اوّلین نامِه قُرنتیانی سِه 12:9 - کتاب مقدس به زبان مازندرانی - گویش شرقی

⁹ و یه نَفِر، هَمون روحِ طَریق، ایمون و یه نَفِرِ دییه اَی هَمون روحِ طریق، شِفا هِدائِن عطایا هِدا بونه.

گیله ماز

⁹ و یَنفر رِه همون روحِ طریقِ جی، ایمان و یِنفر دیگَرِ همون روحِ طریقِ جی، شَفا هَدَئنِ عطا هَدَه بونه.

کتاب مقدس به زبان مازندرانی - گویش غربی

⁹ و یَنفرِ هَمون روحی طریقی جا ایمون، و یَنَفَر دییَر هَمون روحی طریقی جا، شَفا هادائَنی عطایا هادا وونِه.

اوّلین نامِه قُرنتیانی سِه 12:9 Iomraidhean Croise

اِنجیلِ مَتّی 10:8

مَریضونِ شِفا هادین، مِردِه ها ره زنده هاکانین، جِذامیونِ شِفا هادین، دِوها ره بیرون هاکانین. مِفت بَییتِنی، مِفت هم هادین.

اِنجیلِ مَتّی 21:21

عیسی وِشونِ بااوته :«حَییقَتِن شِما ره گامبه اَگه ایمون دارین و شَک نَکِنین، نا فِقَط این کار، بلکه این کارِ جِم گَت تِرم توندِنی هاکانین. حَتّی توندِنی این کوهِ دَستور هادین شه جائه سَر بَکِندی بَووه و دریائه دِله دَکِفه و این طی بونه.

مَرقُس 16:18

و مَرها ره شه دَسائه هِمراه گِرنِنه، اگه کُشنده زَهر هم بَخُرِن، وِشونِ هیچی نَوونه، وِشون مرِضیونِ سَر دَس اییِلنِنه و مریضون شِفا گِرنِنه.»

مَرقُس 6:13

وِشون یَته خَله دِوها ره مَردِمِ جِم بیرون هاکاردِنه و یَته خَله مریضونِ راغونِ هِمراه مَسح هاکاردِنه و شِفا هِدانه.

لوقا 10:9

اونجهِ مریضونِ شِفا هادین و بارین: ”خِدائه پادشاهی شِما ره نَزیکِ.“

لوقا 9:2

و وِشونِ بَفرِسیه تا خِدائه پادشاهیِ خَوِرِ خِشِ اِعلام هاکانِن و مَریضونِ شِفا هادِن.

اعمال رَسولان 10:38

و خِدا چی طی عیسایِ ناصری ره روح القدُس و قِدرَتِ هِمراه مَسح هاکارده، جوری که همه جا گِردِسه و خوارِ کار کارده و تِمومِ اونایی که اِبلیسِ ظِلمِ بِن دَینه ره شِفا دائه، اینِ وِسه که خِدا وه هِمراه دَییه.

اعمال رَسولان 5:15

تا جایی که حَتَّی مَریضونِ شَهرِ میدونهائه سَر یاردِنه و وِشونِ تَخت و دوشِکِ سَر اییِشتِنه تا وَختی پِطرُس اونجه جِم رَد بونه، لااقل وه سایه بَعضیائه سَر دَکِفه و شِفا هاده.

اوّلین نامِه قُرنتیانی سِه 12:28

خِدا کلیسائه دِله، اَوِّل رَسولون، دِوّم پِیغَمبِرون، سوّم مَلِّمون؛ بعد معجِزاتِ قِدرَت، بعد شِفا هِدائِنِ عطایا و کُمِک و مدیریت و جورواجورِ زِوون ها، گَب بَزوئِنِ وِسه تعیین هاکارده.

اوّلین نامِه قُرنتیانی سِه 12:30

مگه همه شِفا هِدائِنِ عطایا ره دارنِنه؟ مگه همه جورواجور زِوون هائه هِمراه گَب زَندِنه؟ مگه همه تَرجِمه کاندِنه؟

اوّلین نامِه قُرنتیانی سِه 13:2

اگه نَبِوّت هاکاردِنِ قِدرَتِ دارِم و بَتونِم تِمومِ رازها و مَعرفتِ بِفَهمِم، و اگه اون طی ایمونی دارِم که کامل بوئه، جوری که بَتونِم کوهها ره جا‌به‌جا هاکانِم، ولی مِحَبَّت نِدارِم، هیچِمه.

دوّمین نامه قرنتیانِ وَسین 4:13

مزمورِ کتابِ دِله بَییَموئه که «ایمون بیاردِمه، پَس گَب بَزومه.» همین ایمونِ روحِ هِمراه، اِما هم ایمون دارمی و گَب زَمبی.

اِفِسُسیان 2:8

چوون فیضِ هِمراه و ایمونِ طَریق نِجات بَییتِنی. و این شِمه جِم نییه؛ بلکه خِدائه هَدیه هَسه،

نامِه مَسیحینی عبرانی نِژادی سِه 11:33

که ایمونِ هِمراه، مملکت ها ره فتح هاکاردِنه، عِدالَتِ برقِرار هاکاردِنه، و وعده‌ها ره به‌دَس بیاردِنه؛ شیرهائه دِهونِ دَوِسِنه،