اوّلین نامِه قُرنتیانی سِه 11:2 - کتاب مقدس به زبان مازندرانی - گویش شرقی

² اِسا شِمه تَعریفِ کامبه که همه چیِ دِله مِ ره شه‌یاد یارنِنی و حَتّی اون رَسم و رسومایی که شِما ره بِسپارِسِمه ره حِفظ کاندینی.

گیله ماز

² اَسِه شیمی تعریفِ کانَم که هَمِه چی یه دِلِه مَرِه شیمی یاد هارنین و حتّی اون رسم و رسومِایی که شِمِره بِسپارسَّم رِه حفظ کانید.

کتاب مقدس به زبان مازندرانی - گویش غربی

² اِسا، شِمِه تعریفِ کِمِّه گه هَمه چی ای دِلِه مِنِه شی یاد اُرِنی و حتّی هون رَسم و رسومایی گه شِمارِ بِسپارسِمِه رِه، حفظ کِنِنی.

اوّلین نامِه قُرنتیانی سِه 11:2 Iomraidhean Croise

لوقا 1:6

هر دِتا خِدائه نَظِر دِله صالح بینه و تِمومِ خِداوندِ اَحکام و دستوراتِ بی‌عیب به جا یاردِنه.

اوّلین نامِه قُرنتیانی سِه 11:17

ولی اونچی که اَلان شِما ره حِکم کامبه، اَصلِاً شِمه تَعریفِ نَکامبه، چوون مووقه ای که شِما دور هم جَمع بونِنی، فایده که نِدارنه هیچ، ضرر هم دارنه.

اوّلین نامِه قُرنتیانی سِه 11:22

مگه سِره نِدارنِنی که اونِ دِله بَخُرین و بَنوشین؟ یا اینکه خِدائه کلیسا ره بی حِرمت کاندینی و فَقیرِ آدِمونِ کِچیک اِشمارِنِنی؟ شِما ره چی بارِم؟ این کارِ وِسه شِمه جِم تَعریف هاکانِم؟ نا نَکامبه.

اوّلین نامِه قُرنتیانی سِه 15:2

و اونِ طَریق نِجات گِرنِنی، البته اگه کِلامی که شِما ره موعظه هاکاردِمه ره، قایم دارین. اگه این طی نَووه، بیخودی ایمون بیاردینی.

اوّلین نامِه قُرنتیانی سِه 4:17

همینِ وِسه تیموتائوسِ که مِ عزیزِ وچه ئه و خِداوندِ دِله وِفادارِ ره شِمه پَلی بَفرِسیمه. تا مِ راه ها ره مَسیحْ عیسیِ دِله شِمه یاد بیاره، هَمون طی که اون راه ها ره تِمومِ کلیساهائه دِله، همه جا تَعلیم دِمبه.

اوّلین نامِه قُرنتیانی سِه 7:17

فِقَط، هر کی هَمون طی زندگی هاکانه که خِداوند وه وِسه در نَظِر بَییته و خِدا اونِ وِسه وه ره دَعوِت هاکارده. این حکمیِ که مِن تِمومِ کلیساهائه دِله گامبه.

اوّل تِسالونیکیان 1:6

شِما اَمه جِم و خِداوندِ جِم سَرمخش بَییتِنی، چوون خَله مِصیبتِ دِله، خِدائه کلامِ اون خِشالیِ هِمراه که روح‌القدس دِنه، قَبول هاکاردینی.

اوّل تِسالونیکیان 3:6

ولی اِسا که تیموتائوس شِمه پَلیِ جِم اَمه پَلی بَردَگِردِسه و شِمه ایمون و مِحبَّتِ جِم، اَمه وِسه خوارِ خَوِر بیارده. و خَوِر هِدا که شِما هَمِش اَمه جِم خواریِ هِمراه یاد کاندینی و اَمه بَدیئِنِ وِسه ذوق دارنِنی، هَمون طی که اِما هم شِمه بَدیئِنِ وِسه ذوق دارمی.

دوّم تِسالونیکیان 2:15

پَس، ای بِرارون، قایم هرسین و اون تعلیمایی که اَمه جِم یاد بَییتینی ره بَچِسبین، چه اَمه گَب هائه جِم چه اَمه نامه هائه هِمراه.

دوّم تِسالونیکیان 3:6

ای بِرارون، اَمه خِداوندْ عیسی مَسیحِ اِسمِ هِمراه شِما ره حِکم کامبی که هر بِراری جِم که تنبلی کانده و طِبق اون چی که اَمه جِم بَییتِنی رِفتار نَکانده، دوری هاکانین.