اوّلین نامِه قُرنتیانی سِه 12:11 - کتاب مقدس به زبان مازندرانی - گویش شرقی

¹¹ ولی تِمومِ اینا هَمون یِتا روحِ طریق که خِدائه روحِ، قِوَّت گِرنه و اون طی که شه خوانه اونِ رَسِد کانده و هر کی ره دِنه.

گیله ماز

¹¹ وَلی تمام ایشان همون ایتا روح طریق جی که خدای روحِ قوَّت گیرنه. و اونجور که خودش خَنِه اونه قسمَت کانه، و هر کی رِه دَنه.

کتاب مقدس به زبان مازندرانی - گویش غربی

¹¹ ولی دِشتِ هَینِن هَمون یَتِه روحی طریقی جا گه خِدایی روحِ قِوَّت گیرنِه. و اونجور گه شِه خواینِه اونِه رَسد کِنِّه و هر کَسِ دِنِه.

اوّلین نامِه قُرنتیانی سِه 12:11 Iomraidhean Croise

اِنجیلِ مَتّی 11:26

اَرِه اِی پییِر، تِ خواسه که مِحَبَّتِ جِم پِرِ، این طی بییه.

اِنجیلِ مَتّی 20:15

مَگه مِن حَق نِدارمه اون طی که مِ دِل خوانِه شه مالِ هِمراه هاکانِم؟ چِش نِدارنی مِ دَس دِلوازی ره بَوینی؟'

اِنجیلِ یوحنا 3:27

یحیی وه جِواب بااوته: «آدِمی نتونده یه چی به‌دس بیاره، مگه این که خِدائه طَرِفِ جِم وه ره هِدا بَووه.

اِنجیلِ یوحنا 3:8

وا هر کجه که بِخوائه زَنده؛ وه صِدا ره اِشنُنی، ولی نَدوندی کجه جِم اِنه و کجه شونه. هر کی که خِدائه روحِ جِم دِنیا بِیّه این طی یه.»

اِنجیلِ یوحنا 5:21

چوون همون‌طی که پییِر مِرده ها ره زنده کانده و وِشونِ زندگی دِنه، هَمون طی هم ریکا هر کی که بِخوائه ره زندگی دِنه.

رومی ایشون 12:6

طبقِ فیضی که اِما ره هِدا بَییه، جورواجورِ عطایا دارمی. بِئین اونا ره به کار بَیریم اگه نَبِوّتِ، اونِ شه ایمونِ اِندا به‌کار بَیریم.

رومی ایشون 9:18

پَس خِدا هر کی که بِخوائه ره رَحم کانده و هر کی که بِخوائه ره سَنگ دِل کانده.

اوّلین نامِه قُرنتیانی سِه 12:18

ولی این طی خِدا اَعضا ره اون طی که شه خواسه، یِتا یِتا تَنِ دِله بییِشته.

اوّلین نامِه قُرنتیانی سِه 12:4

جورواجورِ عطایا دَره، ولی روح هَمونِ؛

اوّلین نامِه قُرنتیانی سِه 12:6

جورواجورِ کارها دَره، ولی هَمون خِدائه که همه ره همه چیِ دِله قِوَّت دِنه.

اوّلین نامِه قُرنتیانی سِه 7:17

فِقَط، هر کی هَمون طی زندگی هاکانه که خِداوند وه وِسه در نَظِر بَییته و خِدا اونِ وِسه وه ره دَعوِت هاکارده. این حکمیِ که مِن تِمومِ کلیساهائه دِله گامبه.

اوّلین نامِه قُرنتیانی سِه 7:7

کاش همه مِ واری بینه، ولی هر کی شه عطیه ره خِدائه جِم بَییته؛ یِتا یه جور عطیه دارنه و اون یِتا یه جور دییه.

دوّمین نامه قرنتیانِ وَسین 10:13

ولی اِما بیش از حد اِفتخار نَکامبی، بلکه فِقَط اَنده اِفتخار کامبی که خِدا اَمه وِسه تعیین هاکارده، اون حد که شِما ره هم رِسِنه.

اِفِسُسیان 1:11

اِما وه دِله وارثون بَیمی، چوون طِبق وه خواسه که همه چی ره طِبق شه اِراده اِنجام دِنه، قبلتر اِنتخاب بَییه بیمی.

اِفِسُسیان 4:7

ولی هر کِدوم از اِما ره مَسیحِ بخششِ اِندا، فِیض هِدا بَییه.

نامِه مَسیحینی عبرانی نِژادی سِه 2:4

هَمون طی که خِدا هم جورواجورِ نشونه ها و عجیب غَریبِ معجزات، و روح‌القدسِ عطاها، که طبقِ شه اِراده دِنه، اون، نِجاتِ گواهی هِدا.

یعقوبِ نامه 1:18

وه شه اِراده هِمراه اِما ره حَییقَتِ کِلامِ هِمراه به وجود بیارده تا اِما وه مخلوقاتِ نوبرِ بوئیم.