اوّلین نامِه قُرنتیانی سِه 12:7 - کتاب مقدس به زبان مازندرانی - گویش شرقی

⁷ خِدائه روحِ ظاهر بَیّن، هر کسِ وِسه، همهِ منفعتِ وِسه هِدا بونه.

گیله ماز

⁷ خَدای روح ظاهر هَبوسَّن، هر کَسِ رَه، همه یه مَنفعتِ وَسین هَدَه بونه.

کتاب مقدس به زبان مازندرانی - گویش غربی

⁷ خِدایی روحی ظاهر بَووئن هر کَسی سِه، هَمه ای مَنفعتی سِه هادا وونِه.

اوّلین نامِه قُرنتیانی سِه 12:7 Iomraidhean Croise

اوّلین نامِه قُرنتیانی سِه 12:12

چوون هَمون طی که تَن یِتا هَسه، و یَته خَله اَعضا دارنه؛ و تِمومِ تَنِ اَعضا، با اینکه خَلِنه، یه تَن هَسِنه. مَسیحِ هم این طیِ.

اوّلین نامِه قُرنتیانی سِه 14:12

شِمه خَوِری هم این طیِ. از اونجه که غیرتِ هِمراه خِدائه روحِ ظاهر بَیّنِ دِمبال دَرِنی، تَقِلّا هاکانین که کلیسائه ایمونِ تقویتِ وِسه تَرِقّی هاکانین.

اوّلین نامِه قُرنتیانی سِه 14:17

چوون تِ دَره دِرِس شِکر کاندی، ولی تِ شِکر هاکاردِن یه نَفِرِ دییهِ ایمونِ تقویتِ باعثِ نَوونه.

اوّلین نامِه قُرنتیانی سِه 14:19

با این وجود، اینِ دومبه کلیسائه دِله پَنج تا کَلِمه شه عَقلِ هِمراه گَب بَزِنِم تا بَقیه ره تَعلیم هِدا بوئِم، اینِ جِم بهترِ که هزارون کَلِمه، دییه زِوون هائه هِمراه گَب بَزِنِم.

اوّلین نامِه قُرنتیانی سِه 14:5

اِسا مِن خوامبه که تِمومِ شِما دییه زِوونِ هِمراه گَب بَزِنین، ولی ویشتر خوامبه که نَبِوَّت هاکانین. اونی که نَبِوّت کانده، اونی که دییه زِوونِ هِمراه گَب زَندهِ جِم گَت تِرِ مگه اینکه یه نَفِر ترجمه هاکانه تا کلیسائه ایمون تَقویت بَووه.