اوّلین نامِه قُرنتیانی سِه 12:10 - کتاب مقدس به زبان مازندرانی - گویش شرقی

¹⁰ یه نَفِرِ مُعجزاتِ اِنجام هِدائِنِ قِدرَت هِدا بونه و یه نَفِرِ دییه ره نَبِوَّت، و یه نَفرِ روح هائه تشخیص هِدائِنِ قِدرَت هِدا بونه. یه نَفِرِ، جورواجورِ زِوون ها، گَب بَزوئِنِ وِسه هِدا بونه و یه نَفِرِ دییه ره جورواجورِ زِوون ها، ترجمه هاکاردِنِ وِسه هِدا بونه.

گیله ماز

¹⁰ یِنَفر رِه معجزاتِ انجام هَدَئنِ قدرت هَدَه بونه، و یِنفر دیگَر رِه نَبِوّت، و یِنَفر رِه روحهایِ تَشخیص هَدَئن قدرت هَدَه بونه. یِنَفر رِه، جورواجور زِبانهای ِگَب بَزَئن هَدَه بونه و یِنَفَر دیگر رِه، جورواجور زِبانهای ترجمه هَکوردَن هَدهَ بونه.

کتاب مقدس به زبان مازندرانی - گویش غربی

¹⁰ یَنَفرِ معجزاتی اَنجام هادائنی قِدرت هادا وونِه، و یَنَفَر دییَرِ نَبِوّت، و یَنَفرِ روحهایی تَشخیص هادائَنی قِدرت هادا وونِه. یَنَفرِ جورواجور زِوونها گَب بَزوئَنی سِه هادا وونِه و یَنَفَر دییَرِ، جورواجور زِوونها ترجمه هاکِردنی سِه هادا وونِه.

اوّلین نامِه قُرنتیانی سِه 12:10 Iomraidhean Croise

مَرقُس 16:17

و اونایی که مِ ره ایمون دارنِنه این نشونه و معجزه ها ره کاندنه: مِ اسمِ هِمراه دِوها ره بیرون کاندنه و جدیدِ زِوون هائه هِمراه گَب زَندِنه

مَرقُس 16:20

شاگِردون هم بیرون بُوردِنه و همه جا تَعلیم دانه، خِداوند وِشونِ هِمراه کار کارده و شه کِلامِ اون نشونه و معجِزاتِ هِمراه که شاگِردون اِنجام دانه، ثابت کارده.

لوقا 24:49

اِسا مِن اونچی ره که مِ آسِمونی پییِر شِما ره وَعده هِدا بییه ره شِمه وِسه رِسِندمبه؛ ولی این شَهرِ دِله بَمونین تا مووقه ای که خِدائه قِوَّتِ اَعلیِ جِم، شه تَن دَکُنین.»

اِنجیلِ یوحنا 14:12

«حَییقَتاً، شِما ره گامبه، اونی که مِ ره ایمون داره، وه هم کاراییِ که مِن کامبه ره کانده، و حَتَّی گَت تِر از اون کارا هم کانده، چوون که مِن پییِرِ پَلی شُومبه.

اِنجیلِ یوحنا 16:13

ولی وَختی حَییقِتِ روح بِیّه، شِما ره، به تِمومِ حَییقِت رهبری کانده؛ چوون وه شه جِم گَب نَزِنده، بلکه اونچی اِشنُنه ره گانه و شِما ره آینده جِم با خَوِر کانده.

اعمال رَسولان 1:8

ولی وَختی روح‌القُدُس شِمه سَر نازل بَووه، قِوَّت گِرنِنی و اورشَلیمِ شَهرِ دِله و تِمومِ یهودیه و سامِرهِ مَنطقه و دِنیائه دورتِرین نخطهِ جِم، مِ شاهِدون بونِنی.»

اعمال رَسولان 11:27

اون روزا چَن تا پِیغَمبِر اورشَلیمِ جِم اَنطاکیه بییَمونه.

