اوّلین نامِه قُرنتیانی سِه 12:26 - کتاب مقدس به زبان مازندرانی - گویش شرقی

²⁶ و اگه یِتا عضو عِذاب بَکِشه، تِمومِ اَعضا وه هِمراه عِذاب بَکِشِن؛ و اگه یِتا عضو حِرمت داره، همه با هم خِشال بَووِن.

گیله ماز

²⁶ اگه ایتا عضو عذاب کَشِنِه بقیه اعضا اونه عذابِ دِلِه شَریک هَبون؛ و اَگِه ایتا عضو حرمت داره، هَمِه اونه خوشی یه دِلِه شَریک هَبون.

کتاب مقدس به زبان مازندرانی - گویش غربی

²⁶ و اگه یَتِه عضو عذاب بَکِشِه، دِشتِه اعضا وی هَمرا عذاب بَکِشِن؛ و اگه یَتِه عضو حِرمت دارِه، هَمه با هَم خِشال بَوون.

اوّلین نامِه قُرنتیانی سِه 12:26 Iomraidhean Croise

اِنجیلِ مَتّی 3:15

ولی عیسی وه جِواب بااوته: «بییِل اَلان این طی بَووه، چوون اَمه وِسه این طی دِرِسِ که تِمومِ شَریعتِ حِکم، اِنجام بَرِسه» پَس یحیی قبول هاکارده.

اِنجیلِ مَتّی 5:29

پَس اَگه تِ راسِ چِش باعِث بونه گِناهِ دِله دَکِفی، اونِ دَر بیار و دِم هاده؛ چوون تِ وِسه بِهتَرِ یِتا عضوِ شه تَنِ از دَس هادی تا این که تِمومِ شه تَنِ هِمراه جَهَنِمِ دِله دِم هِدا بَووی.

رومی ایشون 12:15

کِسایی هِمراه که خِشالِنه، خِشالی هاکانین، و کِسایی هِمراه که بِرمه کاندِنه، بِرمه هاکانین.

اوّلین نامِه قُرنتیانی سِه 12:25

تا تَنِ دِله سیوایی دَنی بوئه، بلکه تَنِ اَعضا یه اِندا هَمدییهِ فِکرِ دَووِن.

اوّلین نامِه قُرنتیانی سِه 12:27

این طی، شِما مَسیحِ تَن هَسینی و یِتا یِتا وه اَعضانی.

غَلاطیان 6:2

هَمدییهِ بارها ره دوش بَکِشین که این طی مَسیحِ شَریعتِ به‌جا یارنِنی.

نامِه مَسیحینی عبرانی نِژادی سِه 13:3

اونایی ره که زِندونِ دِله دَرِنه ره شه‌یاد دارین، جوری که اِنگاری شِما هم وِشونِ هِمراه زِندونِ دِله دَرِنی؛ و اونایی که عِذاب کَشِنِنه ره شه یاد بیارین، چوون شِما هم تَنِ دِله عِذاب کَشِنِنی.

اول پِطرُس 3:8

سرآخر، شِما همه، همفکر و یَک دِل و بِرار دوس و دلسوز و فروتن بوئین.