اوّلین نامِه قُرنتیانی سِه 11:22 - کتاب مقدس به زبان مازندرانی - گویش شرقی

²² مگه سِره نِدارنِنی که اونِ دِله بَخُرین و بَنوشین؟ یا اینکه خِدائه کلیسا ره بی حِرمت کاندینی و فَقیرِ آدِمونِ کِچیک اِشمارِنِنی؟ شِما ره چی بارِم؟ این کارِ وِسه شِمه جِم تَعریف هاکانِم؟ نا نَکامبه.

گیله ماز

²² مَگِه سِرِه نِدارید که اونه دِلِه بُخارین و بَنوشین؟ یا اینکه کلیسایِ خُدا رِه بی حرمت کانید و فقیرِ آدَمان رِه کوچِک اِشمارنین؟ شِمِره چی باگوُم؟ این کارِ وَسین شیمی جی تعریف هَکُنَم؟ نه نُکانَم.

کتاب مقدس به زبان مازندرانی - گویش غربی

²² مَگِه خِنِه نارِنی گه وی دِلِه بَخارین و بَنوشین؟ یا هَینگه خِدایی کلیسارِه بی حرمت کِنِنی و فقیرِ آدَمنِ کِچیک اِشمارِنی؟ شِمارِ چی بُئِم؟ هَین کاری سِه شِمِه جا تعریف هاکِنِم؟ نا نَکِمِّه.

اوّلین نامِه قُرنتیانی سِه 11:22 Iomraidhean Croise

اعمال رَسولان 20:28

شِمه حِواس دَووه و تِمومِ گلّه ای که روح القدس شِما ره وِشونِ نظارتِ وِسه بییِشتهِ مِواظِب بوئین و خِدائه کلیسا ره که اونِ شه خونِ هِمراه بَخریه ره چَپونی هاکانین.

اوّلین نامِه قُرنتیانی سِه 10:32

هیچ کسِ نارِحَت نَکِنین، چه یَهودیون، چه یونانیون و چه خِدائه کلیسا ره،

اوّلین نامِه قُرنتیانی سِه 11:17

ولی اونچی که اَلان شِما ره حِکم کامبه، اَصلِاً شِمه تَعریفِ نَکامبه، چوون مووقه ای که شِما دور هم جَمع بونِنی، فایده که نِدارنه هیچ، ضرر هم دارنه.

اوّلین نامِه قُرنتیانی سِه 11:2

اِسا شِمه تَعریفِ کامبه که همه چیِ دِله مِ ره شه‌یاد یارنِنی و حَتّی اون رَسم و رسومایی که شِما ره بِسپارِسِمه ره حِفظ کاندینی.

اوّلین نامِه قُرنتیانی سِه 11:34

اگه یه نَفِرِ وِشنائه، شه سِره دِله غِذا بَخُره تا شِمه دورِ هم جَمع بَیِّن، مَحکومیتِ باعث نَووه. وَختی شِمه پَلی بِیّم، بَقیه چیائه خَوِری، گامبه که چی هاکانین.

اوّلین نامِه قُرنتیانی سِه 15:9

چوون مِن رَسولونِ میون کِچیکترینِمه، و یه ذِرّه هم لایق نیمه که خِدائه رَسول بَخوندِسه بَووِم، چوون که خِدائه کلیسا ره آزار دامه.

اول تیموتائوس 3:15

تا اگه مِ بییَموئِن عَقِب دَکِته، بَدونی که خِدائه خانوادهِ میون که زِنده خِدائه کلیسا و حَییقَتِ سِتون و پِی هَسه، چی طی وِنه رِفتار هاکارد.

اول تیموتائوس 3:5

چوون اگه کِسی نَدونه که چی طی وِنه شه خانِواده ره بَچِرخونه، چی طی تونده خِدائه کلیسائه مِراقب بوئه؟