اوّلین نامِه قُرنتیانی سِه 12:18 - کتاب مقدس به زبان مازندرانی - گویش شرقی

¹⁸ ولی این طی خِدا اَعضا ره اون طی که شه خواسه، یِتا یِتا تَنِ دِله بییِشته.

گیله ماز

¹⁸ وَلی اینجوری خُدا اعضا رِه اونجور که خودِش خَسِّه، تک به تک تَنِ دِلِه بَنَه.

کتاب مقدس به زبان مازندرانی - گویش غربی

¹⁸ ولی هینجوری خِدا اعضارِه اونجور گه شِه خوایسِه، یَتّا یَتّا تَنی دِلِه بِشتِه.

اوّلین نامِه قُرنتیانی سِه 12:18 Iomraidhean Croise

لوقا 10:21

هَمون لَحظه، عیسی روح‌القدسِ دِله شاد بَییه و بااوته: «ای پییِر، آسِمون و زِمینِ صاحاب، تِ ره شکر کامبه که این چیا ره عاقلون و حَکیمونِ جِم قایم هاکاردی و کِچیکِ وَچونِ وِسه دیار هاکاردی. اره، ای پییِر، چوون این اون چی بییه که تِ ره خِشال کارده.

لوقا 12:32

«ای کِچیکِ گَلّه، نَتِرسین، چوون شِمه آسِمونی پییِرِ خِشالی، اینِ که پادشاهی ره شِما ره هاده.

رومی ایشون 12:3

چوون اون فیضِ طَریقِ جِم که مِ ره هِدا بَییه، شِما هر کِدومِ گامبه که شه ره اونچی که هسینیِ جِم ویشتر، نَدونین، بلکه هر کِدوم اون ایمونِ اِندا که خِدا شِما ره هِدا، دِرِس قِضاوِت هاکانین.

رومی ایشون 12:6

طبقِ فیضی که اِما ره هِدا بَییه، جورواجورِ عطایا دارمی. بِئین اونا ره به کار بَیریم اگه نَبِوّتِ، اونِ شه ایمونِ اِندا به‌کار بَیریم.

اوّلین نامِه قُرنتیانی سِه 12:11

ولی تِمومِ اینا هَمون یِتا روحِ طریق که خِدائه روحِ، قِوَّت گِرنه و اون طی که شه خوانه اونِ رَسِد کانده و هر کی ره دِنه.

اوّلین نامِه قُرنتیانی سِه 12:17

اگه تِمومِ تَن چِش بییه، چی طی بونِسه بِشنُسِن؟ و اگه تِمومِ تَن گوش بییه، چی طی بونسه بو هاکاردِن؟

اوّلین نامِه قُرنتیانی سِه 12:19

اگه تِمومِ اَعضا یه جور بینه، تَن کِجه دَییه؟

اوّلین نامِه قُرنتیانی سِه 12:24

اِسا اون که اَمه قَشِنگِ اَعضا این طی احترامی ره احتیاج نِدارنِنه. ولی خِدا تَنِ اَنده منظم بِساته که اون اَعضا که کمتر حِرمت دارنِنه ویشتر حِرمت دارِن،

اوّلین نامِه قُرنتیانی سِه 12:28

خِدا کلیسائه دِله، اَوِّل رَسولون، دِوّم پِیغَمبِرون، سوّم مَلِّمون؛ بعد معجِزاتِ قِدرَت، بعد شِفا هِدائِنِ عطایا و کُمِک و مدیریت و جورواجورِ زِوون ها، گَب بَزوئِنِ وِسه تعیین هاکارده.

اوّلین نامِه قُرنتیانی سِه 15:38

ولی خِدا اون تیمی وِسه تنی که شه انتخاب هاکارده ره دِنه و هر جور تیمِ، شه وه جورِ واری تَن دِنه.

اوّلین نامِه قُرنتیانی سِه 3:5

مگه آپولُس کیِ؟ پولُس کیِ؟ وِشون فِقَط خادمونینه که خِدا هر کِدومِ یِتا وظیفه‌ هِدا تا وِشونِ طریق شِما ایمون بیارین.

اِفِسُسیان 1:5

وه، طبقِ شه خواسه و اِراده، اِما ره قبلتر شه فرزند خوندگیِ وِسه تَعیین هاکارده، تا عیسی مَسیحِ طَریقِ جِم خِدائه ریکائون بَوویم؛

اِفِسُسیان 1:9

وه شه ارادهِ رازِ اِما ره بِشناسِندیه. طِبق شه خواسه که مَسیحِ دِله ظاهر هاکارده

یوحنایِ مکاشفه 4:11

«ای اَمه خِداوندْ، اِی اَمه خِدا، تِ لایقی که جِلال و حِرمت و قِوَّت تِ ره پیشکش بَووه، چوون که همه چی ره تِ خَلق هاکاردی و همه چی تِ خواسِ هِمراه به وجود بییَمو و خَلق بَییه.»