مطمَعنِمه که شِما شه خواریِ جِم پِرِنی و کاملِ مَعرفتِ دارنِنی و توندِنی هَمدییه ره تَعلیم هادین.

رومی ایشون 16:25

اِسا وه جِلالِ که تونده طبقِ مِ انجیل و عیسی مَسیحِ موعظه، شِما ره تقویت هاکانه- یعنی طِبق یِتا رازِ کشف هاکاردِن که از اَوِّلِ دِنیا جا هِدا بییه،

اوّلین نامِه قُرنتیانی سِه 11:4

هر مَردی که شه سرِ دَپوشونه دِعا یا نبوّت هاکانه، شه سَرِ بی حِرمت هاکارده.

اوّلین نامِه قُرنتیانی سِه 12:28

خِدا کلیسائه دِله، اَوِّل رَسولون، دِوّم پِیغَمبِرون، سوّم مَلِّمون؛ بعد معجِزاتِ قِدرَت، بعد شِفا هِدائِنِ عطایا و کُمِک و مدیریت و جورواجورِ زِوون ها، گَب بَزوئِنِ وِسه تعیین هاکارده.

اوّلین نامِه قُرنتیانی سِه 13:1

اگه آدِمون و فرشته هائه زِوون ها گَب بَزِنِم، ولی مِحَبَّت نِدارِم، یِتا سِنج که خَله سَر صِدا کانده و یِتا توخالی طَبلِ واریمه.

اوّلین نامِه قُرنتیانی سِه 13:3

اگه هر چی که دارمه ره صَدقه هادِم و شه تَنِ تَشِ اَلوکِ بسپارِم، ولی مِحَبَّت نِدارِم، هیچ سودی مِ عاید نوونه.

اوّلین نامِه قُرنتیانی سِه 13:8

مِحَبَّت هیچ وَخت تِموم نَوونه. ولی نَبِوّتها از بین شونه و زِوون ها تِموم بونِنه و معرفت از بین شونه.

اوّلین نامِه قُرنتیانی سِه 14:29

بییِلین وِشونِ جِم دِ یا سه نَفِر که نَبِوَّت کاندِنه، گَب بَزِنِن و بَقیه، وِشونِ گَب ها ره سَبِک سَنگین هاکانِن.

اوّلین نامِه قُرنتیانی سِه 14:39

پَس اِی مِ بِرارون، تِمومِ غیرتِ هِمراه نَبِوَّت هاکاردِنِ دِمبال دَووین و دییه زِوون هائه گَب بَزوئِنِ دَمِ نَیرین.

اوّلین نامِه قُرنتیانی سِه 14:4

اونی که دییه زِوون هِمراه گَب زَنده شه ایمونِ تَقویت کانده، ولی اونی که نَبِوّت کانده کلیسائه ایمونِ تَقویت کانده.

اوّلین نامِه قُرنتیانی سِه 15:51

گوش هادین! یِتا راز شِما ره گامبه: اِما همه نَمییِرمی، بلکه همه تبدیل بومبی.

اوّلین نامِه قُرنتیانی سِه 16:22

لعنت به کِسی که خِداوندِ دوس نِدارنه. اَمه خِداوند، بِرو!

اوّلین نامِه قُرنتیانی سِه 4:1

هر کی وِنه اِما ره مَسیحِ خادمون و مِواشِرونِ دید هارِشه که خِدائه رازها وِشونِ اَمانت بِسپارِسه بَییه.

اوّلین نامِه قُرنتیانی سِه 7:19

چوون خَتنه بَیِّن یا نَیِّن مهم نییه، بلکه خِدائه اَحکامِ داشتِن مهمِّ.

اوّلین نامِه قُرنتیانی سِه 8:4

پَس، بِتهائه پیشکَش بَییه خِراکِ بَخُردِنِ خَوِری، دومبی که این دِنیائه دِله «بِت هیچِ،» و «اِلّا یِتا خِدا، خِدائه دییه ای دَنیه.»

دوّمین نامه قرنتیانِ وَسین 12:11

مِن یِتا نادون بیمه! شِما مِ ره مجبور هاکاردینی، چوون که وِنه مِ جِم تَعریف کاردینی. چوون هرچَن که هیچی نیمه ولی اون «گَتِ رَسولونِ» جِم هیچی کم نِدارمه.

غَلاطیان 5:16

ولی مِن گامبه خِدائه روحِ هِمراه رِفتار هاکانین که جِسمِ خواسه ها ره به‌جا نیارنِنی.

غَلاطیان 5:22

ولی خِدائه روحِ ثَمره، مِحَبَّت، خِشالی، صِلح و سِلامتی، صَبر، مِهرَوونی، خواری، وِفاداری،

غَلاطیان 6:3

چوون اگه یه نَفِر شه ره یه چی حِساب هاکانه که نییه، شه ره گول زَنده.

اِفِسُسیان 3:4

وَختی که اونِ بَخونین توندِنی پِی بَوِرین که مِن چی طی مَسیحِ رازِ بِفَهمِسِمه،

اِفِسُسیان 6:19

مِ وِسه هم دِعا هاکانین، تا هَر وَخت شه دِهونِ گَب بَزوئِنِ وِسه واز کامبه، اون کِلامِ قِوَّت مِ ره هِدا بَووه تا اِنجیلِ رازِ، دِل و جِرأتِ هِمراه اِعلام هاکانِم،

کولُسیان 1:26

یعنی اون رازِ که خَله زِمون ها و نَسل هائه جِم قائم هاکارده بَمونِسه بییه، ولی اِسا وه مِقدّسینِ وِسه دیار بَییه.

اول تیموتائوس 3:16

راس راسی که دینداریِ راز خَله گَتِ: وه که جِسمِ دِله ظاهر بَییه، خِدائه روحِ طَریقِ جِم تایید بَییه، فرشته ها وه ره بَدینه، قومهائه میون اِعلام بَییه، دِنیائه دِله وه ره ایمون بیاردِنه، جِلالِ هِمراه، بالا، بَوِرده بَییه.

اوّل یوحنا 4:8

اونی که مِحَبَّت نَکانده، خِدا ره نِشناسیه، چوون خِدا مِحبَّتِ.