اعمال رَسولان 11:28

یِتائه اسم که آگابوس بییه، بِلِند بَییه و خِدائه روحِ هِمراه پیشگویی هاکارده که تِمومِ دِنیائه دِله بَدجور قَحطی اِنه. این قَحطی کْلودیوسِ امپراطوریِ حکومتِ دوره اتِّفاق دَکِته.

اعمال رَسولان 19:6

و مووقه ای که پولُس، وِشونِ سَر دَس بییِشته، روح القدس‌ وِشونِ وِسه بییَمو و وِشون یِتا دییه زِوونِ هِمراه گَب بَزونه و نَبِوّت هاکاردِنه.

اعمال رَسولان 5:3

پِطرُس وه ره بااوته: «ای حَنانیا، چه بییِشتی شیطان تِ دلِ این طی پِر هاکانه که روح‌القدسِ دِراغ باری و یه ذِره، شه زِمینِ بَروته پولِ، شه پَلی داری؟

رومی ایشون 12:6

طبقِ فیضی که اِما ره هِدا بَییه، جورواجورِ عطایا دارمی. بِئین اونا ره به کار بَیریم اگه نَبِوّتِ، اونِ شه ایمونِ اِندا به‌کار بَیریم.

رومی ایشون 15:19

وه اینِ نشونه ها و معجِزاتِ قِوَّتِ هِمراه، یعنی خِدائه روحِ قِوَّتِ هِمراه اِنجام هِدا، اون طی که اورشَلیمِ جِم تا «ایلیریکوم» بوردِمه و کاملاً مَسیحِ اِنجیلِ خِدمتِ اِنجام هِدامه.

اوّلین نامِه قُرنتیانی سِه 11:4

هر مَردی که شه سرِ دَپوشونه دِعا یا نبوّت هاکانه، شه سَرِ بی حِرمت هاکارده.

اوّلین نامِه قُرنتیانی سِه 13:8

مِحَبَّت هیچ وَخت تِموم نَوونه. ولی نَبِوّتها از بین شونه و زِوون ها تِموم بونِنه و معرفت از بین شونه.

اوّلین نامِه قُرنتیانی سِه 14:13

اینِ وِسه، اونی که دییه زِوونِ هِمراه گَب زَنده وِنه دِعا هاکانه تا بَتونه شه گَبِ ترجمه هاکانه.

اوّلین نامِه قُرنتیانی سِه 14:39

پَس اِی مِ بِرارون، تِمومِ غیرتِ هِمراه نَبِوَّت هاکاردِنِ دِمبال دَووین و دییه زِوون هائه گَب بَزوئِنِ دَمِ نَیرین.

غَلاطیان 3:5

اونی که خِدائه روحِ شِما ره دِنه و شِمه میون معجزات کانده این کارِ شَریعتِ اَعمالِ هِمراه کانده، یا ایمون به اونچی که بِشنُسِنیِ هِمراه؟

اوّل تِسالونیکیان 5:20

نبوّتها ره کِچیک نِشمارین.

نامِه مَسیحینی عبرانی نِژادی سِه 2:4

هَمون طی که خِدا هم جورواجورِ نشونه ها و عجیب غَریبِ معجزات، و روح‌القدسِ عطاها، که طبقِ شه اِراده دِنه، اون، نِجاتِ گواهی هِدا.

اوّل یوحنا 4:1

ای عزیزون، هر روحی ره باوِر نَکِنین، بلکه روح ها ره آزمود هاکانین که خِدا جِم هَسِنه یا نا. چوون دِنیائه دِله خَله دِراغی پِیغَمبِرون دَرِنه.

یوحنایِ مکاشفه 2:2

تِ کارا ره دومبه و تِ صبر و تِحَمُّل و عِذاب هائه جِم خوِر دارِمه. و دومبه که شَرورِ آدِمونِ نَتوندی تِحَمُّل هاکانی بلکه کِسایی که شه ره رسول دوندِنه ولی نینه، وِشونِ آزمود هاکاردی و بِفَهمِسی که دِراغ زَن هَسِنه.