اوّلین نامِه قُرنتیانی سِه 12:8 - کتاب مقدس به زبان مازندرانی - گویش شرقی

⁸ چوون که یه نَفِرِ خِدائه روحِ طریق حِکمتِ کِلام هِدا بونه، یِتا دییه ره هَمون روحِ طریق، مَعرفتِ کِلام هِدا بونه،

گیله ماز

⁸ چونکه یِنَفَر رِه خدای روحِ طریقِ جی، حکمتِ کلام هَدَه بونه، ایتا دیگَرِ همون روحِ طریق جی، معرفت کلامِ هَدَه بونه،

کتاب مقدس به زبان مازندرانی - گویش غربی

⁸ چون گه یَنفرِ خِدایی روحی طریقی جا، حکمتی کَلام هادا وونِه، یَت دییَرِ هَمون روحی طریقی جا، مَعرفتی کلام هادا وونِه،

اوّلین نامِه قُرنتیانی سِه 12:8 Iomraidhean Croise

اِنجیلِ مَتّی 13:11

عیسی جِواب هِدا: « آسِمونِ پادشاهیِ رازِ بِفَهمِسِن، شِما ره هِدا بَییه، ولی وِشونِ هِدا نَییه .

اعمال رَسولان 6:3

ای بِرارون، اینِ وِسه، شه میون هَفت نَفِر که خِش نومِنه و خِدائه روح و حِکمتِ جِم پِرِنه ره انتخاب هاکانین تا وِشونِ این کارِ سَر بییِلیم

رومی ایشون 15:14

ای مِ بِرارون، مِن شه مطمَعنِمه که شِما شه خواریِ جِم پِرِنی و کاملِ مَعرفتِ دارنِنی و توندِنی هَمدییه ره تَعلیم هادین.

اوّلین نامِه قُرنتیانی سِه 1:30

وه خاطِریِ که شِما عیسی مَسیحِ دِله دَرِنی. اون عیسی مَسیح که خِدائه طَرِفِ جِم اَمه وِسه حِکمَت بَییه، یعنی صالحی، قدّوسیت و آزادی.

اوّلین نامِه قُرنتیانی سِه 1:5

چوون شِما مَسیحِ دِله هر چیِ جِم، تِمومِ گَب بَزوئِن و تِمومِ مَعرفتِ دِله بی نیاز بَینی

اوّلین نامِه قُرنتیانی سِه 13:2

اگه نَبِوّت هاکاردِنِ قِدرَتِ دارِم و بَتونِم تِمومِ رازها و مَعرفتِ بِفَهمِم، و اگه اون طی ایمونی دارِم که کامل بوئه، جوری که بَتونِم کوهها ره جا‌به‌جا هاکانِم، ولی مِحَبَّت نِدارِم، هیچِمه.

اوّلین نامِه قُرنتیانی سِه 13:8

مِحَبَّت هیچ وَخت تِموم نَوونه. ولی نَبِوّتها از بین شونه و زِوون ها تِموم بونِنه و معرفت از بین شونه.

اوّلین نامِه قُرنتیانی سِه 14:26

پَس ای بِرارون منظور چیه؟ وَختی که هَمدییه هِمراه جَمع بونِنی، هر کی حمد و ثِناءِ سرودی، تعلیمی، مکاشفه‌ای، زِوونی و یا ترجمه‌ای دارنه. بییِلین اینا همه ایمونِ تقویتِ وِسه به‌کار بوره.

اوّلین نامِه قُرنتیانی سِه 14:6

اِسا اِی بِرارون، اگه مِن شِمه پَلی بِیِّم و دییه زِوون هائه هِمراه گَب بَزِنِم، چه مَنفِعتی شِما ره رِسِندِمبه، مگه اینکه مُکاشفه یا مَعرفت یا نَبِوَّت یا تعلیمی شِمه وِسه دارِم؟

اوّلین نامِه قُرنتیانی سِه 2:11

چوون کیِ که آدِمیِ فکرائه جِم خَوِر داره، اِلّا شه وه روح که وه دِله دَره؟ اینِ وِسه، فِقَط خِدائه روحِ که، خِدائه فکرائه جِم خَوِر دارنه.

اوّلین نامِه قُرنتیانی سِه 2:16

«چوون کیِ که خِداوندِ فِکرِ بِفَهمه تا وه ره تَعلیم هاده؟» ولی اِما مَسیحِ فِکرِ دارمی.

دوّمین نامه قرنتیانِ وَسین 1:12

چوون که اَمه اِفتخار، اَمه وجدانِ که گِواهی دِنه که این دِنیائه دِله راستی و صاف و صادقیِ هِمراه که خِدائه جِم هَسه رِفتار هاکاردیمی. نا آدِمیِ حِکمتِ هِمراه، بلکه خِدائه فیضِ هِمراه رِفتار هاکاردیمی، عَلی اَلخصوص شِمه هِمراه.

دوّمین نامه قرنتیانِ وَسین 11:6

حَتَّی اگه گَب بَزوئِنِ دِله اِسا نَبوئِم، معرفت دِله چیزی کم نِدارمه؛ راس راسی اِما هر لحاظِ جِم، همه چیِ دِله اینِ شِمه وِسه دیار هاکاردیمی.

دوّمین نامه قرنتیانِ وَسین 2:14

ولی خِدا ره شِکر کامبه که هَمِش مَسیحِ دِله، وه شه پیروزیِ دِله اِما ره راهنِمایی کانده و شه مَعرفتِ عطرِ، اَمه طریق همه جا پَخش کانده.

دوّمین نامه قرنتیانِ وَسین 4:6

چوون هَمون خِدا که بااوته: «نور، تاریکیِ جِم بَتابه،» شه نورِ اَمه دلهائه دِله بَتابِندیه تا خِدائه جِلالِ بِشناسیِن، مَسیحِ دیمِ دِله، اِما ره نورانی هاکانه.

دوّمین نامه قرنتیانِ وَسین 6:6

راسگوییِ هِمراه، خِدائه قِوَّتِ هِمراه، صبرِ هِمراه، مهروونیِ هِمراه، روح‌القُدُسِ هِمراه، بی منّتِ مِحَبَّت هِمراه،

دوّمین نامه قرنتیانِ وَسین 8:7

ولی هَمون طی که همه چیِ دِله سَرتَرِنی - ایمونِ دِله، گَب بَزوئِنِ دِله، معرفت دِله، کاملِ غیرتِ دِله، و شه مِحَبَّت دِله نسبت به اِما- پَس این کارِ خیرِ دِله هم همهِ جِم سَرتر بوئین.